Свет
Британското разузнавање: Русија планира да ја врати воената обука во училиштата
Рускиот министер за образование Сергеј Кравстов изјави дека воената обука ќе се врати во руските училишта до следниот септември, соопшти британското Министерство за одбрана во последниот извештај за војната во Украина.
Програмата ќе биде поддржана од руското Министерство за одбрана, кое наведува дека на оваа обука треба да се посветат не помалку од 140 часа годишно.
„Ова претставува програма од советската ера во која учениците имаа задолжителна воена обука, програма која заврши во 1993 година. Оваа обука вклучуваше непредвидени случаи за хемиски или нуклеарен напад, прва помош и искуство со ракување и пукање со калашникови“, соопшти британското Министерство за одбрана.
„Руските официјални лица се обидоа да ја оживеат оваа обука во 2014 година по руската инвазија на Крим. Тие се надеваа дека иницијативата ќе го подобри квалитетот на регрутите. Осум години подоцна, малку се промени, а квалитетот на руските регрути останува лош, со низок морал и ограничени обука“, пишуваат Британците.
Се додава дека оваа обука најверојатно има за цел да ги подготви учениците со воени вештини бидејќи се приближуваат до возраста за регрутирање и ја зголемуваат подготвеноста за мобилизација. Иницијативата, исто така, најверојатно ќе биде дел од „поширок проект за всадување на идеологијата на патриотизам и доверба во јавните институции кај руското население“, додаваат од Министерството за одбрана на Велика Британија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американците се подготвуваат за втора граѓанска војна: 41 отсто веруваат дека таа ќе избие во следните пет години
Последното истражување на компанијата „Расмусен рипортс“ откри дека дури 41 отсто од Американците веруваат дека во следните пет години во САД ќе избие втора граѓанска војна, меѓу кои и 16 отсто кои сметаат дека таквото сценарио е многу веројатно.
49 отсто од нив не сметаат дека е веројатна нова граѓанска војна до 2029 година, вклучително и 20 отсто кои велат дека воопшто не е веројатна. Уште 10 отсто од испитаниците не се сигурни.
„Можноста дека Америка наскоро ќе се соочи со уште една граѓанска војна не е премногу веројатна за многу гласачи“, велат анкетарите во истражувањето.
Со протести на американските универзитети и повици за „социјална реконструкција на Америка“, но и со знаење дека демократските донатори ги финансираат овие протести, во САД преовладува впечатокот дека „радикалната левица“ ја уништува земјата на контролиран начин, па резултатите од анкетата не се изненадувачки, пренесува „RT Balkan“.
Европа
Бебе почина по операција на крајниците: имало интервенција пред само една недела, се истражува причината за смртта
Седуммесечно бебе од Милано било пронајдено починато во креветчето само една недела по тонзилектомија.
Италијанската полиција веднаш почна да утврдува дали операцијата на крајниците, на која бебето било подложено непосредно пред смртта, има врска со смртоносниот исход.
Родителите на 6 мај го пронашле бебето во неговото креветче и веднаш повикале помош, но веќе било доцна.
Медицинскиот персоналнал направил се, за да го реанимира бебето, дури го пренеле во најблиската болница Форнароли во Магента, но не можеле ништо да направат за да го спасат детето.
Момчето починало во истата болница каде што било оперирано пред една недела, а обдукцијата ќе ја покаже вистинската причина за неговата смрт, пренесуваат локалните медиуми.
Европа
Шефицата на германската дипломатија: Руската војна се води на сите нивоа
Германската министерка за надворешни работи Аналена Бербок изјави дека „војната во Русија се води на сите нивоа“, вклучително и блокадата на украинскиот извоз на жито, но и сајбер нападите, не само во Украина, туку и врз германската владејачка Социјалдемократска партија (СДП) и германските компании.
Тоа е неодговорен процес, настан за кој не можеме да молчиме, изјави Аналена Бербок при посетата на Фиџи, пренесува ДПА.
Неодамна беше објавено дека Русија извршила сајбер напади врз СДП и германски компании од секторите на одбраната, авијацијата и информатичката технологија.