Свет
(Од минута во минута) Германија и Франција протераа руски дипломати, Лавров: Имаме документи за вистината во Буча
Од минута во минута го следиме новиот ден на руската инвазија на Украина. Денеска е 40-ти ден.
Клучни податоци:
Бајден: На Путин да му се суди за воени злосторства
- Зеленски одржа говор на наградите „Греми“
- АП пишува дека украинската градоначалничка на град во близина на Киев и нејзиното семејство биле егзекутирани и фрлени во јама
- Украина: 7 мртви и 34 ранети во нов руски напад врз Харков, 3 мртви во напад кај Харков, 6 мртви во Доњецк, уште еден загинат во напад на исток
- Павло Кириленко, лидер на регионот Доњецк, ги предупреди жителите да ја напуштат областа бидејќи се заканува воена ескалација
- Францускиот претседател Емануел Макрон реагираше на масакрот во Буча повикувајќи на забрана за увоз на руски јаглен и нафта, пренесува „Киев Индипендент“
- Борел: Итно мора да се донесат нови санкции поради злосторствата во Буча
Од минута во минута:
22:12 Лавров: Имаме документи кои ќе ја покажат вистината за масакрот во Буча
Русија ќе претстави документи кои сведочат за вистинската природа на настанот во украинскиот град Буча, каде московските сили се обвинети за масакрирање цивили, изјави рускиот министер за надворешни работи, Сергеј Лавров.
„ Денеска преку нашиот постојан претставник (во ОН) ќе организираме прес-конференција на која ќе презентираме документи за вистинската природа на настанот“, изјави тој.
21.07 Франција протерува 35 руски дипломати
Франција има намера да протера 35 руски дипломати чии активности се спротивни на нејзините интереси, изјави извор близок до француското Министерство за надворешни работи.
„Потегот е дел од европскиот пристап“, се вели во соопштението на Министерството истакнувајќи го бројот на руски дипломати што треба да бидат протерани од земјата.
21:03 (Видео) Пленковиќ го осуди военото злосторство во Буча
Хрватскиот премиер Андреј Пленковиќ го осуди военото злосторство во Буча, каде што беа пронајдени стотици убиени цивили уште еднаш изразувајќи поддршка и солидарност со Украина.
„Го осудивме военото злосторство во Буча кај Киев, каде што гледаме егзекуција на цивили на брутален начин, што најостро го осудуваме и уште еднаш изразуваме поддршка и солидарност со Украина“, изјави премиерот.
20:33 (Видео) Мецола: Треба да ѝ воведеме ембарго на Русија и да престанеме да ги финансираме бомбите
Европската Унија треба да воведе ембарго кон Русија и да ја намали нејзината енергетска зависност за да престане со индиректно финансирање на бомбите, изјави претседателот на Европскиот парламент, Роберта Мецола, на пленарната седница во Стразбур, повикувајќи на построги санкции.
„Треба да ја зајакнеме нашата стратегија за да ја претвориме оваа нелегална инвазија во најскапата грешка што Москва некогаш ја направила. Навистина треба да одговориме на овие невидени злосторства на кои сме сведоци“, рече Мецола во говорот на отворањето на пленарната седница.
20:03 Шефот на кинеската дипломатија: Веруваме дека Украина ќе донесе правилна одлука
Кина верува дека Украина има доволно мудрост да избере што ќе биде во интерес на нејзиниот народ и европската безбедност, рече кинескиот министер за надворешни работи, Ванг Ји.
„ Војната сигурно ќе заврши, а потоа најважното прашање ќе биде како да се помогне да се надмине болното искуство и да се обезбеди долгорочна безбедност во Европа“, соопшти кинеското Министерство за надворешни работи на својата веб-страница, цитирајќи го она што Ји го кажал во телефонскиот разговор со неговиот украински колега Дмитриј Кулеба, пренесува ТАС С.
19:51 Германија протера 40 руски дипломати
Германското Министерство за надворешни работи одлучи 40 вработени во руската амбасада да ги прогласи за персона нон грата, објави германскиот неделник „Шпигел“.
Оваа информација ја потврди и министерката за надворешни работи, Аналена Бербок, без да го наведе бројот на руски дипломати што ќе бидат протерани, пренесе „Интерфакс“.
18:32 Бугарија доби официјално барање од Русија
Бугарија добила официјално писмо од „Гаспром“ во кое бара рускиот гас да се плаќа во рубли, пишува „Новините“.
Како што се наведува, тоа го потврдил и министерот за енергетика на Бугарија Александар Николов. Известувањето е добиено во петокот вечерта, а во него се наведува дека руската компанија очекува во иднина плаќање на гас исклучиво во рубли.
