Забава
Реакции по видеопораката од Шварценегер
Видеообраќање на холивудскиот актер Арнолд Шварценегер до рускиот народ се појави на рускиот Твитер во петокот и предизвика реакции.
Во видео објавено на социјалните мрежи легендата на акционите филмови, роден во Австрија, ги предупредува Русите дека ги хранат со дезинформации за нападот на нивната земја врз Украина.
„Како долгогодишен пријател на рускиот народ се надевам дека ќе слушнете што имам да кажам. Борбата за погрешната страна може да има трајни последици“, вели тој, посочувајќи го примерот на својот татко, Густав Шварценегер, за кој рече дека морал да живее со срам и вина што се борел за нацистите во Втората светска војна. „Секој куршум што ќе го истрелате, пукате во ваши браќа или сестри. Секоја бомба или секоја граната што паѓа не паѓа врз непријател, туку врз училиште, болница или дом“.
Обраќајќи му се директно на рускиот претседател Владимир Путин, тој вели: „Вие ја започнавте оваа војна и вие можете да ја запрете“.
Неговиот потег наиде на пофалби од Русите кои се против војната во Украина.
Во објава на апликацијата „Телеграм“, опозицискиот политичар Лев Шлозберг пишува: „Видеопораката е снимена со почит кон нас, рускиот народ“.
„Арнолд Шварценегер има уникатна способност да разговара со секого со убедување, почит и под еднакви услови. Разум, моќ и правда. Слушајте. Размислете. Разберете“, вели Шлозберг.
Исто така на „Телеграм“ се огласи и либералниот новинар Антон Орех, кој смета дека пораката на Шварценегер не содржи ‘русофобија’.
„Ние сме отпадници во светот. Арнолд е еден од ретките луѓе кои им се обраќа на Русите не како диви орди, туку како на добри луѓе кои ги загубија своите патишта“, напиша Орек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.