Израелските сили рано утринава го бомбардираа градот Газа, а колони израелски тенкови се движеа кон центарот на градот од различни правци, потврдија жителите на Газа, оценувајќи дека ова е еден од најжестоките израелски напади од 7 октомври 2023 година.

Службата за цивилна заштита на Газа објави дека десетици цивили до кои не можеле да стигнат спасувачките тимови се проценува дека загинале поради континуираните престрелки во населбите Дарај и Туфах на исток и Тел Ал-Хави, Сабра и Римал на запад, пренесува Ројтерс.

Во извештаите се додава дека се уништени бројни цивилни згради и катни згради, како и дека невооружени цивили панично бегаат кон запад, кон патиштата покрај брегот на Средоземното Море.

Телата на двајца неидентификувани мажи се пронајдени во запален стан во Нови Сад, на улицата Лаза Телечко, потврди за Танјуг Зоран Круљ, портпарол на Новосадската итна помош.

Пожарникарите го примиле повикот во 9 часот и 10 минути и на терен излегле три возила, а пожарот набрзо бил локализиран.

Се уште не е познато дали мажите се задушиле од чадот или смртта настапила пред пожарот што избувнал на поткровјето на зградата, а неговата причина се уште не е утврдена.

Унгарскиот премиер Виктор Орбан отпатува во Кина како национален политичар и не зборува во име на Европа, изјави денеска германскиот потпретседател Роберт Хабек.

„Унгарската политика често не ја претставува суштината на размислувањето во Европската унија“, рече Хабек во Штутгарт по повод денешната посета на Орбан на Кина и разговорите со кинескиот претседател Кси Џинпинг, пренесува Ројтерс.

Орбан денеска пристигна во ненајавена посета на Пекинг, каде се сретна со претседателот на Кина, Си Џинпинг, а претходните денови ги посети и Москва и Киев.