Свет
Столтенберг: Влезот на Финска и Шведска во НАТО би бил историски
По состанокот на министрите за надворешни работи на НАТО во Берлин, генералниот секретар на НАТО Јенс Столтенберг изјави дека доколку Финска и Шведска одлучат да влезат во Северноатлантската алијанса, тоа би било историско и ќе покаже дека вратата на НАТО е отворена, а агресијата не се исплати.
Столтенберг, кој се обрати на видео-конференција на заедничката прес-конференција со германската министерка за надворешни работи Аналена Бурбок бидејќи е заразен со коронавирус, рече дека рускиот претседател Владимир Путин сака да ја победи Украина и да ги подели Европа и Северна Америка, но тие се обединети и Украина може да победи во војната.
Бурбок рече дека вратите на НАТО се ширум отворени за Финска и Шведска.
„Шведска, Финска, ако сте подготвени, подготвени сме и ние“, рече Бурбок, додавајќи дека нивниот влез ќе го зајакне НАТО и ќе ги обедини северноевропските земји.
Столтенберг додаде дека на претстојниот самит на НАТО во Мадрид ќе бидат донесени важни одлуки, како одговор на новонастанатата ситуација во Европа.
Сојузниците ветија дека ќе обезбедат милијарди долари помош за Украина, како и обука, рече Столтенберг.
Запрашан за противењето на Турција за влезот на Финска и Шведска во Алијансата, тој рече дека е важно да се истакне дека НАТО ќе ги почитува одлуките на Финска и Шведска, но и дека Турција е важен сојузник.
„Убеден сум дека ќе успееме да најдеме заеднички јазик“, рече Столтенберг.
Тој додаде дека процесот на проширување на НАТО е многу успешен во текот на годините и дека Финска и Шведска се најблиските сојузници на НАТО кои се’ уште не се нејзини членки.
Според Столтенберг, НАТО треба брзо да реагира доколку овие две земји решат да му се приклучат. Посочи дека НАТО многу внимателно следи што прави Русија и дека е подготвена да реагира доколку Москва изврши каков било напад врз членка на алијансата.
Столтенберг додаде дека потенцијалното членство на Финска и Шведска е „важно за НАТО“ и дека алијансата ќе истражува начини да обезбеди безбедносни гаранции во балтичкиот регион.
Финска денеска објави дека ќе поднесе барање за членство во НАТО, а се очекува Шведска да се изјасни по тоа прашање во текот на денот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.