Свет
Зеленски: Путин почна да ги подготвува Русите за употреба на нуклеарно оружје
Украинскиот претседател Володимир Зеленски даде големо интервју за Би-Би-Си.
Тој повика на воведување превентивни санкции против Русија, велејќи дека властите во земјата почнале да го подготвуваат руското општество за можна употреба на нуклеарно оружје во војна.
Тој рече дека треба да се користат превентивни напади против Русија, мислејќи на санкции, а не напади.
Украинскиот претседател во интервју ги коментираше руските нуклеарни закани, велејќи дека тоа е „ризик за целата планета.
„Тие почнуваат да го подготвуваат своето општество. Тоа е многу опасно. Тие не се подготвени да го направат тоа, да го користат. Но, тие почнуваат да комуницираат. Тие не знаат дали ќе го користат или не. Мислам дека е опасно дури и да се зборува за тоа“, рече Зеленски за потенцијалната руска употреба на нуклеарно оружје.
Украинскиот претседател рече дека вчера не повикал на нуклеарни напади врз Русија, велејќи дека зборот што го употребил на украински е погрешно разбран.
„По тој превод, тие (Русите) направија свој и самите почнаа да го преведуваат во други правци“, рече Зеленски.
Претседателот Зеленски рече дека е неопходно да се дејствува сега бидејќи „заканите на Русија се ризик за целата планета“. Москва, тврди тој, „веќе направи чекор со заземањето на нуклеарната централа Запорожје“, најголемата нуклеарна централа во Европа, која Путин се обидува да ја претвори во руска сопственост.
„Светот може итно да ги запре акциите на руските окупатори“, рече претседателот Зеленски. „Светот може да спроведе пакет санкции во такви случаи и да направи се за да ги натера да ја напуштат нуклеарната централа“, додаде тој.
Зеленски ја коментираше и делумната мобилизација на Русија. Тој ги повика Русите „да се борат за своето тело, права и душа“.
„Овие мобилизирани деца сега доаѓаат без митралези, панцири, тие се само топовско месо… Ако не сакаат да бидат ќебапи, нека се борат за живот“, рече тој.
„Она од што најмногу се плаши Путин не е нуклеарен напад. Тој се плаши од своето општество, својот народ. Затоа што само овој народ може да го промени, да му ја одземе моќта и да му ја даде на друга личност“, заклучи Зеленски,пренесе Индекс.хр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Свет
Девојка од Чикаго на 17 години стана доктор на науки
Дороти Џин Тилман од Чикаго стана најмладата личност, на 17 години, што успеа да се здобие со докторска диплома за интегрирано бихевиорално здравје во Аризона.
„Ова е прекрасна прослава и се надеваме дека Дороти Џин ќе инспирира повеќе студенти. Но, ова е нешто многу ретко и уникатно“, вели вонредниот професор Лесли Менсон.
Кога повеќето ученици се обидуваат да се адаптираат во средно училиште, Дороти веќе беше запишана на колеџот во Лејк Каунти во северен Илиноис, каде што дипломира психологија.
Во 2018 година таа дипломира на отсекот хуманитарни науки на колеџот „Екселсиор“ во Њујорк. Две години подоцна, магистрира на колеџот „Јунити“ во Мејн пред да биде примена на Програмата за бихевиорално управување.
Поголемиот дел од нејзиното образование го реализира на далечина, преку онлајн настава.
Како што вели таа, најголема заслуга за целото нејзино образование има нејзината баба, како и нејзината мајка, на која е благодарна за помошта и насочувањето. Секако, целиот образовен процес не бил без жртва.
„Немав секојдневна училишна работа, немав училишно фотографирање или работи кои создаваат единство меѓу врсниците “, вели таа.