18:24 Британската министерка Трас: Русија да биде суспендирана од Советот за човекови права на ОН
„Со оглед на веродостојните докази за воени злосторства, вклучително и извештаите за масовни гробници во Буча, Русија не може да остане членка во Советот за човекови права на ОН“ , напиша на „Твитер“ британската министерка.
18:17 Австрија и Германија против воведување ембарго на увозот на рускиот гас
Официјална Виена се противи на воведување ембарго за увоз на рускиот гас, а министерот за финансии на Австрија, Магнус Брунер, денеска, пред состанокот на еврогрупата во Луксембург, изјави дека Австрија целосно се согласува со Германија и го отфрла ембаргото за рускиот гас.
Претходно, германскиот министер за економија, Роберт Хабек, се изјасни против итно воведување ембарго за увоз на енергенти од Русија.
„Санкциите се корисни само доколку не го погодат оној што ги воведува“, рече Брунер.
18:04 Бајден: На Путин да му се суди за воени злосторства
Американскиот претседател Џозеф Бајден изјави дека е потребно да се соберат докази за да му се суди на рускиот претседател Владимир Путин за воени злосторства.
„Тој е воен злосторник“, рече Бајден за Путин по извештаите за масовни убиства на цивили од страна на руските трупи во градот Буча, северозападно од главниот град на Украина, Киев.
16:20 Литванија го протера рускиот амбасадор
Литванската влада одлучи да го намали нивото на дипломатски претставништва меѓу Литванија и Русија и му нареди на рускиот амбасадор да ја напушти земјата.
Според Lritas.lt, ова го соопшти министерот за надворешни работи на Литванија, Габриелиус Ландсбергис.
15:06 Путин воведе санкции за непријателските земји
Рускиот претседател Владимир Путин потпиша указ за воведување визни ограничувања за граѓаните на земјите кои Русија ги смета за непријателски, како одговор на санкциите пoради Украина.
14:55 Телата на жртвите од Буча ќе бидат ексхумирани
Високата комесарка на ОН за човекови права, Мишел Башелет, рече дека сите тела мора да бидат ексхумирани и идентификувани во украинскиот град Буча за да се обезбеди истрага за можни воени злосторства, пренесува АФП.
Башелет во изјавата рече дека е згрозена од сликите на цивили кои лежат мртви на улиците на украинскиот град Буча:
„Извештаите од оваа и од други области покренуваат сериозни и вознемирувачки прашања за можни воени злосторства, тешки прекршувања на меѓународното хуманитарно право и тешки прекршувања на меѓународното право за човекови права“, рече таа.
14:50 Зеленски вели дека поради Меркел не влегле во НАТО, таа порача: „Останувам на својот став“
Поранешната германска канцеларка, Ангела Меркел, порача дека стои зад одлуката на НАТО од 2008 година да не ја прифати Украина како членка на алијансата, одговарајќи на критиките за политиката кон Русија за време на нејзините 16 години на власт.
13:55 Зеленски ја посети Буча
Украинскиот претседател Володимир Зеленски ја посети Буча. Тој го прегледал патот на кој руската колона била нападната од заседа и разговарал со мештаните. Уште еднаш повторил и дека Русија извршила воени злосторства и геноцид во Украина.
13:45 САД ќе бараат суспензија на Русија од Советот за човекови права на ОН
САД ќе побараат од Генералното собрание на ОН да ја суспендира Русија од Советот за човекови права, изјави американската амбасадорка во ОН.
Двотретинско мнозинство од 193-членото собрание во Њујорк може да ја суспендира државата од Советот поради упорно извршување на груби и систематски прекршувања на човековите права за време на нејзиното членство.
13:30 Лавров: Украинските провокации во Буча се закана за меѓународната безбедност
Рускиот министер за надворешни работи изјави дека украинските провокации во Буча се закана за меѓународната безбедност. Сергеј Лавров го повтори ставот на неговата земја дека Украина организирала нешто што изгледа како масакр на цивили, нарекувајќи го лажен напад.
12:51 Макрон бара забрана за увоз на руски јаглен и нафта
Францускиот претседател Емануел Макрон реагираше на масакрот во Буча повикувајќи на забрана за увоз на руски јаглен и нафта, пренесува „Киев Индипендент“.
„Постојат многу јасни индиции за воени злосторства“, додаде тој.
