Забава
„Твитер“ почна да наплаќа за синото лого
„Твитер“ во саботата ја ажурираше својата апликација во „Еп-стор“ на „Епл“ за да почне да наплаќа 8 долари за синото лого што означува верификуван профил, потег што го најави новиот шеф на компанијата, Илон Маск.
Апликацијата за iPhone на оваа социјална мрежа во саботата вечерта доби ажурирање, со кое, меѓу другото, се воведува наплатата на сината птица која досега служеше за означување на проверени профили на јавни личности. Ова ќе чини 7.99 долари месечно, преку услугата „Твитер блу“.
Во ажурирањето се наведува: „Набавете Twitter Blue за 7.99 долари месечно ако се претплатите сега за сината ознака. ‘Моќ за луѓето’: вашиот профил ќе добие сина ознака, исто како познатите личности, компаниите и политичарите што веќе ги следите“.
Инаку, фразата „Моќ за луѓето“ ја употреби Маск во своите објави на „Твитер“ бранејќи ја одлуката да почне да се наплаќа за синиот знак. Оваа одлука доаѓа една недела откако Илон Маск го купи „Твитер“ за 44 милијарди долари. Милијардерот во петокот ја преполови работната сила на компанијата, отпуштајќи речиси 4.000 вработени.
Во ажурирањето на апликацијата за iOS уреди се наведува дека Twitter Blue ќе добие повеќе функции – многу подобри реклами, објавување подолги видеа и приоритетно рангирање за квалитетна содржина. Што се однесува до второто, на оние што ќе се претплатат на „Твитер блу“ им се ветува дека нивната содржина ќе добие приоритетно рангирање во одговорите, спомнувањата и пребарувањата и ќе помогне да се намали видливоста на измами, спамови и ботови.
„Твитер блу“ со верификација засега, наводно, е достапен на оперативните системи iOS во САД, Канада, Австралија, Нов Зеланд и Велика Британија.
„Штом потврдиме дека функционира добро во почетната група земји и ги комплетираме преводите, ќе започне низ целиот свет,“ твитна Маск во саботата.
За потсетување, Илон Маск на Твитер напиша „Птицата е ослободена“, откако ја презеде контролата над „Твитер“ во договор што го стави на чело на една од водечките глобални социјални платформи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.
Забава
По 20 години, Аврил Лавињ проговори за теоријата на заговор дека ангажирала двојничка: „Тоа ми е многу глупаво“
Аврил Лавињ неодамна зборуваше за митот што ја следи со години, а се работи за тоа дека на врвот на кариерата решила да ангажира двојничка по име Мелиса.
Во средината на 2003 година се појавија шпекулации дека панкерката решила да ја ангажира Мелиса по албумот Let Go и од оваа гледна точка ѝ е смешно.
„Мислам, едноставно, смешно ми е. Од една страна, некои велат: „О, боже, изгледаш потполно исто. Не си остарела ни ден“, а потоа други луѓе велат дека постои теорија на заговор дека тоа не сум јас“, рече Аврил додавајќи дека тоа е глупост.
View this post on Instagram
Сепак, таа не сакаше да прави драма за ова, а на сѐ гледаше од попозитивна страна.
„Искрено, не е толку лошо. Можеше да биде и полошо, нели? Мислам дека добив добра реклама. Не го гледам како нешто негативно. Не е ништо страшно“, рече таа во поткастот Call Her Daddy.
Оваа бизарна теорија се појавила на почетокот на овој век, а причината била наведена дека Аврил била исцрпена поради славата и популарноста. Некои отидоа и чекор подалеку и мислат дека пејачката починала меѓу албумите Let Go од 2002 година и Under My Skin од 2004 година, а потоа ја замениле со Мелиса.
Теоретичарите на заговор повторно ја почнаа оваа тема пред неколку години на „Твитер“ во тоа време (сега X) и сакаа да ја поддржат оваа тема со докази засновани на промената во нејзиниот изглед со текот на годините, како и тетоважата, која изгледаше како да пишува Мелиса.