Црна хроника
Малолетници шетале на улица со ножеви и шипка
Полицијата приведе три малолетни лица од Тетово, кои на улицата Видое Смилевски-Бато шетале со два ножа и метален предмет.
Од МВР информираат дека со нив, во присуство на нивните родители, во Полициската станица во Тетово бил извршен разговор.
По целосно документирање на случајот, ќе следува соодветен поднесок од Законот за оружјето, информираа од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец најден починат во „бмв“ на паркинг
Вчера на паркинг во Гази Баба, во патничко возило „бмв“ со скопски регистарски ознаки бил пронајден починат Б.Ќ.(54) од Скопје.
Лекар од Итната медицинска помош констатирал смрт без видливи знаци на насилство.
По наредба на јавен обвинител, телото на починатиот било предадено на обдукција.
Извршен бил увид.
Црна хроника
При претреси во Скопје пронајден амфетамин
Денеска во 10.15 часот од страна на полициски службеници од Единицата за недозволена трговија при СВР Скопје, по претходно добиена судска наредба од Основен кривичен суд Скопје, бил извршен претрес во домот на З.В.(34) во с.Волково, скопско.
Тој претходно на подрачјето на Центар бил лишен од слобода од страна на полициски службеници од Единицата за интервентна полиција при СВР Скопје, поради тоа што кај него биле пронајдени и одземени амфетамин, дигитална вага и нож, а при претресот исто така биле пронајдени и одземени амфетамин и дигитална вага. По целосно документирање на случајот, ќе следува кривична пријава по чл.215 од КЗ.
На 25.12.2024 во 16.20 часот од страна на полициски службеници од Единицата за недозволена трговија при СВР Скопје, по претходно добиена судска наредба од Основен кривичен суд Скопје, бил извршен претрес во домот на Р.П.(40) од Скопје, на подрачјето на Гази Баба, при што биле пронајдени и одземени амфетамин, дигитална вага и нож.
Тој бил лишен од слобода и по целосно документирање на случајот ќе следува кривична пријава по чл.215 од КЗ на РСМ.
Црна хроника
Фатен крадец во Карпош – дошол од друга држава со лична карта од трета земја
Полицијата во Карпош, го приведе Ф.С.(42) од Косово, кој бил затекнат непосредно по извршување на тешка кражба од куќа.
При преглед кај него биле пронајдени накит, рачни часовници, хрватска лична карта и други предмети, а при легитимирање лажно се претставил како хрватски државјанин.
Со него бил извршен службен разговор, а одземените предмети биле вратени на оштетената.
Од страна на Единицата за внатрешни работи Карпош при СВР Скопје поднесена е кривична пријава по брза постапка за сторено кривично дело тешка кражба, а од страна на судија на претходна постапка одредена му е мерка притвор во траење од осум дена.