Свет
Градоначалникот на Мариупол: „Азов“ и маринците сѐ уште го бранат гардот, ќе остане украински
![](https://makfax.com.mk/wp-content/uploads/2022/04/e768323b-fdf9-4c74-9af2-7725acea3da4.jpg)
Утрово, градоначалникот на опколениот Мариупол, Вадим Бојченко, изјави дека градот сѐ уште се бори и дека ќе остане украински.
Бојченко ги нарече лажни вести руските извештаи за освојувањето на градското пристаниште и предавањето на повеќе од илјада украински борци, пренесува ДПА. Тој град на брегот на Азовското Море сè уште го бранат припадниците на Азовскиот баталјон и морнарицата, рече Бојченко, кој е надвор од градот.
Мариупол со недели е под опсада на руските сили. Поголемиот дел од градот е уништен, а условите за живеење на преостанатите граѓани се катастрофални.
Русите продолжија да ги бомбардираат Харков, Донецк и Запорожје во текот на ноќта, соопшти утрово украинската армија. Украина очекува нова голема руска офанзива на истокот на земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
„Фајненшл тајмс“: Србија го добива најголемиот рудник за литиум во Европа
![](https://makfax.com.mk/wp-content/uploads/2024/06/Screenshot-2024-06-17-120015.jpg)
Српскиот претседател Александар Вучиќ се подготвува да и даде зелено светло на британско-австралиската компанија Рио Тинто за развој на најголемиот рудник за литиум во Европа две години откако Белград се откажа од проектот, објави Фајненшл тајмс (ФТ).
Вучиќ изјави за ФТ дека новите гаранции од глобалниот рударски гигант и од Европската унија изгледа одговориле на загриженоста на Србија за тоа дали ќе бидат исполнети потребните еколошки стандарди на наоѓалиштето Јадар на западот од земјата.
„Веруваме дека Проектот Јадар има потенцијал да биде средство од светска класа што може да дејствува како катализатор за развој на синџирот на електрични возила во Србија“, изјавија од компанијата Рио Тинто за Ројтерс.
Литиумот, кој се смета за критичен материјал во ЕУ и во САД, се користи во батериите за електрични возила и мобилни уреди.
„Ако исполниме сè, рудникот би можел да биде отворен во 2028 година“, изјави Вучиќ за ФТ, додавајќи дека се очекува рудникот да произведува 58.000 тони литиум годишно. „Тоа би било доволно за 17 отсто од производството на електрични возила во Европа, приближно 1,1 милион автомобили“, рече претседателот на Србија.
Во 2022 година, Белград ги откажа лиценците за проектот Јадар, вреден 2,4 милијарди долари, по големите еколошки протести. Доколку биде завршен, проектот би можел да задоволи 90 отсто од тековните европски потреби за литиум и да помогне компанијата да стане водечки производител на литиум.
Во текот на 2021 и 2022 година, српските екологисти собраа 30.000 потписи на петиција со која се бараше парламентот да усвои закон за запирање на истражувањето на литиум во земјата.
Свет
Аеродромот во Хонг Конг беше затворен поради итно слетување авион, одложени 186 лета
![](https://makfax.com.mk/wp-content/uploads/2024/06/мк.jpg)
Меѓународниот аеродром во Хонг Конг е повторно отворен откако утрово пистата беше затворена по итно слетување на товарниот авион на „Атлас ер“, соопштија од аеродромот.
Пистата е повторно отворена откога бил отстранет авионот, кој бил оштетен при слетувањето, јавува „Ројтерс“.
Авионот не можеше да се движи неколку часа поради неговиот хидрауличен систем.
Одложени беа 186 лета.
Свет
(Видео) Трамп: Зеленски е трговец, секогаш кога доаѓа во САД, тој си заминува со 60 милијарди долари
![](https://makfax.com.mk/wp-content/uploads/2024/06/zelenski-bajden-tramp.jpg)
Поранешниот американски претседател и веројатен републикански кандидат, Доналд Трамп, остро ја критикува американската помош за Украина на предизборниот митинг во Детроит во саботата.
Говорејќи на настанот Turning Point USA, Трамп рече дека ќе ја прекине американската помош за Украина пред да ја преземе Белата куќа.
„Мислам дека Зеленски е можеби најголемиот бизнисмен од сите политичари што некогаш живееле, секогаш кога доаѓа во нашата земја си оди со 60 милијарди долари.
Тој пред четири дена замина со 60 милијарди долари, а дојде дома и објави дека му требаат уште 60 милијарди долари. Никогаш не завршува. Тоа ќе го решам пред да ја преземам Белата куќа како новоизбран претседател“, рече Трамп во говорот.
Трамп претходно изјави дека ќе ја запре воената помош за Украина доколку победи на претседателските избори во САД во 2024 година.Трамп исто така тврдеше дека Русија немаше да почне инвазија на Украина во 2022 година доколку добиеше втор мандат.