Контакт

Македонија

Ковачевски: Македонскиот јазик ќе биде службен јазик во ЕУ

Објавено пред

Денеска премиерот Димитар Ковачевски имаше свое обраќање на пленарната седница на Собранието на Република Северна Македонија на која на дневен ред беше информација за содржината на Предлог преговарачката рамка за пристапните преговори на Република Северна Македонија со Европската Унија, предложена од страна на Претседателството на Франција со Советот на Европската Унија на 30 јуни 2022 година.

dobivaj vesti na viber

Во обраќањето премиерот Ковачевски упати благодарност за присуството, поддршката и признавањето на важноста на процесот, од страна на претседателката на Европската комисија, Урсула фон дер Лејен и за нејзината лична и институционална вклученост и посветеност на европската интеграција на Северна Македонија. Премиерот Ковачевски посочи дека ова е историска седница затоа што денес и во следните денови се одлучува за подобра иднина и за стабилна сегашност, но и за заштита и почитување на минатото.

Во продолжение е интегралното обраќање на премиерот Ковачевски:

„Почитувани граѓани,

Денес присуствуваме на исклучително значајна седница на Собранието. Иако многу пати во нашата историја политичарите честопати ја доделуваат придавката ‘историска’, сепак, тоа сосема објективно ќе го сторам и јас, и ќе додадам – денес започнуваме историска седница.

Историска седница, затоа што денес и во следните денови одлучуваме за неколку фундаменти на нашата држава. И за подобра иднина, и за стабилна сегашност, но и за заштита и почитување на минатото.

На самиот почеток, дозволете во мое лично име и во името на целата Влада присутна денес, да се заблагодарам за присуството, поддршката и признавањето на важноста на процесот, од страна на Претседателката на Европската комисија, г-ѓата Фон дер Лејен. Нејзината, вашата лична и институционална вклученост и посветеност на нашата европска интеграција значат многу за нашите граѓани и за нашата држава. Искрено благодарам за тоа.

Почитувани пратеници,

Причината зошто денес дебатираме е единствениот предлог на Европската комисија, доставен на крајот на француското претседателство, за дефинирање на почетокот на преговори со Европската Унија.

Затоа на почетокот сакам јасно и прецизно да потенцирам неколку факти.

Прво, точно е дека пред самитот на ЕУ во Брисел добивме сет на идеи, а не официјален и формален предлог. За мене, за Владата и коалициските партнери, за претседателот на државата и убеден сум за сите граѓани на државата, тој концепт не беше прифатлив. И затоа, таму каде што треба, не под маса, не во ходник, не тивко, туку пред сите 27 лидери на членките на Унијата и пред целата европска јавност, кажав гласно, прецизно и јасно НЕ.

Кажав НЕ, затоа што тој сет на идеи не беше во согласност со нашите консензуално дефинирани државни позиции потврдени тука во Собранието, со посебната Резолуција за црвените линии.

Кажав НЕ, затоа што тој сет на идеи не го гарантираше статусот на македонскиот јазик во преговорите. Кажав НЕ, затоа што тој сет на идеи не дефинираше јасен почеток на преговори и упатуваше на промена на Уставот и затворање на билатералните прашања со источниот сосед, како предуслови.

Кратко и јасно, кажав НЕ, затоа што таа основа не беше добра за македонската држава. И покажавме како се бранат државните и националните интереси.

И многу важно, ние тука не застанавме. Не се предадовме. Не одлучивме да глумиме лажни патриоти. Напротив, продолживме да бараме решение кое ќе ги задоволи државните, но и националните интереси на македонскиот народ. На истите црвени линии, но и на истата обврска да започнеме преговори.

Ние не прифаќаме и не водиме политика на „или или“. Ние водиме политика и за преговори за влез во ЕУ и за заштита на нашето достоинство, идентитет, јазик и историја.

Како резултат на тоа, и како резултат на поддршката на бројните европски пријатели, а верувајте ги има многу, успеавме да добиеме единствен, формален, заокружен, заеднички предлог на Европската Унија. На сите држави членки.

Тој европски предлог на вистински начин ги отсликува нашите дефинирани позиции.

