Свет
Бајден верува дека Путин не се шегува – ризик од нуклеарна апокалипса
Американскиот претседател Џо Бајден изјави дека руските закани за употреба на нуклеарно оружје во конфликтот во Украина го ставаат светот во ризик од апокалипса првпат по кубанската ракетна криза.
„Не се соочивме со можност за апокалипса од Кенеди и кубанската ракетна криза во 1962 година“, рече Бајден во Њујорк додавајќи дека верува оти неговиот руски колега Владимир Путин не се шегува кога ги упатува овие закани.
Опишувајќи го рускиот претседател, Бајден рече дека „добро го запознал момчето“, пренесува „Ројтерс“.
Путин постојано алудира на употребата на огромниот нуклеарен арсенал на неговата земја.
Минатиот месец, кога ги објави плановите за регрутирање руски мажи да служат во Украина, тој рече:
„Сакам да ве потсетам дека и нашата земја има разни средства за уништување и кога територијалниот интегритет на нашата земја и нашиот народ се загрозени, секако ќе ги искористиме сите средства што ни стојат на располагање“.
Потоа додаде дека тоа што го зборува не е блеф.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.