Македонија
ЕУ испрати покана до 44 земји за самитот во Прага, меѓу нив и за Македонија
Европската Унија ги покани шефовите на 44 држави и влади да присуствуваат на самитот во Прага по повод формирањето на европската политичка заедница на 6 октомври.
Покрај 27-те земји членки, на состанокот беа поканети претставници на земјите кандидати – Северна Македонија, Црна Гора, Србија, Албанија, Украина и Молдавија, како и други земји од Западен Балкан, но и Турција и Велика Британија, објави неименуван претставник на ЕУ, пишуваат австриските медиуми.
Поканети беа и конфликтните кавкаски републики Ерменија и Азербејџан.
Целта на новата политичка заедница е да создаде можност за разгледување прашања од заеднички интерес преку зајакнување на безбедноста, стабилноста и благосостојбата во Европа.
Новиот формат за разговор се воспоставува на иницијатива на францускиот претседател Емануел Макрон, кој во мај, говорејќи во Стразбур, предложи нов формат за политичка соработка.
Макрон потоа посочи дека во тој формат треба да учествуваат сите демократски земји, кои споделуваат исти вредности.
Учесниците на состанокот во Прага беа поканети од претседателот на Советот на ЕУ, Шарл Мишел, како и од Чешка, која ќе претседава со Унијата до крајот на годината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.
Македонија
(Видео) ДИК прифати приговор на коалицијата „Влен“
Државната изборна комисија денеска почна со разгледувањето на 27 приговори поднесени од политичките партии по одржувањето на парламентарните избори на 8 мај. Oд поднесените приговори од коалицијата „Влен“, досега, ДИК прифати еден, а еден отфрли.
До ДИК се поднесени 27 приговори, девет од коалицијата „Влен“, осум од ВМРО-ДПМНЕ, пет од СДСМ и четири од Левица.
Прифатениот приговор се однесува за гласањето на избирачкото место 2102 во Желино.
Како што пишува во приговорот, тој е поднесен бидејќи 110 гласачи кои го оствариле избирачкото право немале отпечаток од прст во фингер принт уредот, туку тие гласале само по матичниот број и скенирање на личната карта.
Вториот приговор поднесен од „Влен“ кој беше одбиен, се однесуваше на избирачкото место 1953 во Тетово – шестата изборна единица.
Македонија
Арсовска: Знаат да склучат договор за рентање луксузни коли за да се вози Талат, а не знаат да си ја искосат тревата во сопствениот двор
„ВД Премиерот Талат од Форино дал насоки за нов напад од некаков си секретар на Владата, кој подеднакво не знае што му е работата“, напиша градоначалничката на Град Скопје, Данела Арсовска на социјалните мрежи.
„Знаат пред некој ден да склучат договор од 2,2 милиони евра за рентање луксузни коли за да се вози Талат, а не знаат да си ја искосат тревата во сопствениот двор.
Еве да ги потсетиме на договорот што го склучиле за одржување и косење на дворот во Влада и тоа за 330 илјади евра!“, додаде Арсовска.
Техничкиот премиер Талат Џафери, по отчетот за сработеното во првите 100 дена од Владата што ја предводи, даде објаснување за порасната трева околу Владата за што имаше многу реакции од граѓаните. Одговарајќи на новинарско прашање за тревата, Џафери објасни дека тоа е обврска на Град Скопје.