Македонија
(Видео) Костовски: Пратениците на ВМРО-ДПМНЕ што блокираат треба итно да се откажат од платите
Пратениците што бојкотираат и го блокираат Собранието, кои не работат ништо, како што тоа го прават пратениците од ВМРО-ДПМНЕ, не смеат да бидат платени од граѓаните за својата неработа и деструктивно однесување, посочи на денешната прес-конференција Мартин Костовски од СДСМ.
„Кога веќе не ја работат работата за која се платени, кога ја попречуваат работата на целото Собрание, тогаш пратениците од ВМРО-ДПМНЕ треба итно да се откажат платите, дневниците, патните трошоци, службените телефони и овие пари да ги донираат кај граѓаните затоа што во вакви околности тоа не треба да им следува.
Ако се земе бројот на пратеници и просечната плата на еден пратеник, тоа се над 40.000 евра народни пари само за пратеничката група на ВМРО-ДПМНЕ и коалицијата.
Кога веќе решиле наместо на граѓаните, да му служат на нивниот партиски шеф Христијан Мицкоски, тогаш од него нега бараат плати за ваквото неработење, за ваквото деструктивно однесување на штета на граѓаните“, нагласи претставникот на владејачката партија и додаде дека ВМРО-ДПМНЕ е единствената партија што во време на криза се обидува, како што рече, да го отежне и закочи нормалното функционирање на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пратениците треба да знаат дека се избрани за во Собрание да аргументираат, а не да се сликаат и да молчат: Богоев ги искара неговите сопартијци по вчерашниот молк
Критики на сметка на новите пратеници од Социјалдемократскиот сојуз од дел од нивните сопартијци.
Молкот на вчерашната конститутивна собраниска седница предизвика реакции меѓу членовите на партијата.
Стефан Богоев од СДСМ, оценува дека пратениците треба да дискутираат во Собрание, а не да молчат.
„Пратениците треба да знаат дека се избрани од народот за во Собрание да аргументираат и дискутираат, а не да се сликаат и да молчат!
Особено на седници на кои се формира владеачко мнозинство и се бира претседател на Собрание.
СДСМ треба да има конструктивна, но пред се корективна и проактивна улога во Собранието.
Тоа мора да биде така од самиот почеток, во спротивно, други партии ќе го превземат опозицискиот простор“, напиша на социјалните мрежи Богоев.
18 пратеници од СДСМ и коалицијата за европска иднина, и покрај тоа што беа присутни, не учествуваа во гласањето за избор на претседател на Собранието.
Македонија
Ќе ја замени градоначалничката фотелја и ќе биде гласот на народот: Блерим Беџети ќе делува како пратеник
Градоначалникот на Општина Сарај и актуелен организациски секретар на ДУИ, Блерим Беџети, соопшти дека градоначалничката фотелја ќе ја замени за пратеничка.
Преку неговиот Фејсбук статус вели дека отсега ќе делува како пратеник во Собранието на Република Македонија и дека ќе биде гласот на волјата на народот.
„Од денеска започнува моето ново патување како пратеник во Собранието. Ветувам дека ќе бидам гласот на волјата на народот и ќе докажам дека легитимитетот на албанскиот глас му припаѓа на Европскиот фронт. Продолжуваме обединети за европска држава и подобар економски развој“, напиша Беџети на Фејсбук.
Тој беше пратеник од 2006 до 2009, а и министер за правда во периодот 2011-2014 година.
Македонија
Сончево со мала до умерена облачност, попладне наместа со локално невреме, пороен дожд и грмежи
Времето денеска сончево со мала до умерена облачност. Попладне наместа ќе биде нестабилно со пороен дожд и грмежи, а локално ќе има услови за краткотрајно невреме со интензивен пороен дожд, засилен ветер и услови за појава на град. Минималната температура ќе биде во интервал од 5 до 13, а максималната ќе достигне од 21 до 29 степени. УВ=6
Во Скопје, времто ќе биде сончево со мала до умерена облачност, попладне во делови од котлината нестабилно со пороен дожд и грмежи. Минималната температура ќе се спушти до 11, а максималната ќе достигне до 26 степени.
И во четврток ќе има повремен пороен дожд и грмежи, локално во форма на краткотрајно невреме. Од петок дневната температура ќе биде во значителен пораст и на повеќе места ќе биде над 30 степени. Сепак во попладневните часови можна е изолирана појава на пороен дожд и грмежи.