Македонија
Предности на домот во јадрото на Скопје ориентиран кон јужната страна
Изборот на нов дом индиректно влијае на обликувањето на животната патека по која секој од нас чекори. Поседувањето сопствен дом му обезбедува на семејството чувство на стабилност, сигурност и припадност. Токму затоа одлуката за избор на нов дом треба внимателно да биде донесена и притоа треба да бидат земени предвид сите аспекти кои можат да ви обезбедат удобен и квалитетен живот. Потрагата по нов дом треба да биде темелна, а изборот базиран на добро проверени факти. Во прилог ви претставуваме важни информации кои ќе ви помогнат да одлучите зошто изборот на дом ориентиран кон јужната страна претставува вистински чекор за вас.
Живеењето на јужната страна во центарот на Скопје овозможува неверојатен поглед
Од тоа како ќе ви почне утрото во голема мера зависи и каков ќе ви биде остатокот од денот, токму затоа погледот со кој ќе се будите треба да биде еден од главните приоритети при изборот на вашиот иден дом. Една од најважните придобивки што ги овозможува домувањето на јужната страна во Скопје е живописниот поглед кон еден од најубавите предели на главниот град, планината Водно и Милениумскиот крст. Овој поглед максимално е искористен при проектирањето на „Гранд Ривер“, објектот што се гради спроти хотелот „Холидеј ин“ во рамки на станбено-деловниот комплекс „Гранд Скопје“. Се работи за современ објект кој е дизајниран да овозможи максимален комфор на идните корисници, и целосно искористување на погледот и природната светлина. Можноста наутро да се разбудите во станбените единици кои поседуваат пространи тераси со стаклени огради има потенцијал да го унапреди квалитетот на вашето живеење, токму поради достапноста на природната сончева светлина и опцијата да се ужива во допирот на сончевите зраци и неповторливиот поглед.
Домовите лоцирани на јужната страна овозможуваат заштеда на топлинска и електрична енергија
Заштедата на топлинска и електрична енергија е една од клучните економски придобивки кои ги овозможува животот на јужната страна, особено во време кога нивната цена е во постојан пораст. Објектите кои се изградени со високи стандарди на енергетска ефикасност, како „Гранд Ривер“, со термоизолирана фасада и ниско енергетско стакло, овозможуваат заштеда на топлинска и електрична енергија и минимално влијание на животната средина. Заштедата на топлинска енергија е најизразена во најстудениот период во годината, од декември до февруари, кога трошоците за догревање на просторот би биле значително намалени. Кога долгорочно ќе се земе предвид заштедата на топлинска и електрична енергија, становите лоцирани на јужната страна дефинитивно претставуваат исплатлива инвестиција.
Природната сончева светлина има позитивно влијание на здравјето
Докажано е дека природната сончева светлина е извор на позитивна енергија и расположение и фактор кој позитивно влијае на физичкото и менталното здравје. Придобивките од природната сончева светлина се потврдени со многубројни истражувања, кои покажале дека таа директно е поврзана со расположението, бидејќи го стимулира лачењето на хормонот на среќа серотонин, кој, пак, кога се лачи во поголеми количества се поврзува со доброто расположение и чувства на задоволство и смиреност. Сончевата светлина ги мотивира луѓето и позитивно влијае дури и на нивната концентрација и апетит. Домовите кои се наоѓаат на јужната страна и имаат пространи дворови или тераси овозможуваат нивните жители во поголем дел од денот да бидат изложени на витаминот Д3, кој е единствениот Д витамин што телото може да го произведува благодарение на сончевата светлина и кој значително го подобрува имунитетот на луѓето.
Природната сончева светлина освен што носи бројни здравствени придобивки има силно влијание на перцепцијата на просторот, односно прави тој да изгледа визуелно поголем и поширок.
Домот ориентиран на јужната страна обезбедува можност да одгледувате голем број растенија
Љубителите на растенија дефинитивно ќе уживаат доколку нивниот дом се наоѓа на јужната страна. Поголемиот дел на растенија кои се одгледуваат во домовите бараат сончева светлина и токму затоа достапноста на сончевите зраци ќе овозможи да одгледувате широк спектар на растенија во својот дом кои ќе донесат свежина, ведрина и позитивни вибрации. За растенијата во домот, исто така, е потврдено дека го намалуваат нивото на стрес, ја зголемуваат вашата продуктивност и го подобруваат квалитетот на воздухот.
Сите овие факти јасно говорат зошто токму станбените единици на јужната страна во „Гранд Ривер“ треба да бидат вашиот избор на нов дом каде што ќе ги нижете идните моменти на среќа.
Доколку сте заинтересирани за домување по највисоки стандарди на јужната страна во „Гранд Ривер“ може да добиете персонализирана понуда во продажниот салон на комплексот „Гранд Скопје“ во ГТЦ на 1 кат или да го контактирате тимот за продажба на телефонските броеви: 070 233 055 и 070 355 351 и на и-пошта: [email protected].
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здравство треба да го санира урнатиот ѕид кај Детската клиника, а Град Скопје и Општина Центар да најдат решение за подземните води
Санацијата на Полуурнатиот ѕид кај Детската клиника е во надлежност на Министерството за здравство, а решението за подземните води треба да биде изнајдено на ниво на Град Скопје и Општина Центар. Ваков е заклучокот од заедничката координативна средба во ЦУК на која беше разгледано прашањето за потпорниот ѕид и подземните води на улицата „Белградска“.
На состанокот присуствуваа претставниците од Центарот за управување со кризи (ЦУК), Градот Скопје, Општина Центар и МВР, додека Министерството за здравство било покането, но не исптатило претставник на состанокот, информираа од ЦУК.