Францускиот претседател вели дека поддржува дополнителни санкции против Москва поради убиство на стотици украински цивили во Буча, во близина на Киев.
epa09343723 French President Emmanuel Macron attends the annual Bastille Day military parade on the Champs-Elysees avenue in Paris, France, 14 July 2021. France is celebrating its national holiday with thousands of troops marching in a Paris parade and traditional parties around the country, after last year’s events were scaled back because of coronavirus fears. EPA-EFE/LUDOVIC MARIN / POOL MAXPPP OUT
12:10 Милановиќ: Ни Русија ни Украина не се демократски држави
Хрватскиот претседател, Зоран Милановиќ рече дека Русија не е демократска држава, а не е ниту Украина.
Милановиќ порача: Во војна во која не учествувате, тргнете се настрана и почекајте.
11.40 Борел: Итно мора да се донесат нови санкции поради злосторствата во Буча
Европската Унија ги осуди злосторствата извршени од руските вооружени сили во многу окупирани украински градови, вклучително и масакрот во Буча, наведувајќи дека итно се потребни нови санкции против Русија.
11:35 ЕУ: Руската влада е одговорна за масакрите во Украина
„Сторителите на воени злосторства и други сериозни прекршувања, како и одговорните владини претставници и воените лидери ќе одговараат. Руските власти се одговорни за овие злосторства, извршени додека имаа целосна контрола врз областите. Европската Унија ги поддржува сите мерки за да се обезбеди одговорност на руските вооружени сили за кршење на човековите права и меѓународното хуманитарно право во Украина“, се вели во писмената изјава објавена од високиот претставник на ЕУ за надворешна политика и безбедност, Жозеп Борел.
11:30 Полскиот премиер: Германија е главната пречка за заострување на санкциите кон Русија
Германија е голема пречка на патот кон воведување построги санкции кон Русија, изјави полскиот премиер Матеуш Моравјецки на прес-конференција, додавајќи дека Унгарија истите не ги блокира.
11:30 Затвор до пет години за одобрување на воeните злосторства во Украина на „Фејсбук“
„Јавното обвинителство и Министерството за внатрешни работи интензивно ги следат сите изјави и коментари на социјалните медиуми поврзани со случувањата во Украина и согласно своите законски надлежности ќе преземат кривичен прогон против сите сторители кои со своите објави и јавно изнесени ставови ќе го сторат наведеното кривично дело“, велат од Обвинителството.
11:10 Украински функционер: Во текот на ноќта повторно било пукано во Одеса
Јужниот пристанишен град Одеса беше погоден во текот на ноќта во воздушен напад, изјави претставник на воената управа на Одеса.
„Неколку проектили погодија еден од окрузите на Одеса, еден објект е погоден“, изјави портпаролот на оперативниот штаб на воената управа на Одеса, Серхи Брачук, пренесува Си-ен-ен.
11:05 Британско Министерство за одбрана: Руски платеници пристигнаа во Донбас
Руски војници и платеници од групата „Вагнер“се префрлаат во регионот Донбас во источна Украина, соопшти британското Министерство за одбрана.
10:28 Огромна масовна гробница се гледа на сателитски снимки од Буча
Сателитски снимки направени во четвртокот покажуваат делумно ископана масовна гробница пред црквата во Буча, во близина на украинскиот главен град Киев.
Фотографиите, направени од компанијата „Максар технолоџис“ на 31 март, покажуваат ров долг 14 метри југозападно од црквата и официјални лица кои ги отстрануваат телата на украинските цивили.
09:30 Украина соопшти дека досега се убиени околу 400 цивили во околината на Киев
Телата на цивилите во регионот на Киев продолжуваат да се откриваат по заминувањето на руските сили, а досега се пронајдени најмалку 400, соопштија украинските власти, повикувајќи се на прелиминарни информации.
9:00 Захарова: Снимките од Буча се нарачка од САД и НАТО
Руското Министерство за надворешни работи обвини дека снимките од загинатите цивили во Буча биле нарачани од САД како дел од заговорот да се обвини Русија, јавува „Скај њуз“.
8:40 ОН: Забележани се над 1.400 загинати цивили
Канцеларијата за човекови права на Обединетите нации соопшти дека од почетокот на војната во Украина имало 3.455 цивилни жртви.
Ова вклучува повеќе од 1.400 смртни случаи и повеќе од 2.000 повредени.
8:30 Зеленски на наградите „Греми“: Што е спротивно на музиката? Молкот на убиените луѓе
„Пополнете ја тишината со вашата музика. Пополнете ја денес, за да ја раскажете нашата приказна. Поддржете нè на кој било начин. Секаква, но не и тишина“, рече Зеленски.
