Регион
Брнабиќ: Ни се закануваат со бомби бидејќи не воведовме санкции кон Русија
Српската премиерка Ана Брнабиќ смета дека честите извештаи за поставени бомби претставуваат притисок од странство врз Србија бидејќи земјата не воведе санкции кон Русија по инвазијата на Украина, како што тоа го направија повеќето западни земји.
„Ние сме единствената земја во Европа која не воведе санкции кон Русија и притисоците се неверојатни од ден на ден. Овие извештаи за бомбите се и притисоци од странство поради невоведувањето санкции кон Русија“, изјави Брнабиќ за белградските медиуми.
За потсетување, околу стотина училишта во Белград вчера беа евакуирани по дојавите за бомби кои се покажаа како лажни. Дојава била испратена и до аеродромот во Ниш, а во последните денови и до трговски центри, железничката станица во Нов Белград и двапати до зоолошката градина.
Серијата дојави за поставени бомби започна во март, прво со авиокомпанијата „Ер Србија“, која продолжи да лета на линијата Москва-Белград по почетокот на руската инвазија на Украина. Украина тогаш ја обвини Србија за профитерство поради зголемениот број летови за Русија во време на западни санкции против таа земја.
Брнабиќ за ТВ Пинк изјави дека невоведувањето санкции кон Русија се покажало исклучително скапо, бидејќи главното прашање за инвеститорите е зошто Србија сè уште не го сторила тоа. Според неа, тоа дополнително го забавува понатамошниот раст на земјата.
И други српски функционери гледаат на честите извештаи за бомби, како дел од специјална, психолошка војна против Србија, чија цел е, како што велат, да ги заплаши луѓето, да ги наруши секојдневните рутини и да создаде нестабилност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.