На средбата беше истакнато дека долгорочното решавање на проблемот со водите може да трае со години, па дури и цела деценија, а краткорочното решение може да се заврши до крајот на летото. Проблемот е сериозен, а во врска со тоа колку ќе чини целата контрукција неопходно е да биде направена поголема студија од страна на стручните служби.
„Акутно и веднаш може да се направи поправка на оградата на потпорниот ѕид што е во надлежност на Министерството за здравство. Проблемот со подземните води е сериозен, особено кога станува збор за целосно зафаќање на подземните води од Водно, зашто дел од канализациската мрежа која е изградена во 50-тите години од минатиот век е уништена или затрупана, а дел се одржува. Значи, потребна е реконструкција и целосно нова изградба на нов систем, што е долгорочно решение кое може да трае со години или цела деценија. Но, тоа е државен проблем кој ќе се решава во иднина“, изјави државниот советник за организација и функционирање на Системот за управување со кризи Драги Тарчуговски, додавајќи дека треба да се направи каптирање на таа вода на улицата и нејзино внесување во атмосферската канализација.
„Очекуваме во наредниот период да се одржи координативна средба меѓу Општина Центар и Градот Скопје и да се види што може да се направи за итно решавање на овој проблем“, рече Тарчуговски.
Градоначалничката на Град Скопје, Данела Арсовска, изјави дека на претстјниот состанок со претставници од Општината Центар, треба да се види со каква документација се располага и какви финансиски импликации ќе имаат. Арсовска рече дека проблемот е многу сериозен, а такви средства нема ниту има Општината, ниту Градот. Тоа е стратешка инвестиција, вели Арсовска, што треба да се направи.
„Водостопанство како акционерско друштво од државна сопственост веќе извршило студија во минатата година. Таа е сериозен, голем, стратешки проект којшто ги опфаќа сите места каде што потенцијално има канали кои во овој момент се уништени и би требало да се ревидираат“, изјави Арсовска.
Откако минатата недела се урна дел ѕидот кај Клиниката за детски болести, институциите си ја префрлаа одговорноста за тоа под чија надлежност е ѕидот.
Македонија
(Видео) Мицкоски: Подавам рака на СДСМ за суштинските прашања од важност за Македонија, но тоа не значи амнестирање од одговорноста за криминалите
Претседателот на ВМРО-ДПМНЕ Христијан Мицкоски на денешната свеченост по повод 34 години од формирањето на ВМРО-ДПМНЕ насловена „34 години ВМРО-ДПМНЕ, 131 година ВМРО, завет, слобода, иднина, продолжуваме“ истакна дека подава рака кон СДСМ за дијалог за сите крупни прашања за државата.
„Тие од мене, како претседател на партија која посакува и работи за македонско национално единство имаат подадена рака за дијалог за сите крупни прашања за државата и од важност на граѓаните“, посочи Мицкоски.
Претседателот Мицкоски повика на македонско национално единство за сите важни прашања за државата, но истакна дека тоа никако не треба да е разбрано за амнестирање од одговорноста за криминалите.
„Им подавам рака за македонско национално единство за сите важни прашања за државата. Посакувам да ги надминат огромните проблеми и да седнеме на маса да разговараме за иднината на нашата татковина. Секако ова никако не треба да го сфатат како амнестирање од одговорноста за криминалите, но значи дека во нив ќе гледам партнер со кого имаме одговорност поради сегашните и идните генерации да работиме на создавање на единствени државни позиции кога станува збор за суштинските прашања од важност за Македонија“, дециден е Мицкоски.
Македонија
(Видео) Мицкоски: Повративме 3/4 од тоа што СДС го имаше кон ДУИ, додека сите работат за Македонија, ќе бидеме еднакви партнери во владата
За неколку дена Македонија ќе ја добие новата влада предводена од ВМРО-ДПМНЕ. Во изминатиот период кога се договораше оваа влада внимателно ги следев оние пораки од одредени политички центри од новата опозиција дека премногу им се дало на коалицијата Вреди што е ноторна измислица, замислете тие кои коленичеа во Речица кои 7 години беа главни измеќари на ДУИ нам кои повративме најмалку три четвртини од позициите кои ги изгубија ни велат дека сме дале премногу. Нека биде и така, рече претседателот Христијан Мицкоски на денешната прослава на 34 роденден на партијата.
Мицкоски укажа „сакам да кажам дека ние не даваме, ниту земаме, затоа што Македонија е заедничка држава и се додека албанските и другите коалициони партнери работат по закон и во интерес на државата ќе бидеме еднакви партнери во Владата“.
Според Мицкоски ако било кој застрани со криминални или други агенди ќе биде веднаш санкциониран кој и да е, вклучително и од ВМРО-ДПМНЕ и ќе биде повикан на одговорност додавајќи дека нема да дозволи ВМРО – ДПМНЕ да стане тоа што беше и е СДСМ.
„Ниту па ќе дозволам Вреди да стане тоа што беше ДУИ. Ќе има работа, но и одговорност. И тука никој не треба да има дилеми. И колку и да се обидуваат поразените конкуренти да го одвлекуваат вниманието од вистинските теми, да прават диверзии, чудно да откажуваат кислородните компресори во хируршките сали и да нема операции, да снемува документи по институции, да се измислуваат медицински факултети по приватни фирми на кадри на ДУИ преку ноќ, треба да знаат дека ќе ги решаваме сите проблеми, со голема посветеност“, кажа Мицкоски.
Мицкоски додаде дека „додека тие се однесуваат како разгалено дете кое мисли дека го има природното право на фотелјата дадена од народот, додека не бираат зборови и навреди да го омаловажат секој наш чекор, јас одбирам да не се занимавам со нивните валканици, туку да го реализираме она што го ветувавме пред изборите“.