Свет
Во Њујорк е прогласена вонредна состојба поради напливот на мигранти
Градоначалникот на Њујорк Ерик Адамс прогласи вонредна состојба поради „кризна ситуација“ поврзана со приливот на мигранти.
Повеќе од 17.000 мигранти пристигнаа во Њујорк од јужната граница од април.
Државите во кои доминираат републиканците, како Тексас, Аризона и Флорида, испраќаат мигранти во демократските области во последните месеци.
Приливот на мигранти е дел од спорот со Белата куќа откако огромен број луѓе пристигнаа на границата меѓу САД и Мексико.
– Од септември во градот во просек пристигнуваат по пет до шест автобуси со мигранти дневно – рече Адамс, додавајќи дека моментално секој петти во прифатниот центар во градот е барател на азил.
Тој вели дека многу од новодојдените се семејства со деца на училишна возраст и итно им е потребна помош.
Адамс ги повика федералните и државните власти да помогнат финансиски бидејќи приливот на мигранти ќе го чини Њујорк околу милијарда долари оваа фискална година.
– Граѓаните на Њујорк се лути, јас сум лут. Ние не го баравме ова. Никогаш немало договор за прифаќање на илјадници баратели на азил – рече Адамс.
Тој додаде дека градот нема да има средства за други приоритети.
– Градот прави се што може, но ја достигнуваме крајната граница – рекол Адамс, а пренесува Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.