Свет
Шефот на ЦИА: Путин е очаен
Шефот на ЦИА, Вилијам Барнс, рече дека руската закана за потенцијална употреба на нуклеарно оружје во Украина не може да се сфаќа лесно, но и дека ЦИА не видела многу докази за да ја зголеми загриженоста.
Говорејќи пред студентите и професорите на Технолошкиот институт „Џорџија“, тој зборуваше за потенцијалниот очај и за неуспесите со кои се соочува рускиот претседател Владимир Путин, чии сили претрпеле, како што рече, големи загуби и биле принудени да се повлечат од делови на Украина по неуспехот да го заземат Киев.
„Со оглед на потенцијалниот очај на претседателот Путин и руското раководство, со оглед на ќор-сокакот со кој се соочија досега, во воена смисла никој од нас не може лесно да ја земе заканата од потенцијалното прибегнување кон тактичко или нуклеарно оружје со ниски перформанси“, рече тој додавајќи дека САД не виделе многу практични докази за вистинското распоредување што би предизвикало поголема загриженост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.