Свет
Казна за сопругот на Ненси Пелоси, пијан предизвикал сообраќајна несреќа
Пол Пелоси (82) – сопругот на претседателката на Претставничкиот дом на САД, Ненси Пелоси, беше осуден во вторникот на пет дена затвор и наредено е да плати 6.800 долари парична казна откако се изјасни за виновен за предизвикување повреда со возење во алкохолизирана состојба во Калифорнија, во мај годинава.
Тој ќе го избегне затворот откако судијата одлучи дека четири дена притвор по апсењето му се сметаат за казна. Наместо да остане еден ден, судијата му нареди да работи општо корисна работа, изјави неговата адвокатка Аманда Бевинс.
Бевинс се изјасни во име на нејзиниот клиент во Врховниот суд во округот Напа, Калифорнија. Обвинетиот одлучил да не се појави на рочиштето бидејќи неговото присуство не било задолжително.
Пол Пелоси беше уапсен под сомнение дека возел под дејство на алкохол откако во мај учествувал во сообраќајна несреќа во Калифорнија. Никој не е сериозно повреден.
Иако беше поштеден од дополнителна затворска време, Пол Пелоси доби три години условна казна и забрана за управување со моторно возило на една година.
Тој мораше да плати 4.927 долари како реституција на возачот на другиот автомобил за медицински сметки и изгубени плати, плус стандардна доплата од 150 долари и судска казна од 1.723 долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.