Македонија
Почна протестот на ВМРО-ДПМНЕ, од партијата порачаа потребни се промени и предвремени избори
Под мотото „Премногу е“, симпатизери на ВМРО-ДПМНЕ од повеќе градови од државата пристигнаа во Скопје на антивладиниот протест.
На протестот ќе се обрати и претседателот на ВМРО-ДПМНЕ, Христијан Мицкоски.
Пред почетокот на протестот се одржа Отворено студио пред Владата, каде стана збор за надворешната, внатрешната политика, образованието и економијата.
„Она што се случува е заокружување на една авантура во која оваа власт влезе пред пет години со промената на името на државата и го отвори процесот на нејзиното обезличување така што ова е едно крешчендо што се случува во односите со Бугарија. Односно заокружување на еден процес кој почна со преспанскиот договор а треба да се заврши со договорот за добрососедство со Бугарија“ истакна поранешниот амбасадор и професор Звонимир Јанкуловски во Отвореното студио пред влада на Протестот за промени – Премногу е!.
Јанкуловски оцени дека власта не довела до ситуација на маѓепсан круг во надворешните односи и безалтернативност.
„Во надворешната политика доминантен е интересот а не љубовта или довербата едни кон други така што оваа Влада токму тоа го запостави. Наместо да се концентрираме на реформите и внатре во државата целиот напор што владата го прави е надворешно политичко рекомпонирање или репозиционирање на Македонија, притоа губејќи го она суштинското она битното а тоа е идентитетот на државата, изјави тој.
Силјановска-Давкова: Собранието личи на сопственост на претседателот на Собранието
Според универзитетската професорка и пратеничка на ВМРО-ДПМНЕ Гордана Силјановска Давкова, Собранието личи на сопственост на претседателот на Собранието, а тој не личи на Претседател на Собранието туку на Каудиљо.
„Човек кој доаѓа 2 саати по предвиденото време, кој си дава збор кога сака и зборува колку сака тогаш тој е човек кој не верува во демократијата. Собранието е затворено. Единствената комисија која е Уставна е комисијата за заштита на слободите и правата. Таа не може да се состане бидејќи требало согласнот од Претседателот“, рече Силјановска Давкова во Отвореното студио пред влада на големиот протест за промени – Премногу е!
„Потребни се промени и предвремени парламентарни избори, граѓаните сами да одлучат за својата иднина“
Игор Николов, претседател на комисијата за здравство на ВМРО-ДПМНЕ вели дека се праќа јасна порака дека на народот му е доста и бараат компетентно и професионално решавање и на здравствената и на останатите кризи и дека едно е сигурно, вака не смее да продолжи.
Линковско вклучување во Отвореното студио имаше и пратеникот и член на ИК на ВМРО-ДПМНЕ Миле Лефков вели време е владата да се освести и веднаш да се оди на предвремени парламентарни избори, како и дека молкот не опција, масовниот протест покажал дека граѓаните сакаат сами да одлучат за својата судбина и иднина.
Граѓаните од внатрешноста со автобуси на протестот на ВМРО-ДПМНЕ: „Кога ги каневме одзивот беше огромен, се бараше превоз плус“
Голем број граѓани од државата со автобуси пристигнаа на денешниот протест на опозициската ВМРО-ДПМНЕ.
Ели Панова, член на Извршниот комитет на ВМРО-ДПМНЕ и пратеник, во Отвореното студио пред Владата рече дека одзивот е видлив, а пристигнуваат автобуси од цела Македонија со луѓе кои се незадоволни.
„Самиот одзив кога ги каневме граѓаните да дојдат да ни се придружат и да присуствуваат на овој сенароден протест беше огромен. Се бараше превоз плус за да може да пристигнат повеќе луѓе кои сакаат на овој начин да покажеме дека навистина е премногу и навистина е доволно. Доаѓаат многу автобуси, колони автомобили. Многу е големо незадоволство, има многу големи проблеми кои се наталожени и мислам како поминуваат годините мислам таму конечно ќе падне тој бастион кој беше на СДСМ“, кажа Панова.
