Забава
(Видео) Критичарите и гледачите едногласни: „Следните 365 дена“ порно со лоша приказна

Во 2020 година беше меѓу најочекуваните филмови од оригиналната продукција на „Нетфликс“, две години подоцна, тој е најкритикувана содржина на стриминг-платформата.
Полската еротска драма „365 дена“ излезе пред две години, гледачите беа воодушевени, но продолженијата им го расипаа впечатокот. Во април оваа година се појави вториот дел со наслов „365 дена: Овој ден“ (The 365 Days: This Day). Продолжеието ги разочара и гледачите и филмските критичари.
Но, не застана тука. Третото продолжение, „Следните 365 дена“ (The Next 365 Days), кое пристигна на стриминг-платформата на почетокот на август, постојано добива негативни критики. Врз основа на 3.500 гласови на ИМДБ, филмот има оценка 2.7. Исто како и второто продолжение.
„Врската на Лаура и Масимо виси на конец додека се обидуваат да ги надминат проблемите со довербата и љубомората, а упорниот Начо прави сè за да ги раздели“, стои во описот на третиот дел од филмот.
А гледачите се крајно разочарани: „Искрено, стигнав до 17. минута. Ужасната глума е најмал проблем. Најголемиот проблем се погрешните пораки кои ваквите филмови се обидуваат да им ги пренесат на помладите генерации. Срам за Нетфликс. Да имаше оценка 0, би ја избрал“, „Буквално порно со лоша приказна“. „Не знам зошто ‘Нетфликс’ мислел дека е добра идеја да се направат три филма“, „Ѓубре филм со ужасна глума. Не знам зошто воопшто го гледав и си го губев времето“, „Требаше да застанат на првиот филм“, пишуваат гледачите.
И филмските критичари го затрпаа со негативни рецензии. Џесика Кианг напиша рецензија „Следни 365 дена: само за мазохисти“.
„Овој пат не е само заплетот што е досаден. Се чини дека и одделот за дизајн се успал – облеката е ужасна. Единствени соработници кои не изгледаат целосно исцрпени до крајот на филмот се тие задолжени за музиката“, заклучува Џесика.
Ник Левин напиша рецензија за NME со наслов „Оваа еротска трилогија е ужасна“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Откриена причината за смртта на Халк Хоган

Page Six ексклузивно ја откри официјалната причина за смртта на Халк Хоган.
Легендарниот професионален борач починал од акутен миокарден инфаркт, познат и како срцев удар. Документите, исто така, открија дека Хоган тајно се борел со леукемија, состојба која досега не била јавно позната.
Според Канцеларијата на медицинскиот испитувач на округот Пинелас, срцевиот удар бил предизвикан од ненадејно блокирање на протокот на крв во срцевиот мускул, што предизвикало оштетување на ткивото. Во документот, објавен од Page Six, исто така се наведува дека Хоган имал историја на атријална фибрилација (AFib), состојба која се карактеризира со неправилно и брзо отчукување на срцето.
Најголемото изненадување во извештајот на медицинскиот испитувач беше информацијата дека поранешната суперѕвезда на WWE, роден како Тери Болеа, страдал од хронична лимфоцитна леукемија (CLL) – вид на рак кој ги зафаќа белите крвни зрнца. Неговата смрт беше прогласена за природна смрт.
Халк Хоган доживеа срцев удар во својот дом во Клирвотер, Флорида, на 24 јули. Тој беше итно префрлен во болницата Мортон Плант, каде што беше прогласен за мртов. Почина на 72-годишна возраст.
Забава
Мухамед е најпопуларното име за момчиња во Англија, втора година по ред

Објавени се најпопуларните имиња за бебиња родени во Англија и Велс во 2024 година, при што Мухамед е најпопуларното машко име втора година по ред, додека Ноа и Оливер го зазедоа второто и третото место, исто како и во 2023 година.
Според Би-Би-Си, Оливија и Амелија ги зазедоа првите две места за девојчиња трета година по ред, додека Исла падна од третото место и беше заменета со Лили.
Листата ја објави Канцеларијата за национална статистика (ONS), која ја составува листата врз основа на податоци од матичните книги на родени.
Новите имиња што влегоа во првите 100 за девојчиња се Елоиз, Нора, Мила, Роза, Атена, Сара и Зои. Новите имиња за момчиња се Остин, Натан, Вини и Јахја.
Мухамед го задржа првото место како најпопуларно машко име, со 5.721 бебиња што го добија ова име. Ова име е најпопуларно во пет од деветте региони на Англија.
Други варијации на името, исто така, се најдоа на листата: Мохамед се најде на 21-во место со 1.760 момчиња, а Мохамад на 53-то место со 986.
Забава
Ќерката на Мајкл Џексон откри дека ја раскинала свршувачката со познатиот актер: „Ова се солзи на раскин“

Парис Џексон, 27-годишната ќерка на легендарниот крал на поп-музиката, Мајкл Џексон, и американскиот актер Џастин Лонг ја раскинале свршувачката по три години врска.
Веста ја сподели самата Парис на социјалната мрежа „Икс“, каде што напиша: „Ова се солзи на раскин. Повторно сите се провлекувате“.
Инаку, пејачката во декември преку „Инстаграм“ ја објави свршувачката со Лонг, но објавата подоцна беше избришана. Во јуни, во интервју за „Аксес Холивуд“, изјави дека подготовките за свадбата се во полн ек.
„Фустанот е во изработка, местото е избрано, а датумот го одреди астролог – затоа што сум од Лос Анџелес“, рече таа.
Да потсетиме, Парис пред неколку дена беше снимена како расплакана шета сама на улиците на Малибу.
Исто така, минатиот месец беше критикувана бидејќи настапила на концерт закажан токму на денот на годишнината од смртта на татко ѝ. Во обраќање на социјалните мрежи објасни дека таа нема влијание врз распоредот на турнејата бидејќи не е главна изведувачка.
„Тоа што настапувам на тој ден не значи дека сум заборавила. Никој не треба да ми кажува како да тагувам“, порача таа тогаш.