Македонија
(Видео) Каевски: Мицкоски како директор на ЕЛЕМ купувал струја по 4 пати повисока цена
СДСМ тврди дека лидерот на ВМРО-ДПМНЕ, Христијан Мицкоски кога директорувал со ЕЛЕМ, купувал струја по 4 пати повисока цена.
Пратеникот и портпарол на СДСМ, Дарко Каевски на прес-конференција покажуваше документи и рече дека во време на ВМРО-ДПМНЕ и Мицкоски цената на струјата е зголемена за 100 посто, а Мицкоски набавувал струја 3-4 пати повисока од пазарната, од цената на светските берзи.
„Во јануари 2017 година Мицкоски потрошил речиси 6 милиони евра за да купи 66.690 мегаватчаса електрична енергија, чија цена во одредени моменти ја платил и по 221 евро за мегаватчас. Во време кога немало никаква енергетска криза, ниту пак високи цени, и кога струјата вообичаено можела да се набави по околу 50 или 60 евра. Иако производната цена на ЕСМ во тој период била 45 евра за мегаватчас Мицкоски купувал и по и и по 220 евра. Тоа е разлика од околу 3 милиони евра, директно врз грбот на граѓаните“, рече Каевски.
Посочи дека да ја произведел таа енергија од домашно производство, наместо да ја купи, немало да ја оштети граѓаните и да морале да платат речиси три милиони евра повеќе.
Понатаму, тврди Каевски, Мицкоски се правдал дека струјата морал да ја купи затоа што му паднале блоковите во РЕК Битола.
„Па како му паднале блоковите во РЕК? Нели работел како што треба, нели ги одржувал? Објаснува дека имало ниски температури во Битола во јануери. Замислете. Вистината е дека ниту ги одржувал, ниту се грижел за РЕК а најмалку работел како што треба. Тоа истиот Мицкоски што пишува статуси на социјалните мрежи за струјата, зборува за цени и меша баби и жаби во време на најголема економска и енергетска криза“, рече Каевски.
Од владејачката партија велат дека денес домашното производство на струја е највисоко ниво, државата субвенционира 80% од цената за домаќинствата и се преземаат мерки за заштита на стандардот на граѓаните, во услови на најголема економска и енергетска криза.
Според нив, Мицкоски е најнеуспешниот директор на ЕЛЕМ кој нема никаков кредибилитет да зборува за енергетика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Има интерес од доктори што работат во приватните да се вратат во јавните здравствени установи, рече Таравари
Има интерес од доктори што работат во приватните клиники да се вратат во државните, истакна министерот за здравство, Арбен Таравари, на денешната прес-конференција по повод 100 дена нова Влада.
„Имаше забрана од тогашната влада од јули или авуст 2022 година да не може од приватните да преминат во јавните здравствени установи. Пред три недели помина на Влада да се тргне таа забрана и сега подготвуваме правилник во Министерството за здравство. Не може сите доктори, туку само оние што се специјалисти, како фармацевти, стоматолози, анестезиолози, радиолози, но само доколку директорот на клиниката ни каже дека има потреба од тие кадри, а тие се докажани и во одреден период заминале и сега гледаат надеж во јавното здравство и сакаат да се вратат. Само кај мене се јавиле 10-ина доктори колеги, кои се врвни стручњаци во нашата држава и полека почнуваме да ги враќаме“, посочи министертот Таравари.
Според него, ова е навистина добар чекор и се надева дека в година ќе се продолжи со враќање на докторите во државните здравствени установи.
Таравари додаде и дека унапредувањето на здравствената заштита на сите граѓани било главен приоритет во изминатите 100 дена.
„За таа цел, заедно со нашиот тим во континуитет сме посветени да им излеземе во пресрет на потребите на пациентите и на сите фактори во здравствениот систем во Македонија. Позитивната листа мислам е најглавната работа што ја реализиравме. Се работи за 9 нови генерички лека, односно вкупно 87 лека во разни пакувања. Реализиравме заштеда со укинување на економските директори. По нормална процедура ја поминавме во Владата претходно, потоа и во парламентот и сега на сите клиники и во сите болници што имаат над 1.000 вработени практично имаме по еден директор“, рече министерот Таравари.
Македонија
Денеска, во Прилеп, знамињата истакнати на половина копје и прогласен ден на жалост поради трагичната смрт на трите медицински лица
Денешниот ден, петок, 4 октомври, е ден на жалост во Прилеп поради трагичната смрт на трите медицински лица, кои вчера изутринава загинаа во тешка сообраќајна несреќа на патот Прилеп – Битола. Во несреќата загинаа: радиологот примариус д-р Александар Ристески, гинекологот Никола Василески и Фанче Јованоска, радиолошки технолог.
Советот на Општина Прилеп одлуката ја донесе синоќа на вонредна седница.
Денеска, знамињата во општината се истакнати на половина копје, а сите културни и спортски манифестации се одложуваат за следниот ден.
„Прилеп и Македонија загубија врвни лекари специјалисти, еминетни и почитувани луѓе, посветени и одговорни граѓани, кои спасувале илјадници човечки животи и им помагале на многу луѓе со својата специјалност, но ги загубија животите патувајќи токму на своите работни места во Битола за да им помогнат на други луѓе. Прилеп вечно ќе се сеќава на прим. д-р Александар Ристески, спец. радиолог, д-р Никола Василески, гинеколог и Фанче Јованоска, радиолошки технолог, кои ќе бидат вечна наша тага и непребол“, рече прилепскиот градоначалник Борче Јовчески по донесувањето на одлуката на Советот за денешниот ден, петок, 4 октомври, да биде ден на жалост во Прилеп.
Македонија
„Филипче и по цена на животот на граѓаните не се откажуваше од тендерите, така во модуларната во Тетово изгореа 14 граѓани“, вели ВМРО-ДПМНЕ
„За да одиме напред, мора да имаме информации за минатото, поточно што ни остави владата на СДС. Актуелниот претседател на СДС, Венко Филипче за време на неговото министерување освен грижа за местење тендери немаше ништо за граѓаните, никакви подобрување на здравството“, велат од ВМРО-ДПМНЕ.
„Филипче и првиот човек на компанијата Брако, Кочо Анѓушев ги игнорираа ни помалку ни повеќе обвинувањата и укажувањата дека се виновни за пожарот во тетовската модуларна болница каде живи изгореа 14 луѓе.
Филипче не одговори за начинот на кој е спроведен контроверзниот тендерот или не одговори зошто е спроведуван за набавка на парчиња, а не цел објект со што биле заобиколени протоколите за безбедност“, соопшти ВМРО-ДПМНЕ.