Свет
Браќата Вилијам и Хари рамо до рамо го придружуваа ковчегот на кралицата до Вестминстерската палата
Кралското семејство денеска го придружуваше ковчегот на кралицата Елизабета Втора во Вестминстерската палата. По тој повод, принцовите Вилијам и Хари застанаа еден до друг.
Ковчегот со телото на кралицата ја напушти Бакингемската палата, придружуван од кралот Чарлс, неговите браќа Ендру и Едвард, сестрата Ана, како и синовите.
Ковчегот на кралицата ќе стои 4 дена во Вестминстерската палата, каде што милиони луѓе ќе дојдат да се простат од неа.
Еден од највпечатливите и најемотивни моменти од поворката е секако сликата на браќата Вилијам и Хари.
Вилијам и Хари уште еднаш ги оставија настрана несогласувањата и застанаа рамо до рамо додека ја придружуваа својата сакана баба до Парламентот.
Двајцата браќа чекореа рамо до рамо со тажни лица. Факт е дека оваа сцена ги враќа назад во времето по смртта на мајка им Дијана.
Нивните сопруги Меган и Кејт беа разделени патувајќи во автомобилите назад.
Кејт седеше во автомобилот со кралицата Камила, а Меган седеше со Софи, грофицата од Сасекс.
Тие две имаа и тажен израз на лицето додека стоеја една до друга во неколку наврати.
Се чини дека смртта на кралицата Елизабета успеа да го обедини кралското семејство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Астра Зенека призна дека нејзината вакцина против Ковид-19 може да предизвика несакани ефекти
Фармацевтската компанија Астра Зенека во судски документ призна дека нејзината вакцина против Ковид-19 може да предизвика ретки несакани ефекти, вклучувајќи згрутчување на крвта и низок број на црвени крвни зрнца.
Во Велика Британија е покрената колективна акција против Астра Зенека, која тврди дека употребата на вакцината CoviShield довела до смрт и сериозни штети и бара отштета до 100 милиони фунти за 50 жртви, објави „Индепендент“.
Една од тужителите тврди дека вакцината и предизвикала трајно оштетување на мозокот и дека згрутчувањето ја оставило неспособна да работи.
Свет
Ерупција на вулканот Руанг во Индонезија:, евакуирани повеќе од 12.000 луѓе
Во Индонезија се евакуирани 12.000 луѓе кои живеат во близина на островот Сулавеси, каде што еруптираше вулканот Руанг, за што Центарот за вулканологија и проценка на геолошки ризик прогласи највисоко, четврто ниво на тревога.
Жителите на островот се преместени во градот Манадо, а Центарот ги предупреди граѓаните на соседниот остров Тагуланданг дека постои опасност од цунами поради паѓање на материјал од вулканот во океанот, пренесува Ројтерс.
Се проценува дека чадот над вулканот достигнал висина од пет километри, поради што биле евакуирани жителите во радиус од седум километри.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.