Кандидатот на владината коалиција „Вреди“ за градоначалник на Општина Чаир, Изет Меџити, на денешната прес-конференција ги претстави конкретните мерки за подобрување на условите во основното образование, со посебен акцент на социјалната еднаквост, безбедноста и поддршката за
семејствата. Тој нагласи дека неговото раководење ќе обезбеди еднакви можности за секое дете и ќе направи Чаир да биде општина на достоинство, грижа и солидарност.

„Во Чаир нема разлики – има можности за сите.
Ова е нашата филозофија на владеење, нашата визија за една општина која гарантира еднаквост, достоинство и поддршка за секое семејство.
Затоа, во нашата програма за образование предвидовме јасни мерки за олеснување на товарот на семејствата и за обезбедување еднакви услови за секое дете.

Во сите основни училишта на нашата општина, учениците ќе имаат униформи, целосно финансирани од буџетот на Општина Чаир. Ниту едно семејство нема да има дополнителен трошок. Со ова целиме кон создавање еднакви можности и зајакнување на чувството на припадност кај нашите деца“.

Нагласи дека Општина Чаир ќе ги покрива дневните оброци за сите ученици кои доаѓаат од семејства што добиваат социјална помош.

„Секое дете ќе има достојни услови за учење, исхрана и растење со достоинство.
Во исто време, ќе ја зајакнеме безбедноста во училиштата, со нови физички и технолошки мерки, во тесна соработка со образовните институции и родителите.

Затоа што секој родител треба да биде спокоен дека неговото дете е безбедно во училиштето.

Ова е Чаир што го градиме. Чаир на еднаквост, грижа и солидарност. Општина што работи, дели и се грижи за сите.

Општина што зборот го претвора во дело и секојдневно покажува дека добрата политика е онаа што го подобрува животот на граѓаните.

Нашите деца се нашата иднина. А кога инвестираме во нив, инвестираме во иднината на Чаир“.

Министерот за здравство Азир Алиу, на денешната прес-конференција информираше дека за нов в.д. директор на Клиниката за неврологија е назначен д-р Јован Божиновски, формирани се и комисии за надзор на работата на оваа клиника.

-По повод објавениот видео-материјал на 10 октомври со компромитирачка содржина, која според член 111, став 1, т.4 од Законот за здравствена заштита, а поврзано со предизвикување директна или индиректна штета на јавните здравствени установи, во овој случај нарушување на угледот на институцијата, поранешниот веќе директор д-р Игор Кузмановски е разрешен и денеска е назначен нов директор д-р Јован Божиновски, специјалист невролог и асистент на Медицинскиот факултет во Скопје, посочи министерот Алиу.

„Министерството е во постојана комуникација со Лекарската комора, формирана е комисија во Министерство и побаран е инспекциски надзор од ДСЗИ, по што ќе се формира и интерна комисија за стручен надзор на Клиникат“.

Претседателот на ВМРО-ДПМНЕ Христијан Мицкоски на денешната средба со претставниците на Стопанската комора на северо-западна Македонија одговарајќи на новинарско прашање во однос на тоа кога се очекува да биде готова клучката кај Момин поток, рече дека најпрво мора да се победи на изборите, да влезат во администрацијата за да можат побргу да се надминат сите предизвици со кои се соочува Град Скопје и ги повика скопјани на 19 октомври да гласаат за број 9 за Орце Ѓоргиевски.

„ Па треба да влеземе прво во Град Скопје, од оние информации кои ги имаме добиено а се алармантни, таму има многу работи кои треба да се решат пред се должничко доверителски односи, така што, ајде да влеземе прво во Градот Скопје, затоа јас ценам и ги замолувам граѓаните да излезат масовно уште на 19 октомври, Орце Ѓорѓиевски да биде идниот градоначалник и да можеме што побргу да влеземе во администрацијата за да можеме побргу да ги надминеме сите овие предизвици со коишто ќе се соочиме“ нагласи Мицкоски.