Прво, јасно го прецизира македонскиот јазик како единствен, признат и прифатен јазик за Европската Унија. Тоа е тоа што го баравме. Нашата национална ДНК, македонскиот јазик, да биде службен и единствено официјален јазик. Да, со европскиот предлог, целиот процес на нашите преговори, сите милиони страници во годините што следат, заклучно со Актот за полноправно членство, ќе бидат напишани на македонски јазик. На македонски јазик ќе се зборува официјално и во Брисел и во сите европски престолнини. Тоа е најголемото достигнување, најважниот успех.
Второ, сите билатерални прашања со источниот сосед, но и  кои било други билатерални прашања со која било друга држава, особено соседна, не се дел од преговарачката рамка со Брисел.

Токму таа преговарачка рамка е Уставот на нашето интегрирање во ЕУ. И најважно од сè, таа е ослободена, прочистена, од ваков тип на прашања. И тоа е уште една голема работа.

И трето, со европскиот предлог се дефинира одржување на првата Меѓувладина конференција веднаш. Сега и во Брисел. Ние добиваме конечно, по 17 години чекање, и многу најави, и многу разочарувања по нив, официјален почеток на преговорите со средба на целата Влада со Европската комисија. Со сите нишани и стандарди.

Е тоа е, почитувани пратеници, единствената вистина во оваа бура на манипулации, шпекулации, лажни вести и намерни и ненамерни штети и креирање криза и дестабилизација на државата.
На ваков предлог, кој целосно ги отсликува нашите државни интереси и црвени линии, јас, Владата и претседателот на државата кажав и кажавме ДА.

И ја доставивме на увид целата Преговарачка рамка. За да биде сè отворено и на увид на целата јавност. Ништо сокриено, ништо тајно. Напротив, и како личност и сега како политичар, секогаш сум кажувал отворено, честопати и премногу отворено и искрено. Но, така е најдобро. Да знаеш кога и зошто да кажеш НЕ, и да знаеш кога и зошто да кажеш ДА.

Почитуван претседателе и пратеници,

Кажав ДА, затоа што мислам дека овој единствен, европски предлог е најдобро можно решение во моментов, но и во следниот период. Предлог кој ги задржува црвените линии и во исто време дава конечно почеток на преговори.

Многу се прашуваат со право, дали можеше да биде подобар? За секоја работа во животот, може подобро. Но, во исто време, треба да се прашаме дали можеше да биде и полош? Повторно, одговорот е ист. И сите други работи, може да бидат или да тргнат на полошо.

Но, јас не сакам да зборувам за полошите работи, како што тоа го посакуваат некои надворешни и внатрешни политички и радикални центри.

Верувам дека треба да ги најдеме подобрите работи и уште посилно да ги зацврстиме, како што предлогот тоа го овозможува за нашите темели, македонскиот јазик, посебниот и цврст историски, културен и национален идентитет.

Впрочем, за нив баравме и добивме најдобро можно решение, а не преговаравме и баравме компромиси.

Еве веќе повеќе од 30 години опстојуваме како независна и суверена држава. Граѓаните се уморни од политикантите кои цели 30 години најавуваат апокалипса, поделба и распад на државата, уморни се со право од секојдневните политикантски пророци кои ја закопуваат македонската држава, македонската историја, јазик и култура.

Имавме и досега тешки, но нужни одлуки. И кога го донесовме Рамковниот договор, и кога се носеше Договорот од Преспа. Но, државата опстоја и не пропадна. Државата не се подели, напротив влезе во НАТО и денес имаме, во услови на војна и тотална криза, лична и колективна безбедност.

И никој не успеал да го асимилира македонскиот или кој било друг народ во државата и во потешки времиња од сегашното. Векови се обидувале разни страни тоа да го направат. Не успеале тогаш, не успеале денес, нема да успеат ни утре. Бидејќи најдобра одбрана за идентитетот е токму прогресот на државата, движењето напред и конечна европеизација на државата.

Нема да дозволиме, како во време на режимот, државата да се претвори во изолирана, затворена и криминална енклава, во која политичката елита безмилосно краде и разграбува, а граѓаните бараат туѓи пасоши и работа во странство.

Ова е последна борба помеѓу деструкцијата и песимизмот и отвореноста и оптимизмот. Државата се гради секој ден, идентитетот и посебноста се почитуваат за навек, но се бранат секој ден. Пред сè дома, но и надвор. Тоа најдобро се прави кога сте дел од прогресот, од развојот, од модерното и напредното.

Нема да дозволиме, како во минатото, државата и граѓаните да живеат во постојана неизвесност, немир и дилеми што ќе биде утре.