8:20 Украина: 7 мртви и 34 ранети во нов руски напад на Харков
Седум лица ги загубија животите, а 34 се повредени во руски напад во неделата во станбена област во Харков, голем град во североисточна Украина, соопшти државното правобранителство.
8:10 Украина тврди: Русите прават голема и тајна мобилизација
Русија почна тајна мобилизација на резервистите, тврди украинската армија во најновиот извештај, а пренесува Би-би-си.
8:00 АП: Украинска градоначалничка убиена и фрлена во јама
Градоначалничката на Мотижин, лоциран на 50 километри од Киев, била убиена во класична егзекуција, заедно со нејзиниот сопруг и синот, изјави жителка за Асошиетед прес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Фото+видео) Опасна бура во Словенија: паѓаше град со големина на јајце, издадено портокалово предупредување
Словенија е погодена од силни бури придружени со силни налети на ветер, поројни дождови и град.
Сообраќајот во земјата е забавен, а Агенцијата за заштита на животната средина издаде портокалово предупредување за целата територија.
Од агенцијата посочуваат дека поради дождот може да дојде до задржување на вода и зголемување на реките.
На објавите на социјалните мрежи се гледа дека паѓал град со големина на јајце.
Според објавите и коментарите, најлошото било околу Шемпетер во долината Савиња.
Како што јавува ТВ Словенија, во текот на вечерта бурата постепено ќе ослабне , најдоцна на истокот од земјата.
Бура пристигнува и во Хрватска
Силна бурна ќелија, која пристигна преку брегот од Италија, се движи кон внатрешноста на Хрватска, придружена со врнежи од дожд, силни налети на ветер и локален град.
Водна пијавица е снимена над морето во близина на Умаг. Се очекува активноста на бурата дополнително да се интензивира во наредните часови.
Управата за заштита на животната средина издаде портокалова тревога за регионите Риека, Карловац и Загреб поради локално можни грмотевици со привремено силни до бурони ветрови, а можна е и појава на град.
Свет
Изнајмувач на Airbnb со вештачка интелигенција креирал штети во станот и барал 12.000 фунти отштета од станарката
Жена од Лондон добила извинување и поврат на средства од речиси 4.300 фунти од компанијата Airbnb, откако домаќин во Њујорк лажно ја обвинил дека предизвикала штета од над 12.000 фунти, пренесува Гардијан. Тој приложил фотографии како наводен доказ, кои, според жената, биле создадени со вештачка интелигенција.
Жената го резервирала еднособниот стан на Менхетен во Њујорк за два и пол месеци за да остане во него додека студира, но решила да замине порано бидејќи се чувствувала небезбедно во областа.
Кратко по нејзиното заминување, домаќинот поднел жалба до Airbnb, тврдејќи дека направила штета во вредност од над 12.000 фунти. Навел дека искршила масичка за кафе, душекот го извалкала со урина, оштетила робот правосмукалка, софа, микробранова печка, телевизор и клима-уред. Притоа, приложил и фотографии.
Airbnb ѝ соопштил дека, „по внимателен преглед на фотографиите“, треба да му плати 5.314 фунти на домаќинот. Таа поднела жалба и истакнала дека има очевидец, кој може да потврди дека станот бил оставен во уредна состојба. Дополнително, укажала на јасни визуелни несогласувања во фотографиите, што, според неа, укажувало на дигитална манипулација или употреба на вештачка интелигенција, пишува Гардијан.
„Такви несогласувања не се можни на автентични фотографии од ист објект. Тоа требаше да биде веднаш препознаено од Airbnb“, изјавила таа.
Пет дена по обраќањето на Гардијан до Airbnb, компанијата ја прифатила нејзината жалба. Прво ѝ понудиле 500 фунти, а потоа уште 854 фунти, што претставувало помалку од една петтина од вкупната цена на резервацијата. Откако жената одбила, на крајот ѝ била рефундирана целата сума од 4.269 фунти, а негативната оценка што домаќинот ја оставил на нејзиниот профил била отстранета.
„Загрижена сум за другите корисници кои можеби немаат ресурси да се одбранат од вакви измами. Денес е премногу лесно да се фалсификуваат фотографии со помош на вештачка интелигенција. Airbnb мора да има поостри критериуми за проверка“, изјавила таа за Гардијан.
Домаќинот што ја пријавил има статус на „супердомаќин“, што значи дека има искуство и високи оценки од претходни гости. Тој не одговорил на барањата од Гардијан за коментар.
