Македонија
Владата цели на долгорочното унапредување на интеграцијата и економскиот статус на Ромите
На денешната прес-конференција на портпаролите во име на ромската заедница се обрати Елвис Мемети, советник на премиерот за инклузија на Ромите кој се осврна на суштинските политики за унапредување на ромската заедница, истакнувајќи дека Ромите во Северна Македонија имаат потенцијал да го предводат прашањето на сопствената интеграција и да бидат пример за останатите во регионот.
Тој истакна дека Северна Македонија со Стратегијата за инклузија на Ромите 2022–2030 година, прашањата за вклучување на граѓаните од оваа заедница во структурите на општеството се дел од јавните политики на Владата за изедначување на степенот на вклученост и интеграција на сите етнички заедници.
Инвестирањето во развојот на ромската заедница, како што посочи советникот за инклузија на Ромите, има долгорочни придобивки во поглед на подобрувањето на социјалната кохезија и економскиот статус на Ромите.
„Инклузијата на Ромите во општеството учествува позитивно и во постигнувањето на одржливите развојни цели на ООН, како и на позитивните оценки во делот на поглавјето 23 кое се однесува на унапредување на полето правосудство и човекови права на сите граѓани во земјата без разлика на која етничка заедница ѝ припаѓаат“, посочи Мемети.
Тој информира дека за поддршка на имплементацијата на Стратегијата за Роми за 2022 година се издвоени 73.372,000 денари, што е зголемување за 14.128,000 ден во споредба со буџетот за 2021 година.
„Приоритетите за тековната година се ставени на зголемување на економскиот потенцијал на ромската заедница, како и зголемување на застапеноста на Ромите во институциите.
Исто така, по прашање на домувањето актуелни се неколку започнати проекти во Општина Шуто Оризари и Виница, Oпштина Кичево, Битола, Прилеп, Штип со кои се работи на реновирање на куќи од социјално ранливи категории, градба на типски куќи, како и изградба на колективно домување“, истакна советникот на премиерот за инклузија на Ромите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Двајца гостиварчани возеле дури 70 км/час побрзо од дозволеното
На 03.05.2024 во периодот од 11.00 до 17.00 часот на подрачјето на СВР Тетово спроведена е акциска контрола за санкционирање на возачи кои управуваат возило со брзина поголема од дозволената. При контролата биле откриени и санкционирани вкупно 115 пречекорувања на максимално дозволената брзина.
Од нив, 68 пречекорувања се регистрирани надвор од населено место (ТЕ-18 и ГВ-50), од кои двајца возачи (ГВ) возеле со брзина од дури над 70 километри на час, а 21 (Те-14 и ГВ-7) со брзина од 50 до 70 км/час повеќе од дозволеното.
При контролата, исто така, санкционирани се и 47 пречекорувања на брзината во населено место (ТЕ-31 и ГВ-16), од кои 7 (ТЕ-6 и ГВ-1) ја пречекориле брзината до 50 км/час над дозволеното, а санкционирани се и 11 други видови сообраќајни прекршоци (ТЕ-6 и ГВ-5). На возачите прекршители изготвени им се предвидените поднесоци.
Македонија
Ковачевски: Како што Делчев и Илинденците не се откажале, така и ние не треба да се откажеме од борбата за подобра Македонија за нашите деца и внуци
Претседателот на Социјалдемократскиот сојуз на Македонија, Димитар Ковачевски, испрати порака со оддавање почит и слава кон делото на македонскиот револуционер, идеолог и учител, инспираторот и водачот на македонската револуционерна организација, Гоце Делчев, во која вели:
„Денеска, кога чествуваме 121 година од смртта на големиот македонски револуционер, идеолог и учител, Гоце Делчев, треба да се потсетиме на неговата идеја за културен натпревар меѓу народите. Во време кога во повеќе делови на Европа и светот беснеат војни, Гоцевите зборови делуваат како отрезнувачка порака за човештвото.” – истакна Ковачевски.
Претседателот на СДСМ, Ковачевски, посочи дека борбата на Делчев за слободна и независна македонска држава ќе остане вечен паметник за жртвата што ја дале тој и неговите современици.
„Нашата борба денеска, повеќе од еден век подоцна, е за Македонија која ќе биде дел од Европската Унија, држава со европски животен стандард и европски вредности.” – посочи Ковачевски.
Осврнувајќи се на аманетот кој го имаат оставено револуционерите низ македонската историја, Ковачевски посочи: „Како што Делчев и Илинденците не се откажале од нивната борба, така и ние не треба да се откажеме од нашата борба за подобра Македонија за нашите деца и внуци. Само ако успееме да изградиме почитувана, достоинствена и просперитетна држава ќе ја заслужиме почитта на следните генерации.” – рече Ковачевски.
Македонија
Николоски: Во четврта изборна единица ВМРО-ДПМНЕ предвидува инфраструктурно поврзување, поддршка на земјоделието и воспоставување на ред во државата
„Во четвртата изборна единица предвидуваме како и на државно ниво враќање на редот во државата и воспоставување на функционална правна држава“, истакна Александар Николоски, потпретседател на ВМРО-ДПМНЕ и носител на изборна единица 4 во јавување во емисијата „Стадион“ на Канал 77.
„Во четворката предвидуваме и инфраструктурно поврзување тука е пред експресниот пат Прилеп – Градско кој што седум години актуелната власт не успеа да го заврши. Понатака автопатско решение на Прилеп до Битола и граница со „Меџитлија“, значи нешто плус од ова што се предлага имајќи в предвид дека ние нема да бараме како Артан Груби провизии од 20% и од прилика е толку разликата. Ние не планираме да бараме провизии значи ќе има простор за повеќе да се изгради“, појасни Николоски.
Николоски додаде дека третиот фокус во изборната единица 4 е земјоделието. Најголем дел од земјоделското производство во Македонија е токму во изборната единица 4. За тука се предвидени значајни работи кои што сака идната Влада предводена од ВМРО-ДПМНЕ да ги направи, и во делот на производството на тутун, и во делот на производство на грозје и вино, во делот на раноградинарски култури, праски итн.
„Во однос на помалите политички партии кои што имаа свои претседателски кандидати очекувам нивните гласачи затоа што беа проопозициски кандидати да гласаат за Гордана Силјановска Давкова во вториот круг. И на тој начин да имаме успешни претседателски избори и Гордана да стане претседател“, повика Николоски.
Тој посочи дека со идната Влада предводена од ВМРО-ДПМНЕ започнуваат промените во Македонија, време е за проекти кои ќе се од корист за граѓаните и државата.