Нема да дозволиме државата да остане на опашот на Балканот, кога сите се движат напред, и покрај нивните проблеми од различен карактер.

Нема да дозволиме идентитетските прашања да се користат како муниција во борбата за фотелји, тендери, ослободување на криминален имот и лица и држење во заложништво на цели родени и неродени генерации.

Цврсто ќе стоиме на патот на заштита на македонскиот јазик, посебниот историски и културен идентитет на македонскиот народ преку негова рамноправност со европските народи.

Цврсто ќе стоиме на патот на градење на државата како европските, со вредностите за почитување на правото, правната држава, еднаквоста, рамноправноста и развиената економија и животен стандард.

И тоа го правиме и ќе го правиме со помош на овој предлог и наш влез во Европската Унија.

Почитувани граѓани,

Јас, Димитар Ковачевски, сум Македонец од раѓање.

Знам една работа. Ниту една хартија не може да ми го одземе или намали мојот идентитет, јазик и историја, кои ме прават Македонец и за кои имам света обврска да ги почитувам и зајакнам.
Немам дилема по ниту еден основ и прашања.

И знам дека со паметен пристап, со продолжување на европскиот пат, можам да станам само поголем, подостоинствен и рамноправен Македонец, граѓанин на Република Северна Македонија и граѓанин на Европската Унија.

Јас цврсто планирам, како и досега да останам да живеам во неа. И да помогнам, и како граѓанин, но и да ја исполнам мојата обврска и одговорност како политичар, државата да биде заедничка, успешна и подобра за сите граѓани.

Со прифаќањето на европскиот предлог, Преговарачката рамка и заклучоците на Собранието, остануваме на единствениот пат, за кој повеќе од 30 години никој не понуди алтернатива. Многу значајно, почнуваме забрзано да се движиме и да ја менуваме државата, преку процесот на преговори.

Во исто време, целосно ја разбирам загриженоста на граѓаните. Токму затоа, сакам да потенцирам дека најважно од сè, се обврзуваме дека никој не смее, нема право и нема да преговара за македонскиот јазик, посебниот историски, културен идентитет и засебност, во  кое било време и за  која било причина.

Јасна, цврста и непроменлива обврска. Повторувам, за секого, во кое било време. Точка.

На крајот, почитувани граѓани и пратеници, јасно е дека овој процес не завршува денес или утре. Како што не започна денес, туку во 1991 година со плебисцит на сите граѓани.

Ова не е мој личен процес или на една партија. Ова е процес на сите партии, и вчера, и денес и утре.

Обврската за заштита на македонскиот историски јазичен и национален идентитет останува и за иднината, кога други ќе го продолжат процесот, до самиот крај.

Како што тоа го барате сега од мене, и јас тоа убедено го правам, така и јас и другите ќе го бараме истото од следните генерации политичари.

Затоа, со цврста убеденост, со чиста совест и полно срце, предлагам да го прифатиме предлогот и да продолжиме напред, со заштитено минато, со извесна и стабилна сегашност во конечно подобра иднина.

Ова го правам, не затоа што морам, не затоа што е лесно, туку затоа што силно верувам во исправноста.

Не се согласувам да плачеме на својата судбина, туку да се бориме на вистински начин, за сегашноста и иднината. Сигурни во себе и својот идентитет, без компромиси, секогаш и во сите времиња. И што побрзо, како дел од обединета Европа и дел од мирен и прогресивен регион.

Вреди да се избориме и да работиме за тоа, на тој начин. Е затоа ја барам вашата поддршка и поддршката на сите граѓани. Бидејќи државата е заедничка за сите и на сите.

Сосема на крајот, дозволете да цитирам: „Пиреј е троскотна трева, а некои ја викаат коштева. Ама ти колку сакаш кошкај ја, корни ја, куби ја, таа пак не умира. Само малку да допре до земјата и пак ќе се фати, ќе оживи, ќе потера. Ништо не ја ништи таа трева“- напиша Петре М. Андреевски. Јасно, силно, вековито.

Да живеат граѓаните, да живее Република Северна Македонија!!!“ порача Ковачевски.

