Македонија
Тренчевска: Продолжуваме да се залагаме за унапредување на квалитетот на животот на лицата со оштетен слух
Министерката за труд и социјална политика денеска се сретна со претставниците на Националниот сојуз на глувите и наглувите. За време на средбата се разговараше за стандардизација на знаковниот јазик, право на толкувачи за лицата што се целосно глуви, покачување на додатокот за попреченост, како и обезбедување услови за инклузија во градинките за дечињата со оштетен слух.
„Како Министерство за труд и социјална политика секогаш сме спремни да ги направиме потребните чекори кон унапредување на квалитетот на животот на лицата со попреченост. Целиме кон тоа да носиме решенија на долг рок за барањата што се пред нас и предизвиците што произлегуваат од нив. За да пристапиме кон решавање, потребни се поголем број нформации, кои ќе ни послужат при доставување трајни решенија“, посочи Тренчевска.
Министерката истакна дека треба да се пристапи кон изработка на нацрт-активности, кои ќе вклучуваат временски рок, финансиска конструкција, како и стратегија.
„Инклузијата во градинките е наш приоритет, затоа секогаш е од особена важност да располагаме со реалната слика за предизвиците со кои се соочуваат децата со попреченост во детските јавни установи“, изјави Тренчевска.
Тренчевска се осврна и на можноста преку оперативниот план на активни мерки и програми лицата со оштетен слух да се вклучат на пазарот на трудот со цел подобрување на нивниот животен стандард, како и нивен излез од социјален ризик.
На крајот од средбата Министерката и претставниците од Сојузот се согласија на понатамошна меѓусебна соработка, која ќе оди во прилог на лицата со оштетен слух.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Возачот не е повреден а заглавениот камион е извлечен, соопшти ЦУК
Возачот на камионот не е повреден и нема никакви посериозни штети направено на камионот, информира ЦУК откако претходно беше објавено дека преку единствениот повикувачки број за итни случаи 112 во ЦУК била добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Конкретно, заглавениот камион на патот кај Росоман кон Прилеп, на место викано „Камен Дол“ близу кај ресторанот „Јавор“ е извлечен од страна на ТППЕ Кавадарци со екипа од три пожарникари и две ПП возила. Камионот бил заглавен и во кал со предните две тркала“, велат надлежните.
Македонија
ЦУК: Заробен возач во заглавен камион на патот меѓу Росоман и Прилеп
Преку единствениот повикувачки број за итни случаи 112 во ЦУК е добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Пријавителот побара интервенција на ТППЕ Кавадарци, бидејќи според него, како очевидец кажува дека возачот на камионот е заробен во камионот. Инаку, јавувачот беше известен дека ТППЕ Кавадарци имаат екипа подолу од нивната локација и дека веднаш ќе се упатат на местото.
Регионалниот ЦУК Велес го следи случајот и извести дека екипа од ТППЕ со 1 ПП возило и 2 пожарникари веќе се упатени на местото на настанот и кога ќе завршат со интервенцијата, дополнително ќе не известат“, информира Центарот за управување со кризи.
Македонија
ЦУК: Падна карпа на булеварот „Никола Карев“ после влезот на касарната „Илинден“, во Скопје
Преку единственствениот повикувачки број за итни случаи 112 во ЦУК била добиена пријава за падната карпа на булеварот „Никола Карев“ после влезот на Касарна „Илинден“, во Скопје.
„Регионалниот ЦУК Скопје известува дека веднаш ги информирале надлежните од Град Скопје за итниот случај, по што ќе превземе мерки Градот преку своите служби“, соопштија од центарот.