Свет
Русија: Кина може да види заканите кои доаѓаат од Запад
Кина може да види закани кои доаѓаат од Запад, изјави денеска портпаролката на руското Министерство за надворешни работи Марија Захаров во програмата „Соловјов во живо“.
„Кина многу добро разбира што се случува. Пекинг ги разбира заканите што доаѓаат кон кинескиот народ од алијансата“, рече таа додавајќи дека обединувањето на Кина и Тајван не е во интерес на САД, пренесе ТАСС.
Захарова потсети на ситуацијата од пред неколку години.
Само пред неколку години Кина беше блиску до тоа обединување, разговорите се водеа на највисоко ниво, партиите заедно ги славеа националните празници, сè беше насочено во заедничка насока.
Сепак, тоа не им се допадна на прекуокеанските „пријатели“ кажа.
Според Захарова, Вашингтон намерно го вооружува Тајван со цел да им даде на САД „причини со кои ќе создаваат постојани проблеми во регионот“.
Портпаролката рече дека САД се стремат да ја зајакнат својата позиција во Азиско-пацифичкиот Регион, создавајќи тензии околу Австралија, давајќи ѝ подморници на нуклеарен погон и создавање трилатерален сојуз (AUCUS).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.