Македонија

(Видео) Лукровски: Реконструкција на фасади, модернизација на лифтови и поставување шифрарници во сите станбени згради во Карпош

Објавено пред

Фото: ВМРО-ДПМНЕ

Карпош ќе биде пример како се градат услови за удобно и пристојно живеење, ветува кандидатот за градоначалник на Карпош од ВМРО-ДПМНЕ, Сотир Лукровски.

dobivaj vesti na viber

„Денес го претставуваме еден од најзначајните проекти во интерес на секојдневниот живот на граѓаните на Карпош. Програмата за реконструкција на фасади и модернизација на лифтови и поставување шифрарници во сите станбени згради на територијата на нашата општина. Знаеме дека голем број згради особено постарите со години се соочуваат со исти проблеми: дотраени фасади, нефункционални лифтови и недоволна заштита на влезовите. Овие состојби не се само естетски недостаток, тие се прашање на безбедност на достоинство и на еднаква пристапност на сите жители. Постарите лица, лицата со намалена подвижност, мајките со количките сите тие секојдневно зависат од исправноста на лифтовите. Со овој проект воведуваме и субвенции за целосна реконструкција на фасадите со што ќе постигнеме поголема енергетска ефикасност, пониски сметки за греење и ладење и поубава урбана слика за Карпош“, рече Лукровски.

Истовремено, додаде тој, ќе обезбедиме замена на сите клучни безбедносни компоненти на постоечките лифтови, од сајли сопирачки до ултразвучни механизми и системи за итни случаеви.

„Работите ќе бидат изведувани по современи стандарди и со задолжителни проверки за лифтовите, да бидат сигурни, доверливи и трајни. Дополнително во сите влезови ќе бидат поставени шифрарници за поголема контрола и безбедност на станарите, за спречување и злоупотреба од трети лица“, истакна Лукровски.

Според него, оваа иницијатива не е само техничка интервенција, ова е инвестиција во едно човечко достоинство, во комфор и во секојдневна сигурност на жителите на Карпош.

„Со овој фонд нашата општина ќе покаже дека знае да се грижи, дека умее да реагира и дека има визија, да создаде современа уредна и безбедна заедница за сите жители“, заклучи Лукровски.

Прикажи повеќе...

Македонија

Османи: Академија за занаети и Клуб на жените за економска независност и достоинство на жените во Чаир

Објавено пред

Фото: принтскрин

Кандидатот за градоначалник на Општина Чаир, Бујар Османи, денес ја претстави својата визија за економска независност и еднаквост на жените, мерки произлезени од теренските средби со граѓанките на Чаир.

dobivaj vesti na viber

Според Османи, оваа цел ќе се реализира преку две насоки. Преку отворање на патиштата во институциите и преку создавање на Академија за жени во Чаир, која ќе нуди практични обуки и сертифицирани програми за стекнување занаетчиски и претприемачки вештини.

„Ова веќе го подготвивме како проект што ќе се отвори од општината, и врз основа на законот, ќе се ангажираат обучувачи и во сите можни занаети жените ќе можат да стекнат нови способности и вештини, за оние кои немаат доволни квалификации по неколку месеци да добијат сертификат, диплома со која потоа ќе можат да ги започнат своите мали бизниси, микробизниси во секоја област“, истакна Османи.

Османи најави дека општината ќе обезбеди субвенции и финансиска поддршка за жените кои ќе отворат сопствен бизнис или ќе се вклучат во претприемништво.

„За прашањето на претприемништвото, го создадовме брендот во Старата чаршија, на претприемачките од Старата чаршија, изработен од жените на Чаир, за да ги ангажираме сите тие, особено социјалните категории, кои немаат еднакви можности, да бидат дел и да придонесат кон општеството, но и тие да бидат кориснички на овој придонес“, изјави Османи.

Во рамки на планот, Османи најави и основање на „Клуб на жените на Чаир“, во центарот на општината, кој ќе биде простор за вмрежување, менторство и поддршка.

„Таму жените ќе имаат пристап до финансиско, правно и здравствено образование, ќе се охрабруваат една со друга и ќе ги започнуваат промените што за нив се важни“, рече Османи.

Османи се осврна и на темата на безбедноста и достоинството на жените во јавниот простор.

„Ниту една мајка не смее да го испраќа детето на училиште со страв дали ќе се врати безбедно. Ќе ги обновиме училиштата, ќе ги осветлиме улиците и ќе создадеме безбедни патеки за пешаци, за секоја жена да може слободно да се движи и во вечерните часови“, изјави Османи.

