Забава
Мадс Микелсен: Сценариото е Библија и строго се држам до нeго
Славниот дански актер Мадс Микелсен изјави дека никогаш не е доцна да се почне актерска кариера, а на оние кои ќе се одлучат на тој чекор им откри дека едно од неговите правила е строго да се држи до сценариото.
Микелсен е еден од гостите на 28. издание на Сараевскиот филмски фестивал, каде му беше врачена наградата „Почесно срце на Сараево“ за неговиот исклучителен придонес во филмската уметност.
По тој повод, беше прикажан филмот „Лов“ (The Hunt) во режија на Томс Винтерберг, во кој данскиот актер ја игра главната улога – воспитувач во градинка неправедно обвинет за злоупотреба на деца.
Оваа психолошка драма беше снимена во 2012 година, а Микелсе изјави дека тоа е веројатно најдоброто сценарио со кое се сретнал во неговата кариера досега.
„Беше лесно да му кажам ‘да’ на Винтерберг“, рече Микелсен во текот на разговорот со новинарите и дел од публиката по проекцијата на „Лов“, на која присуствуваа околу 3.000 луѓе.
Микелсен веќе има импресивна кариера со повеќе од 50 филмови и телевизиски серии, од кои многу беа огромни комерцијални успеси.
56-годишниот актер во понеделникот во Сараево потсети дека кариерата ја започнал на 30 години и тоа е причина да им порача на младите актери дека и тие треба да сметаат на таква можност.
„Никогаш не е доцна“, рече тој.
Негово прво правило е да посвети многу внимание на сценариото бидејќи, според него, актерот на некој начин е „слуга на приказната“.
„Сценариото е Библија и јас строго се држам до него“, рече Микелсен, додавајќи дека задача на актерот е да прави она што ќе му каже режисерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски знаци на кои сѐ ќе им оди добро во мај
По сезоната на затемнување, мај ни носи прекрасни можности. Ова се хороскопските знаци на кои ќе им оди добро се во мај
По хаосот на сезоната на Овен, доаѓа прекрасната сензуалност на сезоната на Бик (20 април – 20 мај), која не кани да забавиме и да уживаме во животните радости. Одете на лесни прошетки, препуштете се на релаксирачки хоби и најдете радост во најмалите нешта. Заедно со сезоната на Бик, дојде и мај, последниот месец од пролетта, но најромантичниот и најсензуалниот.
Ова се најсреќните хороскопски знаци кои ќе напредуваат во овој период и ќе добиваат заслужени награди.
Хороскопски знаци на кои се ќе им оди добро во мај
Бик
Се чувствувате удобно во вашата сезона и самодовербата повторно се разгорува во вас. Секако, можеби сте доживеале порази во минатото, но ова е време кое ви овозможува да посакате желба и да гледате како се остварува. Што имате длабоко во срцето и како тоа се совпаѓа со она што го сакате во вашиот живот? Желбата за признавање, но потсвесниот страв од правење грешки се две контрадикторни желби. Најдете ја убавината во приспособливоста и преземете го чекорот од кој се плашите. Веќе си доволно добри, верувајте.
Лав
Како што сонцето дава светлина на сè што ќе допре, така и вие давате светлина на сè што ќе дојде во контакт со вас. Совршенството е процес, а не дестинација и оваа сезона ќе ви помогне да го прифатите тоа верување. Како што правите чекор по чекор кон вашите цели – сонувате, учите, подобрувате, развивате и редефинирате – без напор се усогласувате со вашите цели. Останува само да научиме да преземаме акција и одговорност.
Шкорпија
Слушајте ги инструкциите на вашето тело и ослободете се од некои стари, мртви врски. Способни сте да ги правите работите за кои сонувате. Се чувствувате исцрпено само затоа што додавате премногу тежина на вашите материјални цели. Обидете се да ги наведете сите нематеријални богатства кои ви го исполнуваат животот и ќе престанете да бркате материјални добра, бидејќи ќе сфатите дека веќе ги имате сите.
Стрелец
Како што ги ослободувате чувствата и гневот што можеби ги имате од времето што сте го заборавиле, почнувате да се чувствувате слободни и да ги искористите вашите најдлабоки резерви на самољубие и добрина. Вашиот поглед на животот се менува, како и вашата перцепција за себе. Без оглед на нередот низ кој сте поминале, вие сте зрели, подготвени и отворени повторно да се заљубите во животот.
Водолија
Замислете дека имате џин од волшебна светилка пред вас. Што би сакале? Каде ве донесе животот и каде сакате да одите? Како што наоѓате храброст да истражувате нови аспекти од себе, го ослободувате и вашиот дух и се движите со текот на животот. Имате простор само за радост и токму тоа ви го нуди животот.
Забава
(Видео) Сите се прашуваа која е таа: највпечатливиот фустан на Мет гала го носеше жена непозната за многумина
Црвениот тепих на Мет гала беше исполнет со познати личности од насловните страници на списанијата, но вниманието на шоуто го привлече една мистериозна дама, која беше прогласена и за најдобро облечена на синоќешната манифестација.
Mona Patel incorporates moving butterflies for her #MetGala outfit. pic.twitter.com/thBoy7uheh
— Pop Base (@PopBase) May 6, 2024
Набргу по појавувањето на скалите на музејот во Њујорк, индиската претприемачка Мона Пател предизвика лудило на социјалните мрежи, каде што корисниците се восхитуваа на нејзиниот фустан создаден од Ајрис ван Херпен и се прашуваа која е таа навистина.
Убавицата се пресели во САД во 2003 година и оттогаш основа неколку компании, како што се HauteX Ventures и radXai, стартап за здравствена технологија.
dear mona, u AAAATE #MetGala https://t.co/uAeJTXored pic.twitter.com/6lnBn7FmKN
— ✭ (@badestoutfit) May 6, 2024
За многумина, непознатиот претприемач воодушеви во фустан со фигури, а на страните имаше сошиени пеперутки, корсет, како и проѕирни детали од тантела.
Златните украси во вид на пеперутки на рацете особено ги импресионираа корисниците на социјалните мрежи, со оглед на тоа што крилата механички се движеа сами по себе.
BEST DRESSED HANDS DOWN #MetGala #MonaPatel
pic.twitter.com/rg4ip1cobp— sabrina ❣︎ (@ayed_sabrina) May 6, 2024
Изгледот го комплетира со златни сандали, а беше стилизирана од Ло Роуч – познат и по соработката со актерката Зендаја.
Недолго откога Пател зачекори на тепихот на Мет гала, таа го освои интернет-просторот, а снимките од нејзините подготовки беа споделени на мрежите со пораки дека таа е најсоодветно облечена за темата и кодексот на облекување на оваа Мет гала.
Забава
(Видео) По 34 години, Тајчи го облече фустанот што го носеше на Евровизија и воодушеви со својот изглед
Татјана Матејаш Камерон, попозната како Тајчи, го облече фустанот што го носеше во 1990 година на Изборот за песна на Евровизија во Загреб.
Натпреварот се одржа во концертната сала „Ватрослав Лисински“. Тајчи го освои седмото место со песната „Хајде да лудујемо“. Покрај заразната мелодија, публиката беше импресионирана од нејзината розова креација и од фризурата, благодарение на кои личеше на Мерлин Монро.
„Истиот фустан 34 години подоцна. Издржа одлично“, рече таа во описот на фотографијата.
Тајчи деновиве е во Малме, каде што се одржува годинашното издание на Евровизија.
„Настапив во Шведска во клуб за обожаватели и всушност е одлично што песната ‘Хајде да лудујемо’ оживеа, живееше и ќе живее“, изјави таа.