Регион
Вучиќ од Брисел: За Србија мирот и стабилноста се од клучно значење, утре ќе имаме тешки разговори
Претседателот на Србија, Александар Вучиќ е во Брисел и денеска се обрати на заедничка прес-конференција со генералниот секретар на НАТО, Јенс Столтенберг.
„Ви благодарам што ме прими денеска во Брисел. Му благодарам што сакаше да го слушне ставот на Србија. Разговаравме за тоа што се случува, не мора секогаш се да гледаме со исти очи. Ја почитуваме улогата на КФОР и НАТО во Косово. Нивната улога влијаеше на смирување на тензиите во Косово и Метохија. Ќе продолжиме да го почитуваме мандатот на КФОР и верувам дека секогаш ќе наоѓаме разбирање и желба на Столтенберг и НАТО да обезбедат мир и стабилност. За Србија мирот и стабилноста се од клучно значење, утре ќе имаме тешки разговори“ – рече Вучиќ.
Тој истакна уште еднаш дека Србија ќе остане воено неутрална и дека „сака да избегне секаков вид на ескалација и конфликт“.
„Утре ќе имаме тешки разговори, бидејќи не се согласуваме речиси за ништо, но Србија ќе се придржува до меѓународното јавно право, до Бриселскиот договор и се што е потпишано. Србија е воено неутрална земја и ќе остане таква. Нашата историја не е лесна, но сакаме да ја зајакнеме соработката со КФОР и НАТО и да избегнеме ескалација на конфликтот. Мислиме дека не сме предизвикале некаква провокација, но разбирам дека ние од Балканот ги изнервиравме сите во Брисел. Она што е важно за луѓето во Србија е што го објаснивме нашиот став“ рече српскиот претседател.
Тој истакна дека српската војска и полиција никогаш не ја преминале административната линија.
„Благодарен сум на НАТО што не излегуваше со вакви невистини, за разлика од некои други. Не ни требаат туѓи бази, сакаме да си го обезбедиме сопственото небо, земја и мир и така ќе се однесуваме во иднина“ – рече Вучиќ.
На прашањето колку брзо Србија може да реагира во случај да се изврши насилство врз Србите на север, Вучиќ одговори:
„Мислам дека одговорот на Јенс на ова прашање е поважен. И позицијата на земјите од Квинта. Насилството е во барикадите, а не во систематското спроведување на законско и суштинско насилство врз Србите. Она што го потпишавме во бриселскиот договор е дека нивните специјални единици имаат ограничен пристап до северот на Косово. Тие често навлегуваат и ја искористуваат ситуацијата под изговор за организиран криминал. Ние сме во тешка позиција, не очекувајте Србите да уживаат и колку им е убаво. На северот на Косово има нова генерација млади луѓе кои повеќе нема да го толерираат тоа. Тие не го доживуваат Косово како независна држава, туку како територија на Србија. Има многу проблеми и за нас е важно да го задржиме мирот и се надевам дека ќе има доволно мудрост за да се постигне договор“ вели тој.
Столтенберг рече дека НАТО може брзо да дејствува, дека веќе има присуство во Косово и го зголеми своето присуство.
„Самиот факт што имаме речиси 4.000 војници на Косово ја покажува нашата јасна посветеност. Мисијата КФОР е најголемата мисија на НАТО надвор од НАТО. Ја повторивме нашата посветеност на мисијата на КФОР на Косово и Метохија. КФОР тесно соработува со другите актери, вклучувајќи го и ЕУЛЕКС, и кога работите стануваат тешки и опасни, ние се распоредуваме и дејствуваме, исто како на крајот на јули“ – рече Столтенберг.
Генералниот секретар на НАТО вели дека разговорите меѓу Белград и Брисел се важни и го поздравува што Вучиќ дојде во НАТО и што е ангажиран во дијалогот. Тој најавува средба со Курти каде, како што вели, неговата порака ќе остане иста: ескалацијата мора да се спречи, а НАТО ќе ја продолжи својата улога на Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Регион
Дачиќ и Весиќ: Човечки фактор е причина за судирот на возовите
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар.
– Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ.
Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот.
„Најважно е да нема жртви“, изјави Дачиќ за новинарите.
Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари.
– Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ.
Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците.
Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден.
Регион
Дачиќ: Припадниците на полицијата евакуираа девет лица од возовите
Веднаш по добиената дојава дека во тунел дошло до судир меѓу патнички и товарен воз, на местото на настанот пристигнале бројни полициски сили и 25 пожарникари-спасувачи со седум возила, со оглед дека екипите на итната медицинска помош нене можеле да се приближат до местото на судирот, изјави вечерва министерот за внатрешни работи Ивица Дачиќ.
Пожарникарите-спасувачи успеале, како што додаде, да стигнат до местото и евакуирале девет повредени лица и ги предале на екипите на итната помош за понатамошно лекување.
„Припадниците на српската полиција се уште се на терен и ги преземаат сите мерки и дејствија од нивна надлежност“, изјави Дачиќ.