Во делот на социјалните политики, Османи најави формирање на Фондацијата „Раката на Чаир“, преку која ќе се поддржуваат самохраните мајки, жените од ранливи категории, како и стипендии за девојки во STEM области.

„Ќе создадеме фонд што ќе им помогне на самохраните мајки не само за опстанок, туку за развој, школување и претприемништво. Сакам жените од Чаир да можат еден ден да кажат: ‘Јас започнав од Чаир, но светот ми ги отвори вратите“, истакна Османи. Сите овие мерки, додаде Османи, ќе важат за сите жени: Албанки, Турчинки, Бошњачки, Македонки.

На крај, Османи најави јавен систем на отчетност и транспарентност за сите програми и проекти посветени на жените, како и подготовка на првиот Акционен план за жените на Чаир, кој ќе биде изработен заедно со мајки, наставнички и занаетчики.

„Сите овие проекти нема да бидат само ветувања. Следната недела го почнуваме првиот акционен план – документ што ќе произлезе од самите жени и ќе биде темел на сите идни политики на општината“, рече Османи.

Тој се обврза дека секоја жена во општина Чаир ќе има можност, решение и избор да има сопствени финансиски приходи, да ја создаде својата финансиска независност и да не зависи од никого.

Прикажи повеќе...

Македонија

Герасимовски: Поставуваме две монтажни гаражи со 900 нови паркинг места

Објавено пред

Фото: принтскрин

„И во наредните години ја ставаме животната средина и грижата за хигиената на прво место. Со набавка на две современи цистерни и пет нови метларки, значително го зголемуваме капацитетот за одржување на хигиената на територијата на општината. Повеќе нема да зависиме од градот и јавното комунално претпријатие“. Ова вчера го најави кандидатот за градоначалник и актуелен татко на Општина Центар Горан Герасимовски на отворањето на промотивниот изборен штаб во Центар.

dobivaj vesti na viber

Тој, потенцираше дека инвестицијата во хигиената е уште еден чекор кон создавање здраво и уредено опкружување, кое е предуслов за квалитетен живот на центарци. Герасимовски, рече дека хигиеничарите се најголемите херои кои деноноќно го чистат сметот од улиците кадешто надлежност има градот.

„Ги засукавме ракавите и самите го исчистивме сметот од улиците, хигиената ја подигнавме на едно повисоко ниво додека цело Скопје беше затрупано во смет. Пред две недели, изнајмивме и дополнителна механизација за да си ја исчистиме општината. Ете вака се работи за нашите центарци. Среќен сум што заедно со граѓаните ги креираме сите политики. Во новиот мандат предвидени се низа капитални проекти како изградба на дом за стари лица, административна зграда, градинка“, рече Герасимовски.

Герасимовски, пред присутните сподели и дека се предвидени две монтажни гаражи кои ќе обезбедат 900 нови паркинг места.

„Поставувањето на монтажни гаражи претставува директно решение за еден од најголемите проблеми во Центар. Ова значи помал хаос на улиците, значително намалување на непрописното паркирање, како и подобра урбана регулација – повеќе простор за пешаци и велосипеди, а помалку возила на јавните површини“, додаде Герасимовски.

Прикажи повеќе...

Најново

Македонија51 минута

(Видео) Петрушевски: СДС не може да има црвени линии, тоа е уште една лага како жицата од гитарата на Заев во која се колнеше

СДС не може да има црвени линии, тоа е уште една лага како жицата од гитарата на Заев во која...

Македонија53 минути

(Видео) Николовски: 90% лаги на Орце, од 30 каптални ветувања нема остварено ниту едно

Кандидатот за советник во Град Скопје од СДСМ, Емил Николовски, денеска на прес-конференција го критикуваше кандидатот за градоначалник на Град...

Свет1 час

(Видео) Бурата Ејми предизвика бројни проблеми: илјадници без струја, откажани летови, затворени железнички линии

Сите осум кралски паркови во Лондон, вклучувајќи ги Хајд Парк и Ричмонд Парк, денеска се затворени поради силни ветрови предизвикани...

Регион2 часа

Трагедија во Хрватска: маж почина од убоди на стршлени додека сечел дрва за огрев

Додека сечел дрва во шума, 54-годишен маж бил нападнат од стршлени. И покрај брзата лекарска интервенција, починал на самото место....

