Свет
Вепар касна жена на италијанска плажа: „Јадев пица, го привлече“
Дива свиња каснала 57-годишна жена на плажата во Џенова која јадела пица. Животното ја нападнало Росана Падоан Фалконе на плажата во Стурла, пишува „Гардијан“.
Нападнатата жена, активистка на Демократската партија, во петокот вечерта отишла на плажа да се опушти по работа.
„Бев на плажа и седев на крпа. Уживав во ветрето кога до мене се појави дива свиња. Советуваат да се остане смирен за време на ваквите средби, па се обидов. Тогаш дивата свиња дојде до мене и ме гризна за рака. Јадев пица кога се појави прилично голем вепар. Мислев дека го привлекува пицата и ќе се обиде да ја отвори картонската кутија во која се наоѓаа остатоците од неа, но наместо тоа ме касна мене“, изјави таа за La Repubblica.
Откако вепарот ја гризнал, таа почнала да вреска. На помош и’ пришол нејзин колега кој видел дека и’ крваvи раката. Другите панично избегале. Падоан Фалконе заврши во болница, каде и беше дадена вакцина против тетанус и антибиотици и лекови за лекување на потенцијалното беснило.
Ова не е првпат свињи да дојдат на плажа во Џенова. Во јуни поголем број диви свињи се обида да украдат грицки од три лица.
Се верува дека ова е првпат, на плажите, вепар да касне човек. Нападите на диви свињи предизвикаа дебата за зголемениот број на овие животни во италијанските градови. Неодамна, стадо диви свињи нападна жена на паркинг во Рим кога се враќала од пазарење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Градоначалникот на Белград му се закани на маж и му го фрли мобилниот: Се чувствувал загрозен, објавија српските медиуми
Александар Шапиќ, градоначалник на Белград и кандидат за нов мандат на СНС, денеска предизвика инцидент и му го скрши мобилниот телефон на маж.
Имено, Шапиќ се појави на прес-конференција на која требаше да зборува за отстранување на сплавовите на савскиот насип, а потоа почна да разговара со граѓаните, што набрзо доведе до инцидентот.
По краток разговор тој почнал да си оди, кога еден од граѓаните почнал да го снима. Во тој момент Шапиќ му го зел мобилниот телефон и го скршил, пренесува Нова.рс.
Prostački napada @AcaSapic na aktiviste- otimanje telefona, razbijanje o beton i salva pretnji i uvreda tzv. gradonačelnika danas na Savskom keju. pic.twitter.com/6ImjFn9JQ1
— Petar Djuric (@Petar__Duric) May 9, 2024
Имено, како што пишува српскиот портал, мажот прашал до која година може да се легализираат дивоградбите, по што Шапиќ бурно реагирал.
На снимката се слуша како еден човек вели дека Шапиќ почнал да се заканува, со неколку пцовки, по што Шапиќ му го скршил мобилниот телефон.
Не е првпат неговите конференции да бидат обележани со физички инциденти и навреди.
Човекот кому Шапиќ му го скрши мобилниот телефон е активистот Александар Цвркотиќ, кој за Данас изјави дека го прашал кандидатот на СНС до кога може да се легализираат објектите. „Слушнав дека неговата куќа е изградена по годината пропишана со закон“, рече Цвркотиќ.
Свет
Израел го продолжува нападот врз Рафа, САД: Тоа нема да го порази Хамас
Американскиот претседател Џо Бајден верува дека големата израелска операција во Рафа нема да ја унапреди целта на земјата за поразување на палестинската милитантна група Хамас во Газа, изјави денеска претставник на Белата куќа.
„Ударот на Рафа, според него, нема да ја унапреди таа цел“, рече портпаролот Џон Кирби.
Кирби рече дека Хамас е под значителен израелски притисок и дека сега има подобри начини да се нападне остатокот од раководството на групата отколку операција со значителен ризик за цивилите.
„Тврдењата дека се оддалечуваме од Израел или дека не сме подготвени да им помогнеме да го поразат Хамас, едноставно не се точни“, додаде тој.
Тековната рунда преговори во Каиро за можниот договор за ослободување на заложниците заврши без видливо решение, изјави денеска висок израелски функционер. Израел ќе продолжи со операцијата во Рафа, додаде тој.
Вчера, Бајден за прв пат јавно го предупреди Израел дека САД ќе престанат да го снабдуваат со оружје доколку израелските сили извршат голема инвазија на Рафа, град полн со палестински бегалци во јужниот дел на Газа.
Израелскиот премиер Бенјамин Нетанјаху денеска изјави дека неговата земја е подготвена да продолжи сама да се бори доколку е потребно.
„Како што реков претходно, ако треба, ќе се бориме со нокти“, рече Нетанјаху во видео изјавата.
Европа
Продолжување на вонредната состојба и општа мобилизација во Украина
Претседателот на Украина, Володимир Зеленски денеска го потпиша законот за продолжување на вонредната состојба и општа мобилизација од 14 мај до 11 август.
Зеленски на 6 мај достави до парламентот предлог за продолжување на вонредната состојба и општа мобилизација за уште 90 дена, објави „Киев индепендент“.
Украинскиот парламент гласаше да го одобри продолжувањето два дена подоцна.
Тој претходно ја продолжи вонредната состојба и мобилизацијата од 14 февруари до 14 мај.
Зеленски првпат прогласи вонредна состојба и општа мобилизација на 24 февруари 2022 година, кога Русија започна напад врз Украина.
Оттогаш, мерката беше продолжена неколку пати.
Оваа мерка значи дека Украинците на возраст меѓу 18 и 60 години, со некои исклучоци, не можат да ја напуштат земјата бидејќи може да бидат повикани на воена служба.
Во април, парламентот усвои закон за ажурирање на правилата за мобилизација додека земјата се обидува да ги надополни редовите на своите вооружени сили.