Свет
Француската полиција истражува воени злосторства во Украина
Француски полицајци пристигнаа во Лавов во западна Украина за да учествуваат со нивните украински колеги во истрагата за воени злосторства извршени во околината на Киев, изјави францускиот амбасадор во Украина.
Ова е првиот странски тим кој дава ваква помош, објави денеска на Твитер амбасадорот Етјен де Понсинс.
Францускиот амбасадор: Солидарност, горд сум
„Горд сум што во Лавов ги пречекувам членовите на техничкиот и форензичкиот оддел на полицијата, а кои дојдоа да учествуваат со своите колеги во истрагата за воените злосторства извршени во близина на Киев. Тие утре ќе одат на терен“, напиша Понсинс.
„Солидарност“ додаде амбасадорот.
Fier d’accueillir à #Lviv le détachement des gendarmes techniques et scientifiques venu assister leurs camarades ?? dans les investigations des crimes de guerre commis autour de #Kiev. La ?? première à apporter une telle aide. Ils seront à pied d’œuvre dès demain. Solidarité ???? pic.twitter.com/3pX9LkPzeq
— Etienne de Poncins (@EdePoncins) April 11, 2022
„Техничкиот тим на Министерството за внатрешни работи, кој ќе им помогне на украинските власти во идентификацијата на жртвите и собирањето докази, пристигна во Украина утринава“, се вели во заедничкото соопштение на француското Министерство за внатрешни работи.
„Во договор со украинските власти, тие исто така ќе можат да учествуваат во истрагата на Меѓународниот кривичен суд“, се додава.
Русите: Французите сакаат да ги сокријат воените злосторства извршени од Украинците
Руското Министерство за одбрана реагираше дека не треба да се очекува објективна истрага на француската полиција поради пристрасност.
Руското министерство дури се сомнева дека нивна задача е да ги сокријат бројните воени злосторства за кои Москва тврди дека ги извршиле украинските сили и да измислуваат обвиненија против руските војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.