Елена Маркова претседател на Комисија за енергетика на ВМРО-ДПМНЕ во Отворено студио пред Влада, нагласи дека состојбата во енергетиката е катастрофална, укажувајќи дека тимот на власта кој што ја води енергетиката ја довел земјата до катаклизмична ситуација од која ќе треба многу години за да од минусот се стигне до нула, а потоа да се надгради.
Претседателка на комисија за образование и наука на ВМРО-ДПМНЕ, Весна Јаневска истакна дека со СДСМ се случува катастрофа во образованието.
„Сакаа да ја укинат македонската историја и да се пишува според потребите на туѓи интереси, а исто така со неа се укина правото на учениците да имаат бесплатно образование, а дигитализацијата воопшто испадна дека не е дигитализација, и Направија и драстична дискриминација помеѓу сиромашните и богатите“, рече Јаневска.
Стефан Андоновски, секретар за меѓународна соработка на ВМРО-ДПМНЕ за време на отвореното студио истакна дека ова ќе биде еден од најголемиот протести кои што и се случиле на Македонија, а во организација на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски од Абу Даби: Ја разгледуваме потенцијалната соработка за инвестиции во Македонија
Вицепремиерот и министер за транспорт Александар Николоски ја предводи македонската делегација состaвена од министерот за надворешни работи и надворешна трговија, Тимчо Муцунски, Игор Јанушев, генерален секретар на Владата и Гоце Димовски, директор на Дирекцијата на ТИРЗ, која денеска во Абу Даби оствари средба со Валид Ал Мокараб Ал Мухари – заменик извршен директор на “Мубадала’ инвестициска компанија од Обединетите Арапски Емирати.
На средбата на која се разговараше за потенцијалната соработка, Николоски ги презентираше условите што ги нуди Македонија на странските инвеститори, како и потенцијалните можности за инвестиции во Македонија.
Николоски истакна дека оваа средба е добра можност за отворање на нови перспективи меѓу двете земји, потенцирајќи дека Македонија има одлична геоположба која на инвеститорите им нуди предност во регионот и директно поврзување со пазарите во Централна Европа.
На средбата, Николоски ги презентираше и инвестициските можности во делот на туризмот, инфраструктурата и земјоделието. Тој пред присутните го претстави планот за инфраструктурен развој на Република Македонија со посебен фокус на модернизација на транспортните коридори.
Исто така на средбата се разменија и идеи за поддршка на претприемаштвото и приватниот сектор во делот на технологијата, иновациите, обновливите извори на енергија и други сектори.
“Мубадала” е инвестициска компанија со портфолио од 302 милијарди долари која работи на шест континенти во различни сектори.
Денешната средба е во рамки на владината официјална посета на Обединететите Арапски Емирати.
Македонија
Кирков: Да им дадеме шанса на вработените во „Лајка“ за проблемот со бездомната популација на животни да биде решен
Денеска, на 62-та седница на Град Скопје, се обрати и советникот Стефан Кирков од редовите на ВМРО-ДПМНЕ кој се осврна на проблемот во Скопје со бездомната популација на кучиња. Тој напомена дека го посетил ЈП Лајка и имал прилика да разговара со вработените кои иако работеле таму повеќе од три години, сепак немаат постојано вработување. Кирков додаде дека проблемот со бездомните кучиња ќе биде решен со нова програма, меѓутоа поднесе молба до сите советници во Град Скопје, да се изгласаат 6 вработувања, бидејќи ова се луѓе кои заслужуваат, затоа што не секој може да ја работи оваа работа, освен оние кои навистина ги сакаат животните.
Кирков посочи дека не може да остане имун кога во прашање се бездомните кучиња на територија на главниот град. Тој го нарече овој проблем рак-рана, проблем кој е децениски и додаде дека политиката не треба да биде дел кога станува збор за животните.
„Сакам да ги известам целата јавност и советниците дека пред неколку недели заедно со мојот колега од Советот, господинот Тони Бојковски, бевме во посета на ова јавно претпријатие. Разговараме и со директорката која можам да кажам дека не прими одлично, не запозна со целокупната работа на претпријатието, со сите проблеми со кои се соочува ова претпријатие“, изјави Кирков.
