Македонија
ЦУК: Воздухот во Тетово е значително загаден, задолжително да се носат маски на отворено

Поради големиот пожар, кој избувна претпладнево во фабриката на влезот во Тетово, квалитетот на воздухот е значително влошен, информираат од Центарот за управување со кризи (ЦУК).
Од таму потсетуваат и дека Општина Тетово и СВР Тетово упатиле апел до граѓаните да не излегуваат без потреба од своите домови.
„Најпогодени се оние со белодробни васкулари и срцеви заболувања, кои денеска треба да останат дома и да ги следат известувањата за квалитетот на воздухот. Оние граѓани што имаат потреба да бидат надвор задолжително да носат заштитни маски, по можност H95“, се наведва во соопштението во кое се наведува во домовите да се чуваат затворени прозорците и вратите.
Од ЦУК информираат дека во 12 часот на местото на настанот пристигнала армијата со еден „хамер“ и 13 војници, а на терен исто така се и 80 војници од касарната во Тетово со опрема и машини за гаснење на пожарот.
На самото место е и директорот на ЦУК, Стојанче Ангелов.
„На пожарот се интервенира и од воздух со хеликоптер на МВР, а од страна на ‘ТАВ Maкедонија’ пуштена е цистерна со пена. Интервенираат и пожарникари од Тетово, Гостивар, Кичево и од Скопје, како и екипи со ПП-возила за хемиско гаснење од ‘ТАВ Македонија’ и лица од ДЗС – Тетово и ДЗС – Гостивар“, стои во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.