Свет
Лавров за Би-Би-Си: Русија не е чиста и не се срамиме да покажеме кои сме
Откако руската армија ја нападна Украина пред речиси четири месеци, илјадници цивили беа убиени и цели градови претворени во урнатини, додека милиони Украинци ги напуштија своите домови.
Но, во четвртокот, рускиот министер за надворешни работи Сергеј Лавров погледна во очите на новинарот на Би-Би-Си Стив Розенберг и рече дека работите не се како што изгледаат.
– Не ја нападнавме Украина. Прогласивме специјална воена операција бидејќи немавме апсолутно никаков друг начин да му објасниме на Западот дека вовлекувањето на Украина во НАТО е криминален чин – тврди Лавров.
Откако Русија ја нападна Украина на 24 февруари, Лавров даде само неколку интервјуа за западните медиуми.
Тој го повтори официјалниот став на Кремљ дека во Украина има нацисти.
Руските власти често тврдат дека нивната војска ја „денацизира“ земјата. Лавров неодамна предизвика тревога кога се обиде да ја оправда нацистичката навреда кон украинскиот претседател, кој е Евреин, со смешно тврдење дека Адолф Хитлер има „еврејска крв“.
Новинар на Би-Би-Си ја цитираше неговата изјава во официјалниот извештај на ОН за украинското село Јахидне во регионот Чернихив дека „360 жители, меѓу кои 74 деца и пет лица со посебни потреби, биле принудени од руските вооружени сили да останат 28 дена“ во подрумот на училиштето. Немаше тоалети,вода. Загинаа 10 постари лица“.
– Дали е тоа борба против нацистите? – го праша Лавров новинар на Би-Би-Си.
– Голема штета е, но меѓународните дипломати, вклучително и високиот комесар за човекови права на ОН, генералниот секретар на ОН и други претставници на ОН, се под притисок на Западот.
И многу често се користат за ширење лажни вести што ги шири Западот – рече Лавров и додаде:
– Русија не е чиста. Русија е тоа што е. И не се срамиме да покажеме кои сме.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.