Кирков објасни дека разговарал и со вработените кои за жал, иако се вработени таму повеќе од 3 години, сепак немаат постојано вработување.
„Ова се истите тие вработени кои сега доаѓаат во оваа програма за вработување до крајот на годината. Се работи се одржувачи на претпријатието, за чувари, за ветеринарни техничари и слично. Сакам како човек кој е директно поврзан со животните и ја следи оваа проблематика да ве запознаам дека оваа работа е навистина комплексна. Не може секој да ја работи оваа работа и навистина треба да си ја сакате работата и да си ги сакате животните за да го работите ова“, додаде Кирков.
Кирков истакна дека смета дека овие вработени треба да добијат шанса за вработување и да бидат задржани во стационарот. Тој предложи до советниците од Град Скопје да се изгласаат 6 вработувања кои се бараат во моментов, и кажа дека ги уверува сите скопјани дека ова претпријатие во моментов ќе биде проширено, а и дека во многу краток период ќе биде решен проблемот со бездомните кучиња.
„Програмата со која работи ЈП Лајка е погрешна и треба да се дополни со тоа што се покажа во изминативе години дека не ги оправда очекувањата на скопјани или пак многу споро го решава проблемот со бездомните кучиња. Метрополата е преплавена има преку 10-тина илјади кучиња на територија на Град Скопје. Ајде да почнеме од некаде да го решаваме проблемот, многу набрзо од сега верувам дека ќе имаме нова програма, нов градоначалник ново раководство, но да дадеме шанса на овие вработени да си ги задржиме затоа што е реткост“, заклучи Кирков.
Македонија
Пензионери и студенти би можеле да бидат работно ангажирани со новиот закон, образложи Дурмиши
Министерот за економија и труд Бесар Дурмиши денеска на јавна расправа која се одржа во Собранието го образложи Законот за работно ангажирање на лица.
Тој рече дека Министерството за економија и труд активно работи на мерки за намалување на сивата економија и обезбедување на социјална заштита за работниците, а во таа насока е и предлог Законот за работно ангажирање на лица.
Една од целите на овој закон, рече Дурмиши, е да се спречи иселувањето на младите како и да им се даде на македонските компании легален однос да ангажираат работници.
Со овој закон, како што образложи министерот, се овозможува поедноставена постапка за работно ангажирање на лица за повремени и сезонски работи во одредени дејности.
Со законот би се дозволило да се ангажираат лица со старосна пензија, како и редовни студенти, без притоа тие да ги изгубат другите бенефиции, како што се корисниците на социјалната и детската заштита, евидентирани невработени лица (право на паричен надомест и не се бришат од евиденција на невработени), корисник на старосна и семејна пензија, корисник на право на социјална сигурност, статусот на редовен студент.
Овој закон, додава министерот, помага во борбата против неформалната „сива“ економија, преку формализирање на непријавената работа и е дел од стратешките определби на државата за стимулирање и поддршка на формализацијата на неформалните економски активности преку воспоставување систем на превентивни и стимулативни мерки за поддршка.
Работното ангажирање во поедноставена постапка ќе се врши со пријава на лицето преку регистарот за евиденција на работно ангажирање на Агенцијата за вработување на Република Македонија, додека наплатата на даноците и придонесите ќе се врши преку надградба на системот за наплата на даноците и придонесите на Управата за јавни приходи.
Се’ уште се прибираат докази во изгорениот „Пулс“, се вештачат телефони и лаптопи
Дел од обвинителите кои постапуваат во предметот за пожарот во кочанската дискотека „Пулс“, како и Јавниот обвинител, денеска, одржаа состанок...
Трговците со помалку од 10 вработени немаат обврска да ги објавуваат цените онлајн
Од четврток, 18 април, сите трговци (мали, средни или големи) ќе треба да ги објават цените на секој производ што...
„Влен“ денес на средба ќе ја разгледа одлуката на Таравари да настапи на изборите со свои кандидати за советници
Во 14 часот денес ќе се состане коалицијата „Влен“ по што ќе се знае како ќе продолжат понатаму со Алијансата...
