Македонија
Грковска: Транспарентноста е процес што постојано мора да се унапредува и надградува
Транспарентноста не е еднаш засекогаш дефинирана категорија, туку тоа е процес што постојано мора да се унапредува и да се надградува и затоа меѓународната и регионалната соработка и размената на искуства се од исклучително значење, порача заменичката на претседателот на Владата задолжена за политики за добро владеење, Славица Грковска, на денешната меѓународна конференција на темата „Заштита на правото за слободен пристап до информации од јавен карактер“, што се одржа во Струга, во организација на Агенцијата за слободен пристап до информации од јавен карактер, поддржана од Советот на Европа.
На конференцијата присуствуваат претставници од независните тела за слободен пристап до информации од јавен карактер од Босна и Херцеговина, Хрватска, Косово, Црна Гора, Србија и од Словенија.
„Транспарентноста и ефикасноста на институциите, нивната професионалност, ефикасност и одговорност се клучните столбови во моето работење. За таа цел, морам да истакнам, дека со Агенцијата за слободен пристап до информациите од јавен карактер имаме одлична соработка и верувам дека таа во наредниот период ќе биде и унапредена. Заедно со Агенцијата и со Центарот за управување со промените работиме на насоките за значајно зголемување на транспарентноста на институциите, буквално отворање на институциите. Нашата цел сега е да ги селектираме најбараните информации по категории и да ги задолжиме институциите да ги објавуваат редовно, без да има потреба граѓаните да поднесуваат за тоа барање и да го чекаат законскиот рок од 20 дена“, нагласи вицепремиерката Грковска.
Таа додаде дека оваа мерка е само преоден чекор кон крајната цел што треба да ја постигнеме, а тоа е создавање законски услови за целосно отворање на институциите, односно сите информации да бидат достапни за јавноста, освен оние што имаат карактер на класифицирани информации.
„Изминатиот период презедовме уште една мерка, која е во насока на унапредување на транспарентноста, особено во делот на трошењето на буџетските пари. Во согласност со партнерството за отворена власт обезбедивме поголема транспарентност и отчетност во трошењето на буџетските средства. Со владина одлука ги задолживме институциите не само преку Електронскиот систем за јавни набавки туку и на своите веб-страници да објавуваат информации за спроведените јавни набавки. На овој начин граѓаните имаат брз, лесен, едноставен и разбирлив пристап до информациите за тоа како институциите ги трошат јавните пари“, додаде Грковска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ денеска излезе со обвинување за скандал во Јавното претпријатие за државни патишта (ВИДЕО)
Опозициската СДСМ денеска излезе со обвинување за скандал во Јавното претпријатие за државни патишта.
Од партијата денеска велат дека скандалот продолжува да се проширува, откако беше обелоденето дека Миланчо Митревски, назначен за шеф на контрола на Наплатната служба на патарините во Петровец, злоупотребува службената положба.
Додаваат дека и покрај изречената дисциплинска санкција, Митревски наводно продолжува со практики на нелегално наплаќање, каде што вишокот пари ги задржува за себе.
Додаваат дека скандалот открива дека неговата квалификација за оваа позиција е само партиската принадлежност, бидејќи е долгогодишен кадар на ВМРО-ДПМНЕ и сопруг на советничка од истата партија во Велес.
Од СДСМ обвинуваат дека законите не важат за партиските кадри на ВМРО-ДПМНЕ, повикуваат на одговорност од страна на надлежните институции, а укажуваат на потребата за итна реакција од страна на Коце Трајановски, кој треба да го разреши Митревски, како и за поднесување на пријави против него за злоупотребите.
Македонија
Претседателката Сиљановска Давкова изрази сочувство по смртта на Алекс Салмонд
Претседателката Гордана Сиљановска Давкова вчеравечер во Охрид присуствуваше на комеморацијата и изрази сочувство по смртта на Алекс Салмонд, поранешен прв министер на Шкотска.
„Искрено сочувство по повод смртта на поранешниот прв министер на Шкотска Алекс Салмонд кој вчера почина во Охрид за време на Вториот Форум за културна дипломатија што се одржа во ко-организација на Кабинетот на поранешниот македонски претседател Ѓорге Иванов, заедно со Институтот за културна дипломатија од Берлин, Градот Скопје и Меѓународниот центар „Алијанса на цивилизациите. Моите мисли се со неговото семејство и најблиските во овој тежок период. Нека почива во мир“, пишува во соопштението од Кабинетот на Сиљановска.
Македонија
Омилена работа на претходната власт била местење тендери, велат од ВМРО-ДПМНЕ
За да одиме напред мора да ја знаеме фактичката состојба, што е оставено од претходно, велат од ВМРО-ДПМНЕ и додаваат дека одговорот е руинирани институции, корупција и криминал, омилена работа на претходната власт била местење тендери.
„Во низата скандалозни тендери се и оние во РЕК Битола. Спорни и според Државната ревизија се тендерите во РЕК Битола што ги доби Марковски компани на чело со сопственикот Борче Марковски почесниот конзул на Белорусија во земјава. Ревизијата утврдила дека биле спроведувани постапки во РЕК Битола со договарање во четири очи без јасно дефинирани критериуми, нееднаков третман на компаниите и расипничко користење на јавните средства. При една набавка одбиена е компанија која нудела подобри услови, а била избрана Марковски компани, во друга пак се глумело конкуренција за битолската компанија на конзулот да ја задржи високата цена. Марковски компани основана во 2020 година со паричен влог од 2500 евра била особено омилена на СДС и ДУИ за делење на тендери. Ваквата Македонија ќе ја смениме. Неспособноста завршува со нив, работиме 100 проценти одговорно за твојата иднина“, се вели во реакцијата на ВМРО-ДПМНЕ.