Забава
Како концептот на намалување штети се користи во борба против пушењето
Намалувањето на штети може да се опише како правец на делување насочен кон поединци или групи со цел да се намалат штетите поврзани со одредено однесување. Концептот за намалување на штети, кој му припаѓа на доменот на јавното здравје, првично беше развиен за возрасните со проблеми со употреба на опојни дроги, за кои апстиненцијата не беше изводлива, а со тек на времето се прошири на многу области од животот.
Намалувањето на штети еволуираше со текот на времето, од неговата првична идентификација во 1980-тите, кога служеше само како алтернатива на интервенциите ориентирани кон апстиненција кај возрасните со нарушувања од употребата на супстанции. Дури и тогаш, беше препознаено дека апсолутната апстиненција не е реална цел за сите зависници. Дополнително, оние лица кои биле заинтересирани да ја намалат нивната употреба, но не целосно да престанат, биле исклучени од програмата за апстиненција.
Концептот за намалување на штети ја нагласува потребата таквите јавни здравствени политики да се засноваат на истражување, наместо на стереотипите кои вообичаено им се припишуваат на луѓето со ризично однесување. Овој пристап е одобрен и поддржан од највисоките институционални здравствени власти во светот и стана составен дел од законодавството на повеќе земји.
Намалувањето на штетите се применува во секојдневните општествени активности, а карактеристични примери се употребата на сигурносни појаси во автомобилите или кациги при возење мотоцикл. Вакви примери може да се најдат во сите сфери на животот, вклучително и во тутунската индустрија. На овој начин, возрасните пушачи, кои инаку би продолжиле да пушат, ќе продолжат да уживаат во ритуалот кој го сакаат и во никотинот, но со многу помали штети по нивното здравје, а што може да има далекусежни позитивни ефекти по вкупното јавното здравје.
Според Светската здравствена организација, моментно во светот има повеќе од милијарда активни пушачи. Иако некои пушачи успеваат да се откажат од оваа лоша навика со силна волја, на многумина им е потребна помош во форма на лекарски консултации и никотински замени. Сепак, на крајот на денот има и такви кои едноставно не сакаат да се откажат од тутунот. Во такви случаи, можно е да се примени концептот за намалување на штети.
Концептот за намалување на штети од тутунот се однесува на стратегии дизајнирани да ги намалат здравствените ризици поврзани со пушењето цигари, но кои може да вклучуваат континуирана употреба на никотин или уреди без чад. Се работи за еден вид промоција на употреба на иновативни, помалку штетни алтернативи на цигарите. На овој начин, возрасните пушачи, кои инаку би продолжиле да пушат, ќе продолжат да уживаат во ритуалот кој го сакаат и во никотинот, но со многу помали штети по нивното здравје, а што може да има далекусежни позитивни ефекти по вкупното јавното здравје.
Современата технологија развиена од тутунската индустрија им нуди можност на сите постоечки возрасни пушачи кои не сакаат да се откажат од цигарите да се префрлат на некои од уредите без чад кои работат на база на загревање на тутунот, наместо да го согоруваат, со што се елиминираат до 95 проценти од штетните материи кои се наоѓаат во чадот од тутунот.
Така, електронските цигари или производите кои го загреваат тутунот претставуваат модерна алтернатива на тутунскиот чад и затоа го намалуваат ризикот од несакани ефекти и болести кои традиционално се припишуваат на консумацијата на цигари.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Детали за смртта на Лиам Пејн: Имал 25 повреди
Лиам Пејн (31), поранешен член на One Direction, почина во средата во Аргентина. Британскиот пејач е пронајден во Буенос Аирес.
Си-Ен-Ен пишува дека пејачот бил пронајден мртов пред хотелот Каса Сур во луксузниот кварт Палермо, откако паднал од третиот кат. Смртта ја констатирала полицијата, а лекарите рекле дека „нема начин да се спаси“. Очевидци за американскиот таблоид ТМЗ изјавија дека несреќата се случила нешто по 17 часот (локално време). Тие тврдат и дека Лиам претходно „чудно се однесувал во лобито на хотелот“. Напоменуваат дека го „скршил лаптопот“.
И во официјалното соопштение се вели дека полицајците биле испратени во хотелот по итен повик „во кој биле информирани за агресивен маж кој можеби бил под дејство на дрога и алкохол“. Кога стигнале, полицаецот, како што вели, слушнал силна бучава во внатрешниот двор на хотелот.
Би-би-си доби извештај од канцеларијата на јавниот обвинител во Буенос Аирес во кој детално е опишано што досега дознале истражителите за смртта на Лиам Пејн. Во извештајот се вели дека смртта на пејачот се истражува како сомнителна поради локалните протоколи, но доказите сугерираат дека тој бил сам во хотелската соба во моментот на инцидентот.
Инспекторите сè уште испрашуваат пет сведоци – тројца вработени во хотелот и две жени кои биле во собата на Лиам ноќта пред неговата смрт. Се наведува дека во собата била пронајдена дрога и алкохол. Првата обдукција покажала дека Лијам се здобил со 25 повреди од падот. Ќе се прават и токсиколошки тестови. Се додава дека пејачот најверојатно паднал додека бил полусвесен или целосно онесвестен.
Полицијата од Буенос Аирес потврди дека истрагата на местото каде што паднал музичарот е завршена, пишува Би-би-си. Додаваат дека во хотелската соба каде што престојувал биле пронајдени запалка, мобилен телефон и шише виски.
„Персоналот пронашол тотален хаос и оштетени предмети во собата“, додаваат тие. Пронајдоа и разни кутии со лекови, тетратка и пасош Полицијата извести дека прелиминарната обдукција покажала дека Пејн претрпел внатрешно и надворешно крварење и починал како последица на падот.
Забава
Момците од One Direction се огласија: „Ние сме уништени“
Поранешните членови на One Direction се простија од Лиам Пејн.
Тие во заедничко соопштение објавија дека се целосно уништени од веста за нивниот поранешен колега.
„Во догледно време, кога ќе можеме, ќе кажеме повеќе. Сега ќе одвоиме малку време да тагуваме и да ја преболиме загубата на нашиот брат, кого неизмерно го сакавме. Неговите спомени ќе бидат вредни засекогаш. Нашите мисли се со неговото семејство, пријателите и обожавателите кои го сакаа. Многу ќе ни недостига. Те сакаме Лиам“, се наведува во соопштението.
Лиам објави пет албуми со бендот
Забава
(Видео) „Ова е непримерно“: Хајди Клум позира со ќерката во кампања за долна облека
Поранешната манекенка Хајди Клум на „Инстаграм“ се пофали со фотографиите на кои позира со својата ќерка Лени во кампања за долна облека, а нејзиното објавување предизвика бурни реакции.
51-годишната Хајди и нејзината 20-годишна ќерка позираа заедно во тантелена долна облека, а Хајди откри дека уживале во снимањето.
View this post on Instagram
„Лени и јас се забавувавме додека го снимавме ова. Најдете нè на билбордите низ цела Германија и на телевизија“, рече таа во објавата што ја сподели и ќерка ѝ.
Како дел од објавата има и видео на кое Хајди и ги допира гаќите на ќерка си и ја снима додека таа позира во долна облека. Објавата предизвика многубројни негативни реакции.
View this post on Instagram
„Прилично е чудно што го правиш ова со мајка ти“, „Чудно е што мајка ти ги допира гаќите“, „Ова е несоодветно“, „Изгледа како почеток на филм од 18+“, „Да, нема ништо подобро од тоа да позираш полугола со мајка ти“, „О, тато и јас го правиме тоа постојано, само во боксери“, се дел од коментарите под објавата.