Свет
Бајден: Светот испрати јасна порака до Русија
Генералното собрание на Обединетите нации го осуди обидот на Русија за незаконско анексија на четири делумно окупирани украински региони и ги повика сите земји да не го признаат овој потег.
Три четвртини од Генералното собрание, вкупно 143 земји, гласаа за резолуцијата, која исто така ги потврдува суверенитетот, независноста, единството и територијалниот интегритет на Украина во нејзините меѓународно признати граници.
Американскиот претседател Џо Бајден рече дека гласањето испратило „јасна порака“ до Русија. „Влоговите во овој конфликт се јасни на сите, а светот испрати јасна порака како одговор – Русија не може да избрише суверена држава од мапата. Таа не може насилно да ги менува границите и не може да заземе територија на друга земја“, рече Бајден.
Американскиот државен секретар Антони Блинкен рече дека гласањето покажува меѓународно единство против Русија и повтори дека САД никогаш нема да ги признаат „лажните“ референдуми. Гласањето е „силен потсетник дека огромното мнозинство нации стојат со Украина, ја бранат Повелбата на ОН и цврсто се спротивставуваат на војната на Русија против Украина и нејзиниот народ“, рече Блинкен.
Само четири земји ѝ се придружија на Русија во гласањето против резолуцијата – Сирија, Никарагва, Северна Кореја и Белорусија. Србија, земја која традиционално ја поддржува Русија, исто така гласаше за осуда на руската анексија. Други 35 земји се воздржаа од гласање, вклучително и стратешкиот партнер на Русија Кина, додека останатите не гласаа.
Минатата недела Владимир Путин потпиша закони за припојување на четири украински региони кон Русија, со што ја заврши анексијата на окупираните територии на Украина и покрај протестите од целиот свет. Анексијата следеше по т.н „Референдуми“ во Доњецк, Луганск, Херсон и Запорожје, кои Украина и Западот ги отфрлија како лажни.
Со Крим, кој Русија го анектираше во 2014 година, вкупното барање на Путин изнесува повеќе од 22 отсто од територијата на Украина, иако точните граници на четирите региони што тој ги припои сè уште не се финализирани, пренесе Индекс.хр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Израел нема убедлив план за заштита на цивилите во Рафа
Американскиот државен секретар, Ентони Блинкен, денеска ја бранеше одлуката за одложување на испораката на 3.500 бомби на Израел поради загриженоста дека тие ќе бидат користени во напад врз градот Рафа во јужна Газа, велејќи дека Израел нема убедлив план за заштита на 1,4 милиони цивили кои се засолниле таму.
Зборувајќи за „Еј-би-си њуз“, Блинкен рече дека Џо Бајден останува посветен да му помогне на Израел да се одбрани и дека испораката на 3.500 бомби со тежина од 900 и 230 килограми е единствениот американски пакет со оружје што е задржан.
„Бајден јасно стави до знаење дека ако Израел „покрене голема операција во Рафа, тогаш постојат одредени системи што нема да ги поддржиме и да ги снабдуваме за таа операција“, рече Блинкен.
„Навистина сме загрижени за начинот на кој тие се користат“, продолжи тој. Израел мора да „има јасен, убедлив план за заштита на цивилите, што сè уште не сме го виделе“.
1,4 милиони Палестинци се засолниле во Рафа, од кои многумина беа раселени од другите делови на Газа каде што побегнаа од борбите и израелските бомбардирања, поради големиот недостиг на храна и вода.
Најмалку 35.000 Палестинци се убиени во израелската воена операција во Газа, според Министерството за здравство на енклавата.
Војната почна со напад на Хамас врз јужен Израел на 7 октомври, во кој според израелските податоци загинаа околу 1.200 луѓе, а 250 беа киднапирани. Израел тврди дека во борбите загинале 620 војници.
Свет
Захарова: Евровизија ја надмина секоја оргија, ритуал на вештерки или ритуална сакрилегија
Портпаролката на руското Министерство за надворешни работи, Марија Захарова, на својот Телеграм канал го коментираше овогодишното издание на Евровизија.
„Евровизија 2024 ја надмина секоја оргија, ритуал на вештерки или ритуална сакрилегија. Погребите во Западна Европа се одвиваат вообичаено. Без изненадувања“, напиша таа.
Свет
Египет врачи протестна нота поради операцијата на Израел во Рафа
Египет врачи протестна нота до Израел, САД и европските влади, тврдејќи дека операцијата на Израел во Рафа го загрозува нивниот мировен договор, изјави за АП висок египетски функционер кој сакаше да остане анонимен.
Израелската армија (ИДФ) вчера ги повика палестинските цивили да евакуираат неколку населби од Рафа, поради операцијата насочена кон милитантната група Хамас, пишува „Д тајмс оф Израел“.
„Волстрит журнал“ во февруари објави дека египетските власти тврделе дека долгогодишниот мировен договор меѓу Египет и Израел може да биде загрозен доколку војниците на ИДФ влезат во Рафа или ако бегалците од тој град бидат принудени да се упатат на југ кон египетскиот Синајски Полуостров.
За да спречи голем прилив на бегалци, Египет постави тенкови на границата со Газа.