Свет
Пелоси: Секогаш ќе имам влијание
![](https://makfax.com.mk/wp-content/uploads/2022/11/5449382_2022-11-13t155728z-145684546-rc2gmw9jz3zp-rtrmadp-3-usa-election-pelosi_ls.jpg)
Претседателката на Претставничкиот дом на САД, Ненси Пелоси, вчера изјави дека е рано да се зборува дали ќе се обиде да ја задржи својата позиција по неизвесниот исход од изборните резултати во вторник, но нагласи дека не планира да се повлече од политичкиот живот.
Во неколку телевизиски интервјуа, Пелоси рече дека нејзината Демократска партија ќе има многу посветла иднина на следната седница на Конгресот, со оглед на послабите од очекуваните резултати на републиканците.
82-годишната Пелоси рече дека е фокусирана на иднината на нејзината партија, а не на личната, пред гласањето за раководството на Претставничкиот дом на 30 ноември.
„Постојат разни начини да се изврши влијание. Позицијата на претседател на Претставничкиот дом носи голема моќ, но јас секогаш ќе имам влијание“, изјави таа за Си-ен-ен.
Демократите обезбедија контрола врз Сенатот, а контролата на Претставничкиот дом останува неизвесна бидејќи двете партии допрва треба да освојат 218 места додека пребројувањето трае.
„Тесно е“, рече Пелоси. „Сè уште не сме се откажале, тие сè уште не победиле“.
На прашањето дали неодамнешниот напад врз нејзиниот сопруг ќе влијае на одлуката за нејзината политичка иднина, Пелоси рече дека не планира да го напушти Конгресот и дека ќе се обиде да придонесе за унапредување на нејзината партија. Таа рече и дека ќе го поддржи Бајден доколку сака да се кандидира за реизбор.
„Мојата одлука ќе се заснова на желбите на моето семејство и на моите гласачи. Но, ништо од тоа нема да се разгледува додека не го видиме исходот од сето ова“, изјави таа за Си-ен-ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.