Забава
Двејн Џонсон ја изненади мајка си со нов дом
Двејн (Карпата) Џонсон ја изненади својата мајка со нова куќа.
Актерот од Jungle Cruise ја доведе Ата Џонсон до солзи радосници кога првпат ја виде куќата што ѝ ја купил. Имено, за Ата таа е посебна бидејќи таму планира да го помине остатокот од својот живот.
Двејн напиша на „Инстаграм“: „Те сакам, мамо, и ова е изненадување!“
„Кога бев мало момче, мразев кога мајка ми плаче – овие денови, со задоволство ќе ѝ измамам солзи радосници“.
„Ја изненадив мајка ми и ѝ купив нов дом. Мене и на мојот дизајнерски тим ни требаа 8 недели да го подготвиме. Таа веќе помина низ влезната врата првпат и сè што виде беше сосема ново и целосно изненадување. Досега сум ѝ купил неколку куќи со текот на годините, но оваа е посебна бидејќи таа во последните неколку години постојано ми велеше: по цел живот патувања, сакам овој дом да биде мојот последен. Тоа е мојот сон“.
„Мамо, нема поголемо чувство од тоа да те направам среќна – добредојде дома!“
„Секогаш велам, ако имаш добра мајка, тогаш имаш можност да станеш добро, грижливо човечко суштество. Сите да им дадеме на нашите мајки голема прегратка овој викенд и да ги направиме среќни“.
На видеоклип мајката на 50-годишниот актер, поранешен професионален борач, се гледа како реагира кога ја видела дневната соба, која му оддаде почит на нивниот самоански предок.
„Ги поставивме нејзините стари укулели на ѕидот и успеав да набавам слики од нашите предци што таа ги нема видено од времето кога растеше во Самоа,“ напиша Двејн во објавата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Никола Роквиќ Велигден го помина во Македонија, се огласи на 14. ден од подвигот
Српскиот пејач Никола Роквиќ веќе 14 дена патува пеш до Грција. Крајната дестинација на пејачот е манастирот Нектариј Егински, каде пејачот ќе се поклони и ќе го заврши подвигот кој го почна за хуманитарни цели.
Никола Велигден го помина во Македонија. Пејачот веќе објави фотографии и видеа на кои покажа како е пречекан во Куманово и Свети Николе.
„Стигнав на денешната дестинација. Голема радост е со мене, на местото Свети Николе, во храмот Свети Никола. Нашите драги домаќини ми кажаа дека ова место е токму местото каде што св. Никола му го вратил видот на Стефан Дечански. Вечерва овде ќе го славиме Велигден, многу сум среќен“, рече Никола.
Забава
Марко Новески објави прва фотка со близначињата: „Мојата дупла среќичка“
Водителот Марко Новески на својот Инстаграм профил објави прва фотографија со новородените близначиња Веда и Вања.
Новески, на 23 април 2024 откри дека заедно со сопругата станале родители и тогаш на неа и се заблагодари на сопругата што му го остварила најголемиот сон.
View this post on Instagram
10-тина дена по раѓањето, Марко објави фотографија, а во прегратка му се двете дечиња.
„Мојата дупла среќичка“, напиша тој,
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.