Економија
(Видео) Ковачевски: Со ребалансот на буџетот обезбедивме 76 милиони евра како антикризна поддршка
Претседателот на Владата на Република Северна Македонија, Димитар Ковачевски, во одговор на пратеничко прашање истакна дека Владата и надлежните министерства и институции имаат план за амортизирање на една од најтешките кризи по Втората светска војна, која ни престои во зимскиот период не само нам како држава туку и на светско ниво.
„Уште при конципирањето на ребалансот за 2022 година, кој беше изгласан во Собранието, ги имавме предвид овие факти и затоа со ребалансот што се изгласа во Собранието се определија дополнителни 76 милиони евра за антикризни мерки. Тие антикризни мерки се во фаза на подготовка, ќе бидат комуницирани со стопанските комори и другите заинтересирани страни во општеството како и секогаш досега и откога ќе бидат земени сите сугестии предвид, ќе бидат операционализирани преку соодветните министерства.
Второ, со оглед дека има енормно зголемување на цените на храната, а особено на импутите на производството на храна, а тоа се вештачките ѓубрива, недостигот на одредени основни прехранбени производи, како што е житото, и сите гледате што се случува со задоцнетите испораки на жито од пристаништето во Одеса, за што се надеваме дека конечно со помош на меѓународните организации ќе почне, исто така ги зголеми и цените на храната. Затоа, 32 милиона евра се определени во ребалансот за зголемување на домашното производство на храна“, рече премиерот Ковачевски.
Претседателот на Владата на Република Северна Македонија, Ковачевски, истакна дека со оглед на тоа што земјата се наоѓа во период на најголема инфлација по Втората светска војна и која е на ниво помеѓу 9 и 10 %, а во некои држави во Европа е веќе и над двоцифрената бројка од 10 %, веќе се определени мерки, кои се усогласени со монетарната политика. Овие мерки се од фискален карактер во однос на зголемување на примањата во разни области и зголемување на пензиите за 320 илјади пензионери, исплата на сите субвенции за земјоделците и определување средства за развојни проекти.
Во однос на капиталните инвестиции, забележливо е дека тие се намалени во однос на првичната проекција во оригиналниот буџет, но исто така факт е дека сумата што во моментот е проектирана во ребалансот е 8,8 милијарди денари повисока во однос на минатата година или 16,1 милијарди денари поголема во однос на износот предвиден за капитални инвестиции во 2020 година.
„Тоа на овој буџет му дава развојна компонента од аспект на тоа што дефицитот кој е предвиден не беше зголемен на ниво на кое го предвидуваа одредени економисти со опозициска провиненција, а тоа се должи на фактот што Владата презеде мерки за ригорозно штедење, кое се отсликува преку заштеда на 200 милиони евра непродуктивни трошоци, кои се наменети за справување со економската криза“, рече премиерот Ковачевски.
Премиерот посочи дека Министерството за финансии активно ја следи состојбата и води разговори со голем број финансиски институции, кои ќе треба да обезбедат по најповолни каматни стапки, со оглед на движењето на стапките на пазарите, задолжување со најниски можни стапки во моментот. Од тој аспект имаме стабилен финансиски систем, кој се однесува како на фискалниот така и на вкупниот монетарен систем вклучувајќи го и банкарскиот сектор, како и стабилноста на денарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Продолжен рокот за аплицирање за субвенции за 2024 година
Министерството за земјоделство, шумарство и водостопанство за да излезе во пресрет на земјоделците кои до денес сѐ уште го немаат остварено своето право за поднесување на апликација за субвенции за 2024 година го продолжи рокот за аплицирање за субвенции за 2024 година.
Согласно oдлуката на vлада од првата седница, точка 13, рокот за аплицирање за субвенции за основните мерки за растително и сточарско производство се продолжува за период од 1 месец, односно крајниот рок за поднесување на апликации за субвенции од Програмата за директни плаќања за 2024 година е 31 Јули 2024 година.
„Ги повикуваме сите земјоделци кои го немаат реализирано оваа право, доколку не можат сами да креираат апликации да се јават во pодрачните единици на МЗШВ каде од страна на вработените ќе им биде креирана и поднесена апликацијата или самостојно да си поднесат апликација за субвенции за 2024 година согласно Програмата и Уредбата за директни плаќања за 2024 година“, се истакнува во соопштението од ресорното министерство.
Економија
Од полноќ се зголемува цената на мазутот
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,52 % во однос на одлуката од 24.6.2024 година.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,061%, кај дизелот 0,419%, кај екстра лесното масло за 0,400% и кај мазутот зголемувањето е за 3,489%.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,008%
Од 29.6.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 82,50 (денари/литар)
Моторен бензин ЕУРОСУПЕР БС – 98 85,00 (денари/литар)
Дизел гориво ЕУРОДИЗЕЛ БС (Д-Е V) 76,50 (денари/литар)
Масло за горење Екстра лесно 1 (ЕЛ-1) 75,00 (денари/литар)
Мазут М-1 НС 47,928 (денари/килограм)
Малопродажната цена на Мазутот М-1 НС се зголемува за 1,208 ден/кг и сега ќе изнесува 47,928 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Економија
Надворешен долг, побарувања и меѓународна инвестициска позиција во првото тримесечје годинава
Народната банка го објави редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција, во првото тромесечје од 2024 година.
На 31 март, нето надворешниот долг изнесува 4.350 милиони евра (или 29,9% од проектираниот БДП). Нето надворешниот долг на земјата, во првиот квартал од 2024 година, е намален за 109 милиони евра, или за 2,4%. Од аспект на структурата, приватниот нето-долг и натаму има поголемо учество во вкупниот нето-долг со 62%.
Во текот на првиот квартал од 2024 година, негативната нето меѓународна инвестициска позиција (МИП) е зголемена за 6 милиони евра и изнесува 8.506 милиони евра, односно 58,4% од проектираниот БДП за 2024 година.
Најновото соопштение за позначајните промени кај надворешниот долг, надворешните побарувања и меѓународната инвестициска позиција е достапно на следната врска.