Свет4 часа

Трамп му нареди на Израел „веднаш“ да престане со бомбардирањето на Газа, откако Хамас се согласи да ослободи заложници

Американскиот претседател, Доналд Трамп, му нареди на Израел „веднаш“ да престане со бомбардирањето на Газа, откако Хамас делумно го прифати...

Македонија18 часа

Мицкоски: Да не дозволиме СДСМ да биде влада во Македонија, зошто секогаш кога се власт се случуваат грешки како прифаќањето на бугарскиот ултиматум

На денешниот народен митинг во Новаци во рамките на изборната кампања за локалните избори 2025 година со слоган „Вистинскиот избор!...

Топ21 час

Два случаи на семејно насилство во Скопје: Едниот напаѓач ја давел сопругата до бессознание, другиот ја тепал со боксови

Основното јавно обвинителство Скопје поведе постапка против две лица за семејно насилство. Едниот случај е во Ѓорче Петров, каде осомничениот...

Македонија23 часа

Чекањето автобуси што не доаѓаат во Бутел Шукова ќе го решава со БРТ: Овој систем ќе ја намали социјалната и економска отсеченост на бутелчани  

 „Бутел не е далеку од центарот, но е далеку од основните услови за достоен градски живот“, порача денес кандидатката за...

Топ23 часа

Наставник физички нападна ученик во основно училиште во Кисела Вода

Наставник физички нападнал ученик во основно училиште во Кисела Вода. Според информациите на МВР, вчера во 13:10 часот во СВР Скопје,...

Македонија1 ден

До 15 октомври сите дефекти на мрежата за централно греење ќе бидат остранети, објави Владата

По серија на ладни и топли проби на топлификацискиот систем настанаа нови пукнатини на два секундарни водови, по што одредени...

Македонија1 ден

Обвинителниот акт за пожарот во Кочани – одобрен во целост

Советот за оцена на обвинителен акт при Основниот кривичен суд Скопје во целост го одобри обвинението поврзано со пожарот во...

Македонија1 ден

Судскиот совет го разреши судијата Енвер Беџети, кој е на црната листа на САД

Судскиот совет го разреши судијата од Апелацискиот суд Скопје, Енвер Беџети, од функцијата. Инаку, тој во декември минатата година, заедно...

Македонија1 ден

Вработени во Општина Гази Баба организирале создавање и палење депонии, објави Арсовска

Општината Гази Баба и нејзиното јавно претпријатие се затекнати во незаконски активности кои директно ја загрозуваат животната средина и здравјето...

Свет1 ден

(Во живо) Последниот брод сè уште плови кон Газа, Израел објави забрана за влез

Последниот брод во меѓународната флотила за помош за Газа го продолжи своето патување рано утрово, според организаторите, откако околу 40...

Свет1 ден

Трамп: Ако продолжи блокадата на владата, ќе има отпуштања

Американскиот претседател Доналд Трамп вчера изјави дека федералните работници би можеле да бидат отпуштени, а проектите би можеле да бидат...

Европа1 ден

Прекинат воздушниот сообраќај на аеродромот во Минхен, забележани се дронови

Воздушниот сообраќај беше прекинат преку ноќ на аеродромот во Минхен поради прелет на дрон, чие потекло се истражува, изјави портпарол...

Европа2 дена

(Видео) Орбан: Посилни сме од Русија; Туск: Ми се допаѓа кога ги користи моите аргументи

Унгарскиот премиер Виктор Орбан повтори дека Европската Унија не треба да се плаши од Русија бидејќи е посилна од неа...

Топ2 дена

(Видео) Пронајдени и санкционирани лицата што дивееја со возило по „Партизанска“

Во врска со објавената снимка на социјалните мрежи на 30.09.2025 година на булеварот „Партизански Одреди“ во Скопје на која гледа...

Соопштенија2 дена

(Видео) Филипче од Аеродром: Владата на ВМРО-ДПМНЕ ја води државата во економски колапс

Со катастрофални економски политики, Владата на ВМРО-ДПМНЕ ја води државата во целосен економски колапс, истакна Претседателот на СДСМ, д-р Венко...

Соопштенија2 дена

Мицкоски: Димче и Левица обработуваат за новиот стопан Али, затоа имаат кандидати во Струга и Тетово, а не и во Велес и Штип

На денешниот народен митинг во Виница претседателот на ВМРО-ДПМНЕ, Христијан Мицкоски посочи дека на отворена сцена се гледа една непринципиелна...