Свет
СЗО: Колерата се шири во Либан
Според Светската здравствена организација, од средината на октомври во Либан се пријавени околу 1.400 случаи на колера, а првата серија вакцини пристигнала од Франција.
Првиот случај на колера во Либан од 1993 година беше забележан во октомври во северниот град Бебнин, а според СЗО, бројот на заболени оттогаш се искачи на 1.400, пишува „Дојче веле“.
Регионалниот директор на СЗО за итни случаи, Рик Бренан, рече дека болеста, најверојатно, потекнува од Сирија, каде што сега се борат со речиси 20.000 случаи, додавајќи дека бројот на заразени драстично се зголемил оваа година објаснувајќи дека поплавите, сушите, миграцијата и другите фактори што го отежнува пристапот до чиста вода полесно води до инфекција.
Либан во понеделникот ја прими првата серија од 13.000 дози вакцини донирани од француската здравствена компанија „Санофи“ со помош на француската влада, што беше поздравено од либанскиот министер за здравство, Фирас Абијад, кој им рече на новинарите дека вакцините ќе играат суштинска улога во спречување на епидемијата.
„Дојче веле“ додава дека покрај донациите од Франција, СЗО обезбедува постојана помош за Либан во форма на медицински персонал, опрема и ресурси за лаборатории, како и обука на персоналот во клиниките.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото) Илјадници луѓе се збогуваа со џиновските панди кои заминуваат од Токио на лекување во Кина
Две џиновски панди , кои живееле во зоолошката градина во Токио 13 години, денеска се вратиле на лекување во Кина , а илјадници луѓе се збогувале од нив пред нивното заминување.
Мажот Ри Ри и женката Шин Шин, двајцата на 19 години, пристигнаа во зоолошката градина Уено во Токио во февруари 2011 година и неодамна се лекуваа од висок крвен притисок во поодминати години, соопштија градските власти.
Пандите рано утринава го напуштиле претходниот дом и биле качени во авион за Кина, каде што ќе бидат сместени во огромен резерват за панди во југоисточната провинција Сечуан, каде што се родени.
Околу 2.000 луѓе, од кои некои цела ноќ чекаа во ред, вчера ја посетија зоолошката градина Уено за последен пат да ги видат своите миленици и да се збогуваат со нив.
За време на престојот во Токио, Шин Шин родила четири младенчиња.
Во светот има вкупно околу 1.600 панди, од кои само триесетина живеат во зоолошки градини надвор од Кина.
Свет
(Видео) Израел повторно го напаѓа Бејрут
Израелската војска соопшти дека извршила напад врз Бејрут, Либан.
Според очевидци на Ројтерс, се слушна силна експлозија, а од јужните предградија на градот се крена облак чад.
Израел рече дека нападот бил „прецизен“ и дека цел бил областа Дахиех.
Тоа беше истиот дел од градот каде што Израел го уби лидерот на Хезболах Хасан Насрала во петокот.
#Israeli military has carried out new air attacks on Lebanon, including #Dahiyeh, the southern suburb of the capital #Beirut. pic.twitter.com/tI1dqQbXIE
— WAR & CRIME WORLD NEWS (@WARCRIMENEWS) September 29, 2024
Свет
Телото на лидерот на Хезболах е извлечено од урнатините
Телото на лидерот на Хезболах Хасан Насрала е пронајдено, изјавија два извори за Ројтерс.
Медицински и безбедносни извор изјави дека „неговото тело е пронајдено недопрено“ на местото на израелскиот воздушен напад врз јужното предградие на Бејрут.
„Тој немаше директни рани и се чини дека причината за смртта е траума од тапа сила од силината на експлозијата“, велат тие.
Во моментов не е возможно независно да се проверат овие тврдења.