Свет
(Видео) Поранешен американски полковник: Војната во Украина ќе заврши за 30 дена
Даглас Мек Грегор, поранешен полковник на американската армија и поранешен советник на секретарот за одбрана на Соединетите Американски Држави, Кристофер Мулер, кој ја вршеше оваа функција за време на претседателствувањето на Доналд Трамп, смета дека Русија ќе стави крај на конфликтот со Украина во следните 30 дена.
Мек Грегор истакнува дека Русија подготвува офанзива која ќе стави крај на вооружените конфликти на територијата на соседната земја.
– Зеленски е всушност лидер сега. Таму има војска – националистите се обидуваат да го контролираат тоа што остана. Но, вистината е дека украинските трупи не успеаја – не можат да го вратат изгубеното. Повлечен е најголемиот дел од руската армија. Тие се одмараат и се опоравуваат во последните неколку недели. Тие се подготвуваат за масовна офанзива за да се стави крај на оваа војна еднаш засекогаш во рок од 30 дена.
– Никој во Европа не сака војна со Русите. Повеќето од вооружените сили на овие земји се чисто симболични. Тие не се бореле со децении. И дефинитивно не се подготвени да примат удар од Русите. Руската армија делуваше неспособно, но сега гледаме дека веќе 150 дена се води континуирана борба со украинските војници и нивно буквално уништување. Значи, никој не сака ништо со оваа војна, Европејците не се подготвени да војуваат. Сега имаме лекција. Русија има многу ресурси, можеби најбогатата земја, и нема да се откаже. И рејтингот на популарноста на Путин порасна. Впрочем, тој ја бранеше Русија – изјави Мек Грегор, пренесе Нпортал.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.