Забава
Велика Британија може да забрани одгледување булдози
Одгледувањето булдози може да биде забрането во Велика Британија доколку не се промени начинот на нивното одгледување, предупредува нова студија.
Истражувачите од Кралскиот ветеринарен колеџ велат дека англиските булдози се изложени на зголемен ризик од респираторни, очни и кожни болести поради нивните екстремни физички карактеристики, вклучувајќи скратени муцки, преклопена кожа и конусно тело, а исто така, имаат краток животен век од само осум години.
Истражувањата покажаа дека булдозите имаат 38 пати поголема веројатност од другите кучиња да добијат дерматитис во кожните набори, 24 пати поголема веројатност да имаат испакната долна вилица и речиси 20 пати поголема веројатност да имаат респираторни заболувања кои предизвикуваат проблеми со дишењето.
Студијата им препорачува на оние кои сакаат да купат булдог да „застанат и размислат“ пред да го сторат тоа.
Студијата, објавена во списанието Canine Medicine and Genetics, сугерира дека булдозите треба да се одгледуваат на начин кој има поумерени физички карактеристики, што ќе биде од корист за нивното здравје и ќе спречи нивното размножување да биде забрането.
„Секое куче заслужува да се роди со еднакво и добро здравје бидејќи има природна способност да дише слободно, да трепка, да вежба, да има здрава кожа, да може да се пари и размножува. За раси како англискиот булдог, кај кои се уште постојат екстремни конформации со лошо вродено здравје, јавноста има улога да бара кучињата да бидат со умерена и поздрава градба“, вели авторот на студијата Ден О’Нил, вонреден професор по епидемиологија на домашни животни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.
Забава
(Видео) Ен Хатавеј доживеа незгоден момент во шоуто на Џими Фалон
41-годишната оскаровка Ен Хатавеј гостуваше во емисијата The Tonight Show на Џими Фалон. Ен е една од ѕвездите на филмот The Idea of You, каде ја игра самохраната мајка Солен, која започнува врска со 24-годишниот Британец Хејс Кембел, кој го игра Николас Галицин.
Филмот е снимен на истоимениот роман на Робин Ли од 2017 година. Актерката имаше прилично непријатен момент во шоуто кога ја спомна книгата на Робин и ентузијастички ја праша публиката: „Дали некој овде ја прочитал книгата?“
“We don’t read. This is the Tonight Show. You wanna go over to Stephen Colbert if you wanna get people that read books.”
You could hear a PIN DROP I’m fucking crying help ??? 💀 pic.twitter.com/0B6Q0b53jY
— Taylor Robinson (@finelytaylored) April 30, 2024
Одговорот на публиката беше – целосна тишина. Од нејзиниот израз се виде дека е засрамена и шокирана од недостатокот на реакција на публиката, но Џими Фалон веднаш се вклучи за да ја спаси.
Тој рече: „Не, не читаме“. Таа досетка ја прекина тензијата во студиото, а публиката и актерката се насмеаа.