Економија
Академијата за кибербезбедност на Американскиот универзитет на Европа – ФОН станува атрактивна во регионот
![](https://makfax.com.mk/wp-content/uploads/2022/08/thumbnail_2-2.jpg)
Академијата за кибербезбедност којашто формираше Американскиот универзитет на Европа – ФОН го привлече вниманието и станува атрактивна во регионот.
Во рамките на продлабочување на соработката со универзитети од регионот, ректорката на Американскиот универзитет на Европа – ФОН, проф. д-р Билјана Пулеска-Јанушевска оствaри работна посета на Високата школа за осигурување и финансии (ВУЗФ), приватен универзитет од Софија, Република Бугарија.
На средбата со ректорот на ВУЗФ универзитетот проф. д-р на правни науки, Борис Велчев, ректорката Пулеска Јанушевска ја промовираше Академијата за кибербезбедност на АУЕ – ФОН како регионален центар за обука на професионалци од областа за кибербезбедност во соработка со ThriveDX од Израел, што предизвика голем интерес во Бугарија, заради можноста за професионална едукација и усовршување на кадри за најбараната професија на денешницата.
Ректорите на двата универзитети на денешната средба потврдија дека е започната постапка за акредитација на наставниот кадар од Американскиот универзитет на Европа – ФОН за менторирање на докторски студии на ВУЗФ универзитетот. Наставниот кадар од АУЕ-ФОН ќе има можност да менторира докторски студии од областа на економијата на две програми: финансии, осигурување и социјално осигурување, како и сметководство, контролинг и анализа.
Во исто време, академскиот кадар од АУЕ -ФОН ќе може да објавува свои трудови во релевантни меѓународни списанија во Бугарија.
Американскиот универзитет на Европа – ФОН како резултат на веќе воспоставеното стратешко партнерство и соработка со ВУЗФ универзитетот од Софија, на своите сегашни и идни студенти и алумни им овозможува да се стекнат со двојни дипломи од областа на бизнис-економија, менаџментот и финансиите за прв и за втор циклус на студии.
Со двојните дипломи на студентите на АУЕ – ФОН им се отвораат нови перспективи за професионален и кариерен развој во Европа и пошироко, како и со стекнување на академска квалификација која без процедури на нострификација е валидна во државите членки на ЕУ.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
Американскa компанија ќе инвестира во Македонија, објави Мицкоски од Вашингтон
![](https://makfax.com.mk/wp-content/uploads/2024/07/450456119_1080623773419548_6742439707711266663_n.jpg)
По инвестицијата од 500 милиони долари на Алказар Енерџи во ветерен парк која е најголема во регионот и инвестицијата на германско белгиската компанија Епсотех Аим во Петровец од 20 милиони евра, Американски Вабтек ќе инвестира во Македонија, објави на социјалните мрежи, премиерот Христијан Мицкоски, кој се наоѓа во посета на Вашингтон.
Се работи за компанија којашто е дел од 500. најголеми компании во САД, а се занимава со производство на сопирачки за шински возила.
„Остварив средба со извршниот потпретседател на компанијата во Вашингтон каде што беше потврдена динамиката на реализација на новата инвестиција. Повеќе од 100 нови вработувања, инвестиција вредна 35 милиони евра“, соопшти Мицкоски додавајќи дека поголем извоз гарантира подобра иднина.
Претходно, од владината прес-служба информираа дека посетата на Мицкоски има за цел да ги зајакне билатералните односи со САД, да ја афирмира Македонија како стабилен партнер и да ги промовира економските можности на нашата земја пред американските инвеститори.
Економија
Средба Божиновска – Агелер: Поддршка од САД за размена на искуства и знаење во сферата на енергетиката
![](https://makfax.com.mk/wp-content/uploads/2024/07/ageler-bozinovska-1.jpg)
Министерката за енергетика, рударство и минерални суровини Сања Божиновска, денеска оствари работна средба со Амбасадорката на Соединетите Американски Држави, Н.Е. Ангела Агелер.
Како што известува Министерството, на средбата се разговарало за новоформираното министерство за неговите цели, активности и проекти.
Министерката Божиновска ја истакна огромната важност за реализирање на нови капитални инвестиции во полето на енергетиката и усогласување на постоечките закони со оние на Европската Унија во делот на енергетиката.
Неопходно е зајакнување на билатералната соработка меѓу двете земји, истакна Божиновска имајќи предвид дека стратешката определба која е во насока на зајакнување на односите со нашиот партнер САД.
На средбата се нагласи и поддршката на САД во делот на размена на искуства и знаење во сферата на енергетиката и обновливите извори на енергија, се наведува во соопштението на Министерството.
Економија
Зголемување на цените на горивата од полноќ
![](https://makfax.com.mk/wp-content/uploads/2023/01/benzin-gorivo-960x639-1-2.jpg)
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши зголемување на малопродажните цени на нафтените деривати во просек за 1,00 % во однос на одлуката од 1.7.2024 година.
Референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 2,641 %, кај дизелот зголемувањето е во просек 1,924 % , кај екстра-лесното масло зголемувањето е во просек 1,125 % и кај „мазутот“ зголемување во просек околу 2,178 % поради што во структурата на цените на нафтените деривати е извршено соодветно приспособување.
Курсот на денарот во однос на доларот во изминатиот период по кој беа формирани цените со претходната пресметка е понизок з,355 %.
Од 9.7.2024 година од 00.01 часот максималните цени на нафтените деривати ќе изнесуваат:
– моторен бензин ЕВРОСУПЕР БС-95 – 84,00 (денари/литар)
– моторен бензин ЕВРОСУПЕР БС-98 – 86,00 (денари/литар)
– дизел-гориво ЕВРОДИЗЕЛ БС (Д-Е V) – 77,00 (денари/литар)
– масло за горење екстра-лесно 1 (ЕЛ-1) – 75,50 (денари/литар)
– „мазут М-1 НС“ – 48,634 (денари/килограм)
Малопродажните цени на бензините ЕВРОСУПЕР БС-95 и ЕВРОСУПЕР БС-98 се зголемуваат1,00 денар/л.
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) се зголемуваат 0,50 денари/л.
Малопродажната цена на „мазутот М-1 НС“ се зголемува 0,626 денари/кг.