Македонија
Градете ја својата иднина на најатрактивната локација во Скопје – изберете дом во „Гранд ривер“

Во тек е продажбата на станбено-деловниот објект „Гранд Ривер“, кој се гради на најатрактивната локација во Скопје спроти хотелот „Холидеј Ин“, во самото јадро на главниот град.
Доколку сте во потрага по нов стан и решите да се консултирате со експерт за недвижности, или, пак, посетите специјализирана интернет-страница за недвижности, веднаш ќе забележите дека како најважен критериум при изборот на нов дом се дефинира локацијата.
Локацијата e единственото нешто што не може да се промени откако ќе го изберете вашиот нов дом. Сѐ што е поврзано со уредувањето на домот може да доживее промена и да се дефинира според вашиот вкус, освен локацијата која веќе сте ја избрале. Таа силно влијае и врз обликување на пазарната вредност на вашето живеалиште.
Во прилог ви претставуваме клучни фактори кои ја прават локацијата најважен критериум при избор на нов дом.
Близина на воспитно-образовни институции
Времето нема цена, како ќе го потрошиме во голема мера го дефинира и животот што ќе го живееме. Близината на воспитно-образовните институции е еден од клучните сегменти при изборот на нов дом за едно семејство. Доколку во близина на вашиот дом има градинки, училишта и факултети, тоа овозможува огромна предност при секојдневното функционирање. Домувањето во срцето на Скопје, во објектот „Гранд Ривер“, овозможува достапност до голем број воспитно-образовни институции кои претставуваат одлична поволност за семејствата кои имаат деца или, пак, за млади луѓе кои инвестираат во своето знаење на најдобро рангираниот универзитет во земјава „Св. Кирил и Методиј“.
На чекор од продавници за храна, ресторани и шопинг центри
Локацијата каде се гради објектот „Гранд Ривер“ овозможува широка палета на избор на продавници за храна, ресторани и шопинг центри кои го олеснуваат секојдневното функционирање на едно семејство. На само чекор од вашиот потенцијален нов дом се наоѓа Градскиот трговски центар, а во рамки на комплексот „Гранд Скопје“ е предвидена и изградба на модерна шопинг галерија каде ќе бидат достапни голем број ресторани и брендирани продавници.
Дополнително, близината на шетачката патека покрај кејот на Вардар овозможува богат избор на ресторани и кафулиња во кои можете секојдневно да уживате.
Достапен транспорт до работното место
Достапноста на транспорт од домот до работното место е еден од најважните поволности кои треба да ги поседува вашиот нов дом. Ваквата придобивка сериозно ќе ви ги олесни секојдневното функционирање и извршување на работните обврски, бидејќи на работното место ќе стигнете навреме и ќе го намалите нивото на стрес предизвикано од
недостапноста на соодветен транспорт. Во рамките на самиот комплекс „Гранд Скопје“ се градат современи подземни паркинзи кои директно ќе бидат поврзани со патната инфраструктура околу објектот, додека оние кои користат јавен превоз, велосипед или електричен тротинет до работното место имаат достапност до многубројни автобуски станици и велосипедски патеки.
Близина на спортско-рекреативни содржини
Каков живот ќе живееме во голема мера зависи и од тоа како го поминуваме нашето слободно време. Доколку во близина на вашиот дом има избор на спортско-рекреативни содржини, тие значително ќе го збогатат спектарот на можности за уживање во слободните моменти.
Во непосредна близина на објектот „Гранд Ривер“ се наоѓа живописното шеталиште на кејот на реката Вардар, а веднаш до него спортско-рекреативната патека која отвора можност за голем број спортски активности.
Во рамки на комплексот „Гранд Скопје“ ќе биде изграден и урбан парк по светски стандарди кој ќе внесе зеленило, спокој, но и палета на нови можности за уживање и рекреација во центарот на градот. Дополнителни опции за квалитетно користење на слободното време се и близината на паркот „Жена-борец“, како и шаренилото на Старата скопска чаршија.
Близина на културни знаменитости
Љубителите на културните настани, пак, имаат можност да уживаат во бројните содржини кои ги нуди Македонската филхармонија, Националната опера и балет, како и близината на кината и театрите.
Без разлика дали сакате да уживате во добар концерт, во добра претстава, изложба или друг настан од областа на културата, со домувањето во „Гранд Ривер“ имате буквално сè на дофат на рака, без притоа да трошите часови во барање паркинг или транспорт до самата локација.
Инвестицијата во вашиот нов дом дефинитивно е еден од најголемите финансиски предизвици кои ќе си ги зададете некогаш. Пред да го направите конечниот избор имајте предвид дека влогот во добра локација е секогаш најсоодветна опција и гаранција за тоа дека сте инвестирале во дом кој ќе ја задржи својата вредност, а поседува и огромен потенцијал и да ја зголеми вредноста.
Сите оние кои се во потрага по нов дом, на најатрактивната локација во Скопје, може да добијат персонализирана понуда во продажниот салон на комплексот „Гранд Скопје“ во ГТЦ на 1 кат или да го контактираат тимот задолжен за продажба на телефонските броеви: 070 355 351 и 070 233 055, како и на e-mail: [email protected].
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.
Македонија
Приведени уште 13 полициски службеници за пожарот во „Пулс“

