Македонија
(Видео) Лазаревска: Важно е што децата се вратија на настава, дијалогот со СОНК да продолжи
„Добро е што денеска учениците се вратија на настава по отсуство од речиси три недели. Најважно е што наставата продолжи. Учениците да следат настава, да тече образованиот процес и да може да се заокружи училишната година за сите, тоа е најважно за децата. Прекинот на штрајкот на СОНК и процесот на помирување се добра шанса дијалогот да продолжи. Таа шанса треба да се искористи за да се дојде до решение во интерес како на наставниците така и на учениците“, изјави Жаклина Лазаревска, пратеничка на СДСМ, на денешната прес-конференција.
Таа додаде дека веќе има предлог за зголемување на платите за 12 отсто, но и подготвеност за нов општ колективен договор, со кој ќе се создаде методологија за континуиран раст на платите секоја година. Владата предводена од СДСМ досега секогаш покажувала слух и силно го поддржувала процесот на образованието и детската заштита.
Платите на наставниот кадар во изминатите години ги зголемивме 21 %, платата на вработените во градинките за повеќе од 16 %, а минималната плата 100 %, од 9.000 на 18.000 денари.
Лазаревска истакна дека и во време на најголема економска и енергетска криза Владата предводена од СДСМ не се откажа од покачување на платите, туку се посвети на заштита на животниот стандард, поголеми плати и подобри услови за работа на вработените во образованието и детската заштита.
Сега е време да се вложат напори преку дијалог, да се носат решенија што ќе бидат во интерес на сите засегнати страни, но, пред сè, на децата затоа што сите фактори во образованието постојат за децата да имаат соодветен образовен процес, изјави Лазарвска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денес ќе се трча маратон во Скопје, затворени се улици и нема да возат дел од автобусите на ЈСП
Поради одржување на „Виз Ер Скопски маратон 2024“ денеска од 7 до 14 часот дел од автобусите од јавниот превоз ќе сообраќаат по изменет режим од вообичаениот, а дел воопшто нема да се вклучат во сообраќај. Нема да сообраќаат линиите: 3, 3Б, 4, 4А, 9, 16, 22А, 24, 25, 59Б.
Како што соопшти ЈСП „Скопје“, со непроменета траса се градските линии: 2, 2А, 8, 12, 19, 20, 45, 59 и 65В и приградски линии: 11, 11а, 18, 32, 47, 47а, 52, 53, 55, 56, 56а, 60, 61, 63, 63а, 63б, 65, 65а, 65б, 66, 66а, 68, 71, 74, 81 и 162.
Изменет режим на сообраќање ќе имаат автобусите со број 5, 7, 15, 15 А, 21, 22, 23, 27, 28, 31, 41, 51, 67, 70, 50, 50А, 57, 59, 59 А, 58, 58а и 58б. Изменетиот режим на сообраќање на автобусите е објавен на веб-страната на ЈСП „Скопје“.
– Ги потсетуваме сите учесници дека на денот на маратонот ќе можат бесплатно да го користат јавниот превоз со приложување на стартниот број (маица), се вели во соопштението од ЈСП „Скопје“.
МВР информира дека денеска од 8 часот поради одржување на „Виз ер – Скопски маратон 2024“, Единицата за безбедност на патниот сообраќај при СВР Скопје ќе преземе мерки за посебен режим на сообраќај, по и во близина на сообраќајниците каде ќе се движат натпреварувачите.
Траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат два пати) – Старт кај Собрание на РСМ на ул.„11 Октомври“, право кон „Рекорд“, односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“, каде се врти полукружно назад по истата траса се до Собрание на РСМ на ул.„11 Октомври“ и се продолжува право по ул.„11-ти Октомври“, лево по бул.„Крушевска република“, десно по бул.„Трета македонска бригада“, лево по ул.„Васко Карангелевски“, десно по бул. „Јане Сандански“, се до крстосница со бул.„Србија“, каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“, каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„Трета македонска Бригада“, лево по бул.„Крушевска република“, десно по ул.„11 Октомври“ до целта – плоштад „Македонија“, се вели во соопштението.
СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде ќе се одвива настанот.
Македонија
Променливо облачно со повремени врнежи од дожд
Времето во земјава ќе се задржи променливо облачно со повремени врнежи од дожд, наместа пообилни, локално во форма на невреме, проследени со грмежи и засилен ветер.
Како што информираат денеска од УХМР, потоа, во следните денови времето ќе биде стабилно со пораст на дневната температура, освен во среда кога се очекува слаб локален дожд.
Македонија
На покана на ЕИБ, Анѓушев говореше за поставување батерии на фотоволтаични електрани во Штип
Кредити од Европската инвестициска банка (ЕИБ) за македонските фирми да постават батерии на фотонапонските електрани, инсталирани на покривите на индустриските објекти, е поволноста со која европската финансиска институција ќе го поттикнува македонското стопанство да биде енергетски ефикасно.
Пред штипските фирми, во салата на општина Штип, консултантите на Европската Банка, Ловре Ристевски и проф. Даме Димитровски, порачаа дека има потреба ефикасно да се искористува електричната енергија од обновливи извори, наместо во значаен дел таа да се губи.
На претставувањето во Штип, бизнисменот Кочо Анѓушев, сопственик на енергетската компанија ФРОИНВЕСТ, говореше за батериските системи како единствено решение во моментот за справување со вишокот електрична енергија произведена од фотоволтаици, кој вишок производителот не може да го потроши, а електричната мрежа не може да го прими.
Анѓушев ги запозна штипските фирми за важноста на тоа дека секој кој инвестира во обновливи извори, без оглед на големината, потребно е да оди на интегрирано и комплетно решение за да има најбрз поврат на инвестицијата, и оптимало работење на електраната и на батеријата.
Поволните кредити на Европската инвестициска банка (ЕИБ) ќе бидат достапни преку македонските банки, по услови пропишани од ЕИБ.