Македонија
Екосвест: Во Новаци речиси нема денови со здрав воздух

Здружението Екосвест во соработка со регионалната мрежа CEE Bankwatch изработи анализа за загадувањето во општината Новаци од ТЦ Осломеј и РЕК Битола.
Нивните податоци, како што укажуваат, се во насока на тоа дека комплексот РЕК Битола е еден од најголемите загадувачи во Европа, а општина Новаци и Битолскиот Регион го примаат главниот удар.
Анализата покажува дека електраната предизвикува до шест предвремени смртни случаи само во општината Новаци.
„Новообјавената анализа ‘Загадување на воздухот и поврзани здравствени последици во Новаци, Северна Македонија’ подготвена од CEE Bankwatch Network во соработка со Екосвест уште еднаш ги потврдува претходните наоди дека РЕК Битола е главниот причинител за надминување на граничните вредности за загадување на воздухот во Новаци и околината. Според анализата, направена целосно според независни мерења извршени од Bankwatch, надминувањата на ПМ10 и ПМ2.5 честичките се главно во зимските месеци и потекнуваат од насоката на електраната, рудникот за јаглен и депонијата за пепел. Надминувањата, пак, на вредностите на сулфур диоксид доминантно потекнуваат од насоката на оџаците на електраната кои испуштаат неколку пати повеќе гасови од дозволеното“, велат од Екосвест.
„Собраните измерени податоци ги споредивме со законските граници, но и со тие препорачани од Светската здравствена организација како оптимални за заштита на здравјето. Резултатите покажаа дека речиси нема ден во Новаци во кој концентрацијата на некој загадувач не е над нездравите вредности“, изјави Давор Пехчевски, еден од авторите на студијата.
Се наведува дека ваквата концентрација на загадувачи предизвикува сериозни здравствени последици. Само ПМ2.5 честичките во Новаци предизвикуваат до 6 смртни случаи годишно, или пренесено на популација од 100.000 тоа би биле 152 предвремени смртни случаи. Тоа е 50% поголема смртност од аерозагадување отколку во Тузла, друго место со високозагадувачка електрана на јаглен.
И покрај ваквата ситуација, велат од Екосевест, властите и АД ЕСМ и понатаму не преземаат сериозни активности за намалување на загадувањето од РЕК Битола и за заштита на здравјето на жителите од Битолскиот Регион, но и во целата земја.
„Плановите за продолжување на работниот век на ТЕЦ Битола по 2030 година преку отворањето на рудникот Живојно значат и дека битолчани ќе треба да го жртвуваат своето здравје за термоелектраната која работи нелегално и без еколошка дозвола. Ситуацијата во која се ставени битолчани покажува крајна негрижа за човековото здравје“, потенцираше Невена Смилевска од Екосвест.
Целата публикација – Загадување на воздухот и поврзани здравствени последици во Новаци, Северна Македонија може да се преземе на следниот линк: https://bankwatch.org/wp-content/uploads/2022/05/Regular-Zagaduvane-na-vozduhot-i-povrzani-zdravstveni-posleditsi-vo-Novatsi-Severna-Makedonija.pdf
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
38 санкции при акциска контрола на СВР Скопје и Државниот инспекторат за транспорт

Денеска (16.04.2025) во периодот од 06 до 10 часот, полициски службеници од СВР Скопје во заедничка акција со Државниот инспекторат за транспорт при Министерството за транспорт и врски, на подрачјето на Скопје спроведоа контрола за спроведување на законските регулативи и транспортот на патничките и товарните моторни возила, а со цел обезбедување поголема безбедност и законитост во областа на транспортот.
Притоа, од страна на полициските службеници од СВР Скопје беа преземени девет мерки и беа поднесени девет платни налози и записници за сторени прекршоци според Законот за безбедност на патниот сообраќај и според Законот за возила.
Додека, од Државниот инспекторат за транспорт беа констатирани вкупно 29 мерки според Законот за превоз во патниот сообраќај и според Законот за работно време на работниците.
Македонија
Таравари тајно преговарал со Ахмети, Меџити вели дека не го исклучиле од коалицијата туку тој се самоисклучил

Не е веќе тајна бидејќи коалицијата „Вреди“ одамна забележа дека постојат преговори меѓу Таравари и Ахмети со вмешаност на одредени личности од олигархијата, истакна на прес-конференција Изет Меџити од „Вреди“, по завршувањето на состанокот во коалицијата.
Преговорите како што рече Меџити, се воделе веќе неколку месеци.
„Јасно е дека преговорите имале за цел разединување на коалицијата „Вреди“ и враќање од клиничка смрт на ДУИ. Колкава била цената на оваа операција и дали вредело сето тоа, ќе се дознае многу брзо“ нагласи Меџити.
Резимираше, дека тие не го исклучиле Таравари од коалицијата, туку тој се самоисклучил.
Како што истакна, од нивната коалиција оцениле дека синоќешната одлука на Таравари откако биле исцрпени сите аргументи и понуди за да остане во заедничката изборна трка, нема поддршка од искрените гласачи на Алијансата за Албанците, ниту од партиските функционери, кои пред помалку од една година како што рече, ја подржале правилната одлука на таа партија за прекинување на соработката со партијата „која веќе тоне и повлекува со себе многу жртви“.
„ДУИ нема да се спаси без оглед на гумите кои ќе ги фрлат различните политички актери“, подвлече Меџити.
Коалицијата „Вреди“ оценува дека одлуката за настапи со одделни листи за советници, кога како што вели Меџити таа тема веќе била договорена, не се базира на ставовите на партиската база.
Тоа, според Меџити, е одлука донесена во интерес на ДУИ, и за која Таравари ќе мора да даде објаснување пред Албанците, но и пред гласачите на „Вреди“.
„И покрај сето тоа, коалицијата „Вреди“ денес одлучи да настапи заеднички на изборите и со советнички листи и со кандидати за градоначалници, а во наредните денови ќе се формираат и заеднички изборни штабови на „Вреди“ за заеднички настап на претстојните локални избори“, информира Меџити.
Македонија
Муцунски: Посетата на ОАЕ носи конкретни бенефити за граѓаните

Министерот за надворешни работи и надворешна трговија, Тимчо Муцунски, ја продолжува работната посета на Обединетите Арапски Емирати, како дел од владината делегација предводена од претседателот на Владата, Христијан Мицкоски.
Во текот на денешниот ден, беа остварени повеќе средби со претставници на стопанските комори, инвестициски фондови, како и со поединечни претставници на големи корпорации кои изразија интерес за потенцијални инвестиции во државата. Разговорите се фокусираа на можности за инвестиции во инфраструктурата, туризмот, како и во рамки на технолошко-индустриските развојни зони.
„Нашата цел е јасна – повеќе, но и подобро платени работни места во нашата држава. Во наредните денови ќе објавиме една исклучително позитивна вест, која ќе значи многу за секој наш граѓанин, за економијата, трговијата и туризмот“, изјави министерот Муцунски.
Тој додаде дека посетата носи конкретни и опипливи резултати и дека Владата продолжува со истата динамика и посветеност во следните денови од посетата.