Забава
Амбер Херд изнајмила импресивна хациенда за време на судењето
Во текот на судскиот спор по тужбата за клевета што Џони Деп ја поднесе против неа, Амбер Херд привремено се преселила во ултралуксузна вила во Вирџинија.
Куќата во која престојуваше ја изнајмила за 22.000 долари месечно и покрај тврдењата на нејзините адвокати дека актерката моментално „нема пари“.
Според „ТМЗ“, Амбер живеела на имот од 1.200 квадратни метри, на 25 минути возење од судот во Ферфакс во Вирџинија, каде се водеше судскиот процес по тужбата за клевета.
Импресивната градба има осум спални соби, 10 бањи, трпезарија за 10 гости, соба за билјард, фитнес-сала, домашно кино и спа-центар, а во дворот има тениско игралиште и големи градини.
Иако во записите за изнајмување го нема името на Амбер Херд, откриено е дека куќата била изнајмена на 4 мај за 22.500 долари месечно, пишува „ТМЗ“.
Според анонимни извори, покрај актерката, на имотот биле видени и нејзината мајка, сестра Витни Хенрикез и ќерката Онаг Пејџ.
Џони Деп во исто време престојуваше во хотелот со пет ѕвездички „Риц-Карлтон“, на 15 минути возење од судот во округот Ферфакс.
Во пресудата донесена на 1 јуни, поротниците му доделија на Деп отштета од 15 милиони долари (10 милиони компензациски трошоци и 5 милиони казнени трошоци), што на крајот беше намалено на 10,35 милиони долари поради правилата на судот во Вирџинија дека 350.000 долари е максимален износ на казна.
Адвокатката на Херд, Елејн Бредехофт, на 2 јуни во разговор со водителката на „Ен-би-си тудеј“, Савана Гатри, рече дека Херд нема да може да му плати отштета на Деп бидејќи нема пари. Таа додаде дека ќе поднесе жалба на пресудата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.