Од Airbnb изјавиле дека не можеле да ја потврдат автентичноста на испратените фотографии и дека домаќинот добил предупредување за кршење на правилата. Доколку повторно добијат слична пријава, тој ќе биде отстранет од платформата.
„Сериозно ги сфаќаме пријавите за штета. Нашиот специјализиран тим ги разгледува сите достапни докази, а одлуките може да се обжалат“, изјавиле од компанијата за Гардијан.
Серпил Хол, директорка за економски криминал при консултантската фирма Baringa, објаснила дека денес е многу лесно да се манипулираат фотографии и видеа. Софтверите за оваа цел се евтини, достапни и лесни за користење.
„Многу компании веќе не ги прифаќаат фотографиите како единствен доказ во спорови“, рекла таа и додала дека „потребни се форензички алатки и системи за откривање измами, за да се потврди нивната веродостојност“.
Европа
Колона долга околу 700 километри забележана на автопат во Франција
Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република
Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во...
(Видео) Мицкоски: Илинден е симбол на жртвата која генерации пред нас ја дале за слободна Македонија
Премиерот на Македонија, Христијан Мицкоски, денеска од Скопје го честиташе големиот празник 2 Август – Ден на Републиката, Илинден. „Овој...
(Видео) Филипче од Крушево: Илинден е нашиот темел – заедно да ја продолжиме борбата за Македонија
Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...
Kостадиновски: Нашето современо илинденско наследство е вистинската посветеност на владеењето на правото и правната држава
Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...
ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината
ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...
Гаши: Овој ден е симбол на историската борба за слободно, еднакво и демократско општество
Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...
Честитка од претседателката Сиљановска-Давкова по повод 2 Август, Илинден – Денот на Републиката
Претседателката на Македонија, Гордана Сиљановска-Давкова упати честитка по повод 2 Август, Илинден – Денот на Републиката. „Илинден е сржта на...
Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници
Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот...
Браќа од Струшко нападнале семејство во возило во кое имало и деца, ја удирале жената со боксови и клоци
Основното јавно обвинителство Струга поведе постапка против две лица за кривично дело – Насилство. Двајцата браќа, по потекло од струшко,...
Арсовска до Ганиу: Сакаше да ги видиш сите 150 небезбедни згради, нема проблем, ќе ги видиш и ти и цела Македонија
Висар Ганиу лаже, фалсификува, злоупотребува и им овозможува на трети лица да се богатат преку градење згради сега, а кои...
Разрешувањето на Коцевски ќе продолжи од ноември поради изборите, и да даде оставка, Владата е во лавиринт, вели Мицкоски
Од ноември Владата ќе продолжи со процесот за разрешување на државниот обвинител онаму каде што застана, рече денес премиерот Христијан...
Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу
Премиерот Христијан Мицкоски е задоволен од новите тарифи на САД кон Македонија од 15 проценти. Одговарајќи на новинарско прашање поврзано...
Маркетите да не прават трикови оти ограничувањата може да бидат годишни, не неделни или месечни, порача Мицкоски
Можни се годишни место неделни или месечни ограничувања на маржите за да се заузда растот на цените во маркетите. Премиерот...
Со ретровизорот ја удрил во главата и починала: обвинение за возач што имал слепило, а управувал товарно возило
Основното јавно обвинителство Кавадарци поднесе Обвинителен акт против едно лице за тешки дела против безбедноста на луѓето и имотот во...
Случајот со претседателката на антикорупциската комисија најматен настан за јули, според „Транспаренси“
„Транспаренси интернешнл – Македонија“ го објави редовниот месечен извештај „Бистро – матно“ за јули 2025 година, во кој се евидентирани...
Трамп ја објави листата на нови царини
Претседателот на САД, Доналд Трамп, потпиша извршна наредба со која се воведуваат повисоки царини за десетици земји во целиот свет...
Македонија со царина од 15 отсто
Американскиот претседател Доналд Трамп рано утрово по македонско време објави нови царински стапки. Македонија, доби стапка од 15 отсто, идентична...
Денес, втора седница на Советот за безбедност
Претседателката Гордана Сиљановска-Давкова ја свика втората седница на Советот за безбедност што ќе се одржи денес, 1 август, со почеток...
Во моментот нема активни пожари, надлежните апелираат да се внимава за Илинденските празници
Според податоците на Центарот за управување со кризи (ЦУК), заклучно со 18:00 часот , нема ниту еден активен пожар. Шест...
Автомобил се судри со автобус кај Тетово – тројца загинати, едно дете е повредено
Три лица го загубија животот, а едно дете е повредено во тешка сообраќајна несреќа што попладнево се случи на автопатот...
