Свет
Украинските бегалци продолжуваат да преминуваат во Романија
Многу граѓани кои ја напуштија Украина по рускиот напад продолжуваат да преминуваат во Романија преку граничниот премин Сирет во близина на градот Сучеава.
Украинците кои по долго патување стигнуваат до граничниот премин влегуваат во Романија по завршувањето на граничните проверки.
Снежните врнежи во областа дополнително ги комплицираат условите за Украинците кои бегаат од војната.
Војната на Русија против Украина, која започна на 24 февруари, предизвика меѓународна осуда и доведе до сериозни финансиски санкции против Москва.
Според Обединетите нации (ОН), од почетокот на војната во Украина се убиени најмалку 516 цивили, а 908 се ранети.
Според агенцијата за бегалци на ОН, повеќе од 2,15 милиони луѓе ја напуштиле Украина во соседните земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.