Свет
(Видео) Зеленски се обрати пред германскиот парламент: Повторно имаме ѕид во Европа, но не е Берлинскиот
Украинскиот претседател Володимир Зеленски им се обрати на пратениците во германскиот парламент и не штедеше критики.
Тој се приклучи преку видеоврската на почетокот на седницата на парламентот.
Пратениците го поздравија со силен аплауз.
„Ѕидот се враќа среде Европа со секоја фрлена бомба врз Украина, со секоја неодлучна одлука за мир“, рече Зеленски.
„Ви се обраќам во име на сите Украинци. Мариуполчани со денови живееја без храна, без вода, без поддршка. Руските војници на сè гледаа како на цел“, рече тој.
Зеленски се осврна и на нападите врз театарот.
„Русија не дозволува никаква хуманитарна стока. Бомбардирањето трае веќе петти ден, па помош не може да помине. Германија може да го види сето ова“, рече тој.
Тој повика на воздушен транспорт до Украина.
„По 80 години, Украина повторно се врти кон Германија. Уште еден обид за уништување на украинскиот народ“, рече Зеленски.
Во својот говор тој им се обрати на пратениците.
„Секоја година политичарите повторуваат – никогаш повеќе. Сега гледаме дека тие зборови не вредат ништо. Во Европа се уништуваат луѓе“, рече Зеленски.
Тој ја повика Германија да обезбеди силна поддршка за Украина.
„Се чини дека овие санкции не се доволни за да се запре оваа војна“, додаде тој.
Тој додаде дека илјадници луѓе загинале во првите три недели од војната и рече дека тој зборува „во име на војниците што ги бранат вредностите за кои често се зборува во Европа“.
„Претседателот на САД, Роналд Реган, еднаш рече: „Господине Горбачов, урнете го овој ѕид“. Апелирам до тебе, драг канцеларе Шолц, да го уништиш овој ѕид. Дајте ѝ го на Германија лидерството што Германија го заслужува. Така твоите потомци ќе се гордеат со тебе. Поддржете го мирот, поддржете ја Украина. Стоп за оваа војна“, рече тој.
Билд претходно објави дека се очекува Зеленски да побара дополнителна помош од Германија – финансиска и оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп за апсењето на Ендрју: „Мислам дека тоа е срамота, многу е тажно“
Американскиот претседател Доналд Трамп го коментираше апсењето на Ендрју Маунтбатен-Виндзор, оценувајќи дека станува збор за срамота за британското кралско семејство.
„Мислам дека тоа е срамота. Многу е тажно. Тоа е толку лошо за кралското семејство. Навистина ми е многу, многу тажно“, изјави Трамп.
Тој изрази жалење и за последиците што случајот може да ги има врз кралот Чарлс III, за кого рече дека е фантастичен човек и дека наскоро треба да ги посети САД.
На прашање дали слични апсења може да се случат и во САД, Трамп избегна директен одговор и повтори дека е целосно ослободен од каква било вина поврзана со случајот на Џефри Епстин.
„Јас сум на некој начин експерт за тоа бидејќи сум целосно ослободен од обвиненијата“, рече Трамп, додавајќи дека аферата била искористена за да му се нанесе политичка штета.
Свет
Поранешниот принц, Ендрју, пуштен од полициски притвор, но и натаму под истрага
Ендрју Маунтбатен-Виндзор е ослободен од полициски притвор по неговото апсење под сомнение за злоупотреба на јавната функција.
Поранешниот принц беше приведен од полицајците за време на рација во 8 часот наутро во неговиот нов дом во Вуд Фарм, на имотот Сандрингем, објави „Дејли Меил“.
Полицијата појасни дека истрагата против Ендрју е во тек, иако тој е ослободен.
Поранешниот војвода од Јорк беше уапсен во врска со наводите дека му пренел чувствителни информации на осудениот финансиер и педофил, Џефри Епстин додека дејствувал како трговски претставник на британската влада.
Братот на Ендрју, кралот Чарлс III, не бил однапред предупреден за апсењето, се дозна денес. Тој изјави дека „законот мора да се почитува“ и повика на „фер судење“.
Свет
(Видео) Трамп за претседателот на Парагвај: Млад и згоден, но јас сакам жени
Денеска беше одржан првиот состанок на Одборот за мир на Доналд Трамп, на кој говореше и американскиот претседател. Покрај заканите упатени до Иран и планот за Газа, тој го коментираше и физичкиот изглед на 47-годишниот претседател на Парагвај, Сантијаго Пења.
„Млад, згоден човек. Секогаш е убаво да се биде млад и згоден. Тоа не значи дека мора да го сакаме. Не сакам млади, згодни мажи. Сакам жени. Мажите воопшто не ме интересираат“, рече Трамп.
Trump: Young, handsome guy. Always nice to be young and handsome. Doesn’t mean we have to like you. I don’t like young, handsome men. Women I like. Men I don’t have any interest. pic.twitter.com/E7P1qhExyp
— Acyn (@Acyn) February 19, 2026
За време на основачкиот состанок во Вашингтон, Трамп испрати и порака до Иран дека мора да постигне „суштински договор“ за запирање на својата нуклеарна програма или, како што рече, „ќе се случат лоши работи“.
Тој додаде дека други земји веќе придонеле со повеќе од седум милијарди долари за помош за Газа во рамки на иницијативата на Одборот за мир.

