Македонија
(Видео) Ковачевски на отворањето на Глобсек 2022 за проширување на безбедносниот круг на Европа
Со присуството на официјалното отворање на конференцијата Глобсек 2022 почна учеството на претседателот на Владата Димитар Ковачевски на еден од најважните меѓународни форуми за безбедност што се одржува во Братислава во Република Словачка.
Конференцијата оваа година, во присуство на шефови на држави и влади од Европа и светот и со учество на претставници на најзначајните и највлијателни меѓународни организации и тинк-тенк организации, ја отворија претседателката на Република Словачка Сузана-Чапутова, претседателот на Република Украина Владимир Зеленски со видео обраќање, и претседателката на Европската комисија Урсула фон дер Лајен.
Во обраќањата на отворањето на Форумот уште на самиот почеток преку обраќањата на претседателката на Словачка Чапутова, на Европската комисија Фон дер Лајен, ги поставија суштинските прашања на темата за безбедносните прашања за иднината и за можните перспективи на Европа, додека, пак, претседателот на Украина, Владимир Зеленски, потсети колку е важно европското единство и отпорот на целиот демократски свет кон воената агресија на Руската Федерација.
Форумот Глобсек 2022 Братислава оваа година е фокусиран на поддршката за Украина и за поширокото европско соседство за вклучување во безбедносниот круг на Европа, и на поддршката на зајакнувањето на отпорноста на земјите поединечно, како и на глобалните коалиции за спротивставување на агресијата на авторитарните држави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на пензионери на oпштина Центар: Се надеваме дека соработката со Герасимовски ќе продолжи во иднина
Здружението на пензионери на Општина Центар на средбата со кандидатот за нов мандат, Горан Герасимовски, ја потврди својата поддршка за него во вториот круг од локалните избори. Герасимовски, заблагодарувајќи им се на пензионерите, истакна дека нивната поддршка многу му значи.
„Тоа е генерација која заслужува внимание, почит и помош, а јас како градоначалник, заедно со мојот тим, секогаш сме излегувале во пресрет. Им благодарам што го препознаа сето она што го правиме за нив, преку разни проекти и иницијативи. На средбата разговаравме и за идните планови, како и за можностите за унапредување на квалитетот на нивниот живот“, истакна Герасимовски.

На средбата се разговараше и за новата програма во која се предвидува изградба на дом за стари лица, во кој највозрасните ќе можат да домуваат по субвенционирана цена, извести Герасимовски.
Здружението изрази надеж дека одличната соработка со општина Центар, а особено со градоначалникот Герасимовски ќе продолжи и во иднина.

Пензионерите изразија задоволство од проектот „Сервис за стари лица“, како и од континуираната соработка со општината и нивната вклученост во креирање на политиките на локалната самоуправа, се додава во соопштението од Герасимовски.
Македонија
Без струја денеска делови од Чаир, Бутел и Шуто Оризари
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 11.00 часот корисниците од дел од улицата Бајрам Шабани и дел од улицата Чаирска, општина Чаир;
· во периодот од 09.00 до 10.00 часот корисниците од објектите околу Фитофарм-Визбегово, општина Бутел;
· во периодот од 09.00 до 12.00 часот корисниците позади бензинската ОКТА во Шуто Оризари, општина Шуто Оризари.
Македонија
Делови од Карпош и Шуто Оризари денеска без вода
Од ЈП Водовод и Канализација известуваат дека денеска поради уличен дефект на улицата Демирхисарска бр 13 прекинато водоснабдување ќе имаат корисниците од улицата Демирхисарска, од 17:30 часот до завршување на дефектот, општина Шуто Оризари.
Од ЈП Водовод и Канализација исто така известуваат дека денеска поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхломска, општина Карпош.
Водоснабдувањето ќе биде прекинато од 09:00 часот до завршување со работните активности.