Десет полицајци под истрага за несреќата во Кочани
Десет полицајци од Штип и од Кочани се под истрага за катастрофалниот пожар во дискотеката „Пулс“. Според Обвинителството, тие се...
(Видео) Спречен обид за шверц на 6,4 килограми сребро, извести Царинската управа
На граничен премин Богородица мобилен тим спречи обид за криумчарење на 6,4 килограми сребро во вредност од 472 илјади денари....
Одложено рочиштето за убиството на Вања
Рочиштето за убиството на Вања, на кое обвинетиот Љупчо Палевски-Палчо требаше да даде исказ, е одложено. Судењето е одложено поради...
Возел пијан и без возачка, па лажно се претставил како вработен во АНБ: уапсен 31-годишник од Крива Паланка
Доцна синоќа во 02.30 часот на булеварот „Србија“ во Скопје, полицијата го приведе 31-годишниот Б.Р. од Крива Паланка поради сомнение...
Алијансата за Албанците не излегува од „Влен“, на изборите ќе оди со свои кандидати
Алијанса за Албанците останува во коалицијата „Влен“, но на локалните избори ќе излезе со сопствена листа на кандидати за советници....
(Видео) Бајден го одржа својот прв говор по напуштањето на напушти Белата куќа: „Трамп пука, па нишани“
Поранешниот американски претседател Џо Бајден синоќа во Чикаго го одржа својот прв голем јавен говор откако ја напушти Белата куќа,...
Голема временска прогноза за регионот и Европа: каде ќе врне пороен дожд, а каде ќе има летни температури за Велигден
Април е месец кој се карактеризира со повеќе од променливо време, па како што може да ги прикаже летните временски...
„Затворена Кардиохирургија, без да се обезбеди алтернатива“, партијата Левица бара оставка од Таравари
„Скандалозниот случај со починат пациент на Клиниката за кардиохирургија, поради некоординираност и неодговорност на власта, мора да резултира со одговорност...
Кина: Трговското насилство на Трамп сериозно го поткопува глобалниот поредок
Кинеските власти сè повеќе ја кажуваат својата позиција за состојбата на глобалната економија додека Пекинг се подготвува за целосното влијание...
Трамп: Нема повеќе социјална помош за имигрантите без документи
Американскиот претседател Доналд Трамп синоќа потпиша меморандум кој има за цел да ги спречи недокументираните имигранти и другите неподобни лица...
Коцевски: Издадена наредба за приведување на седум полицајци, истрагата за Кочани се проширува
Издадена е наредба за приведување на седум полицајци со што практично се проширува истрагата за пожарот во дискотеката „Пулс“ во...
Антикорупциска со низа замерки за Законот за угостителска дејност
Државната комисија за спречување на корупцијата утврди низа пропусти во законите за угостителска дејност,инспекциски надзор и законот за заштита и спасување....
Сѐ уште не се знае кој го вандализирал споменикот на децата бегалци во центарот на Скопје – плочата е откорната, МВР работи на случајот
МВР работи на расчистување на случајот со откорнатата плоча од споменикот на децата бегалци во срцето на Скопје. Во полицијата...
Случаен минувач го нашол изгубеното 6-годишно девојче од Куманово, по грешка се качило во автобус за Скопје
Полицијата во Гази Баба информираше дека е пронајдено шестгодишното девојче од Куманово кое вчера од страна на неговата мајка беше...
Претреси на осум локации во Прилеп поврзани со работењето на болницата
Финансиската полиција ја тресе прилепската болница, а во тек се претреси на осум локации. „Основното јавно обвинителство Прилеп постапува во...
Маркетите, аптеките и продавниците за техника и мебел од петок мора да ги објавуваат цените на интернет
Маркетите, аптеките и продавниците за техника и мебел од петок ќе мора да ги објавуваат цените на своите производи на...
Приврзоците на ДУИ денес глумат глас на совеста, вели Тошковски
Министерот за внатрешни работи, Панче Тошковски, во статус на социјалните мрежи се огласи по критиките од опозициските партии за одговорноста...