Во тек е акција под раководство на обвинител од Специјализираното одделение за полициски службеници, соопштија од Обвинителство за гонење на организиран криминал и корупција.
Уште 13 полициски службеници и началници се приведени во рамки на истрагата за пожарот во дискотеката „Пулс“ во Кочани.
Од Обвинителството најавија дека соопштение ќе има во текот на утрешниот ден.
Македонија
МОН: Стручното образование е силна страна на македонскиот образовен систем, креира квалитетен и побаруван кадар на пазарот на трудот

„Во средните стручни училишта во Македонија успешно функционира концептот на дуално образование во чија реализација е вклучена и бизнис заедницата. Училиштата и компаниите заедно содаваат квалитетен кадар кој полесно може да се снајде на пазарот на трудот. Затоа, развојот и проширувањето на овој концепт ќе биде наш приоритет и во следниот период“.
Ова го истакна државниот секретар во Министерството за образование и наука, Елена Ивановска на панел дискусија „Достапност на квалификувана работна сила: предизвик и стратешки фактор за инвестициски одлуки и економски раст“, организирана во рамки на Првиот македонско – германско бизнис самит, со кој АХК германската стопанска комора во Македонија одбележува 25 години постоење.
Ивановска рече дека од самиот почеток на мандатот, новото раководство во МОН се заложи за унапредување на законската регулатива, бидејќи таа е основ за спроведување на образовните политики, новите мерки и активности со кои ќе се остварат целите од владината програма за градење на поквалитетен образовен систем.
„Во новиот Закон за стручно образование и обука системски се уреди концептот на дуално образование, се прецизираа обврските на сите учесници во реализацијата. На пример се дефинираше кој и како може да стане ментор на учениците, компаниите да им исплаќаат месечен надомест на практикантите, да им овозможат заштита и безбедност при работа и така натаму. Со Законот за средно образование пак, се предвиде поголема поддршка за талентираните ученици, се воведуваат кариерни советници што ќе ги насочуваат учениците и сето ова е во интерес на создавање на потребната квалификувана работна сила“, рече Ивановска.
Осврнувајќи се на регионалните центри за стручно образование и обука рече дека тоа се всушност средни стручни училишта кои се трансформираат во образовни установи со поголема вредност и повеќе функции, обврски и одговорност.
„Таму не само што се реализира средно стручно образование за ученици, туку идејата е да се реализира и образование и обука на повозрасни кои имаат потреба од доквалификација, преквалификација и слично, за да станат конкурентни на пазарот на трудот. Фреквентноста на луѓе ќе биде многу поголема. Центрите ќе прават и анализи на пазарот на трудот, ќе креираат програми за настава и обука и така натаму“, рече Ивановска, додавајќи дека во моментов се формирани 7 регионални центри, а до 2028 година ќе се формира осмиот и последен, што како обврска е предвидено во Реформската агенда.
Државниот секретар информираше дека во регионалните центри се вложуваат големи износи на средства за да има добри училници, опремени кабинети, работилници и соодветни сместувачки капацитети. Средствата во најголем дел ги обезбедува Европската унија, а Ивановска ја повика и бизнис заедицата да помогне во модернизацијата на инфраструктурата, затоа што, како што рече, училиштата се инкубатори на човечки капитал кој и нив им е потребен.
На панел дискусијата модерирана од Дејан Чуповски, раководител на програмата за дуално образование при АХК германската комора, се обратија и програмската директорка на Источниот комитет на германското стопанство, директорот на средно стручно училиште „Св. Наум Охридски“ во Охрид, Сашо Недески, раководителката на одделот за глобална техничка и комерцијална обука во компанијата Дрекслмаер, Барбара Гербер и управниот директор на компанијата Унија Груп, Бранислав Серафимоски.