Економија
За сите кои бараат работа во Македонија и регионот – Најголем регионален саем за вработување во октомври
Состојбата на домашниот пазар на труд никогаш не била попредизвикувачкa. Потребно е многу труд, време и средства за да се привлечат и задржат квалитетни кандидати, па затоа имаме решение за сите компании кои сакаат да направат чекор поблиску до таа цел.
Силната група на регионални сајтови за вработување Вработување (Македонија), Poslovi Infostud (Србија), MojPosao (Хрватска), MojPosao.ba (БиХ) и Deloglasnik (Словенија) ве поканува да бидете дел од Најголемиот регионален онлајн саем за вработување кој ќе се одржи во периодот од 17 до 21 октомври.
Какви можности нуди Регионалниот саем за вработување за вашата компанија?
· пристап до потенцијални кандидати во Македонија и регионот
· едноставна и брза комуникација со кандидатите преку чет и видеоповици
· истакнување на предностите на вашата компанија како работодавач
· ПР-кампања и видливост на вашата компанија – досег до над 7.200.000 потенцијални кандидати преку штанд на Саемот
· огласи на водечки портали и маркетинг-кампањи во Македонија и регионот
· креирање на база на податоци за потенцијални кандидати за идни потреби
Што да очекувате од Регионалниот саем за вработување?
Како што најавивме, 5 дена од Саем на кој целосно на располагање ќе им бидеме и на работодавачите и на кандидатите, за да го покажат својот целосен потенцијал.
Квалитетот на настанот, меѓу другото, се потврдува и преку неговата посета. Регионалниот онлајн саем за вработување кој се одржа во октомври минатата година бележи 100.000 посетители во Македонија, а повеќе од половина милион посети на регионално ниво.
На компаниите им даваме можност да го изградат и зајакнат својот имиџ и препознатливост во дури 5 земји од регионот, а сето тоа пренесено преку широката мрежа на социјални медиуми потврдуваме резултатите се загарантирани – велат од Vrabotuvanje.com.
И сето тоа е оправдано со бројки
Се радуваме што можеме да ви ги претставиме ваквите значајни резултати. На минатогодишниот саем остваривме 600.000 посети, речиси 5 милиони прегледани страници, над 1.100 објавени огласи и речиси 50.000 апликации, на регионално ниво.
Сите работодавачи кои ќе резервираат штанд до 31 август ќе имаат можност да остварат попуст од 10% за рана пријава. Тука се и дополнителните попусти доколку одлучите да бидете регионален изложувач и да имате штанд во неколку земји, така што можете да добиете 10% попуст за штанд во две земји, 15% во три земји, 20% во четири земји и дури 25% попуст за штандови во сите пет земји.
Пријавете се на Регионалниот саем за вработување до 31 август и зграпчете го летниот попуст од 10%!
За дополнителни информации и резервација на штанд кликнете ТУКА.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Се намалува мазутот, цените на дизелот и бензините остануваат непроменети
Регулаторната комисија за енергетика, водни услуги и услуги за управување со комунален отпад донесе oдлука со која се врши намалување на малопродажните цени на нафтените деривати во просек за 0,53 % во однос на одлуката од 7.5.2024 година.
Од 10.5.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 86,00 (денари/литар)
Моторен бензин ЕВРОСУПЕР БС-98 – 88,00 (денари/литар)
Дизел-гориво ЕВРОДИЗЕЛ БС (Д-Е V) – 74,50 (денари/литар)
Масло за горење екстра-лесно 1 (ЕЛ-1) – 74,00 (денари/литар)
Мазут М-1 НС – 44,609 (денари/килограм)
Малопродажната цена на „мазутот М-1 НС“ се намалува 1,223 денар/кг и сега ќе изнесува 44,609 денари/кг.
Малопродажните цени на бензините ЕВРОСУПЕР БС-95 и ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 2,939 %, кај дизелот 1,523 %, кај екстра-лесното масло 1,341 % и кај „мазутот“ намалувањето е 3,608 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,015 %.
Економија
Одлуката за осигурување автомобили е еднострана и штетна за бизнис-секторот и економијата во државата, реагира Комората на северозападна Македонија
Стопанската комора на северозападна Македонија ја квалификува одлуката на Комисијата за осигурување автоодговорност како неодржлива за благосостојбата на бизнисот и стопанството.
„Многу бизниси мора да се потпрат на употребата на возила за извршување на своите активности, како што се транспорт на стоки, услуги или вработени. Повисоките цени на полисата за осигурување автомобили може да имаат пошироки макроекономски ефекти со намалување на довербата и трошењето на потрошувачите, кои се клучни двигатели на економскиот раст“, се истакнува во реакцијата на Комората.
Деловното опкружување, како што оценуваат, станува обесхрабрувачки за домашните компании, но и за странските инвестиции, оставајќи долгорочни последици, но и спротивно на законодавниот систем на ЕУ, кој сè уште му дозволува на Министерството за финансии да одлучува за премиите за осигурување автомобили, што е спротивно на acquis на ЕУ.
„Со оваа одлука на Комисијата за самоодговорност се ограничуваат одговорностите на другите релевантни фактори, како што се компаниите, со кои цените на самоодговорноста се целосно контролирани од државата“, потенцираат од Стопанската комора на северозападна Македонија.
Економија
Од полноќ нови цени на горивата
Регулаторната комисија за енергетика донесе одлука со која се врши намалување на малопродажните цени на нафтените деривати во просек за 1,70 % во однос на одлуката од 29.4.2024 година.
Од 8.5.2024 година од 00.01 часот максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 86,00 (денари/литар)
Моторен бензин ЕВРОСУПЕР БС-98 – 88,00 (денари/литар)
Дизел-гориво ЕВРОДИЗЕЛ БС (Д-Е V) – 74,50 (денари/литар)
Масло за горење екстра-лесно 1 (ЕЛ-1) – 74,00 (денари/литар)
Мазут М-1 НС – 45,832 (денари/килограм)
Малопродажните цени на бензините ЕВРОСУПЕР БС-95 и ЕВРОСУПЕР БС-98 и на екстра-лесното масло за домаќинство (ЕЛ-1) се намалуваат 1,50 денар/л.
Малопродажната цена на ЕВРОДИЗЕЛОТ (Д-Е V) се намалува 1,00 денар/л.
Малопродажната цена на „мазутот М-1 НС“ се намалува 0,829 денари/кг и сега ќе изнесува 45,832 денари/кг.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 2,438 %, кај дизелот 2,100 %, кај екстра-лесното масло 2,605 % и кај мазутот намалувањето е 1,907 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,407 %.